सोलुखुम्बु, ३ जेठ । सोलुखुम्बुको महाकुलङु गाउँपालिका १, साप्दी टोलमा एकजनाको हत्या भएको छ । साविकको बुङ गाविस १ का ४० वर्षीय चन्द्र प्रकाश राईको स्थानीय ३ युवाले हत्या गरेको जिल्ला प्रहरी कार्यालय सोलुले जानकारी दिएको छ । गएको वैशाख २७ गते राती १० बजेतिर भएको विवादका क्रममा गाउँकै २४ वर्षे डिक बहादुर राई र १९ वर्षे विकास राई, र २१ वर्षका गौरब राईको कुटपिटबाट घाइते भएका, चन्द्र प्रकाशरको उपचारका क्रममा हिजो साँझ सोताङको स्वास्थ्य चौकीमा उपचारका क्रममा मृत्यु भएको हो ।
स्थानीय युवाले कुटेपछि घर गएर सुतेका राई ५ दिनसम्म बाहिर ननिस्एिकपछि गाउँलेले गएर सोधपुछ गरेपछि मात्रै घटना बाहिर आएको हो । घरमा कोही नभएका राईलाई गाउँलेले नै सोताङ स्वास्थ्य चौकी लगेको र त्यहाँबाट बाहिर उपचारका लागि लैजाने तयरी हुँदै गर्दा चन्द्र प्रकाशको मृत्यु भएको प्रहरीले जनाएको छ । आक्रमणमा संलग्न डिक बहादुर, विकास र गौरब राईलाई जिल्ला प्रहरी कार्यालयको हिरासतमा लिइएको छ । घटनाको कारण खुल्न बाँकी रहेको प्रहरीले जनाएको छ ।
