आर्थिक क्रान्तिको नेतृत्व पनि काँग्रेसले नै गर्छ : सिंह ।

काठमाडौँ, २३ वैशाख । नेपाली काँग्रेसका नेता तथा पुर्व उपप्रधानमन्त्री प्रकाशमान सिंहले  नेता सिंहले मुलुकलाई शान्ति र समृद्धिको मार्गमा अगाडि बढाउन नेपाली काँग्रेसको भूमिका आवश्यक रहेको बताउनु भएको छ । पटक पटक राजनीतिक क्रान्तिको नेतृत्व गरेको काँग्रेसले आर्थिक क्रान्तिको पनि नेतृत्व गर्ने उहाँको भनाइ छ ।

नेपाली काँग्रेस नागार्जुन नगरपालिकाले स्थानीय तहको निर्वाचनका लागि शनिवार आयोजना गरेको चुनावी सभालाई सम्बोधन गर्दै नेता सिंहले संविधानको रक्षाका लागि स्थानीय निर्वाचन आवश्यक रहेको बताउनु भयो । उहाँले स्थानीय तहको निर्वाचनसँगै नेपाली काँग्रेसले देशलाई आर्थिक समृद्धिको बाटोमा लैजाने दावी गर्नु भयो। सभालाई सम्बोधन गर्दै नागार्जुन नगरपालिकाका मेयरका उमेद्वार मोहन बहादुर बस्नेतले नगरपालीकालाई सुरीषत र सुन्दर बनाउने आफ्नो बेग्लै रणनिती भएको बताउंदै आफुलाई मतदान गर्न नगरबासीलाई आग्रह गरेका थिए ।