अबको स्थानीय तह पूर्वाधार विकासमा मात्र केन्द्रित नभई तुलनात्मक लाभका उत्पादनहरूको प्रर्वद्घन र बजारीकरणमा लाग्न साना उद्योगीको सुझाव ।

0
450

काठमाडौं असार १ । अबको स्थानीय तह पूर्वाधार विकासमा मात्र केन्द्रित नभई स्थानीय तहमा तुलनात्मक लाभका उत्पादनहरूको उत्पादन, प्रर्वद्घन र बजारीकरणमा लाग्नुपर्ने सुझाव सरोकारवालाहरूले दिएका छन् ।
स्थानीय तहले आफ्नो कार्य क्षेत्रको सन्तुलित विकास र समग्र आर्थिक बृद्घिदर उच्च राखी छिमेकी पालिकाहरूसँग समेत प्रतिष्पर्धी बन्नुपर्ने उनीहरूको भनाई थियो ।
नेपाल घरेलु तथा साना उद्योग महासंघले काठमाडौं जिल्लाका स्थानीय तहमा नवनिर्वाचित मेयर, उपमेयर तथा काठमाडौं महानगरपालिका वडाध्यक्षहरूलाई स्वागत तथा सम्मानका लागि राजधानीमा आयोजना गरेको कार्यक्रममा उनीहरूले सो कुरा बताएका हुन ।
महासंघका अध्यक्ष श्यामप्रसाद गिरीले विगतका दिनमा स्थानीय निकायहरूले मुलतः पूर्वाधारकै विकासका लागि धेरै काम गरिरहेको भन्दै हाल नवनिर्वाचित धेरै जनप्रतिनिधिहरूले पनि स्थानीय तह केबल पूर्वाधार विकासमा मात्रै सीमित हुने हो कि भन्ने डर जनतामा पलाएको बताउनुभयो ।
लघु घरेलु तथा सान उद्योग अर्थतन्त्रको मेरूदण्ड भएको भन्दै उहाँले भन्नुभयो –‘महासंघका गतिविधि ७५ जिल्लामा सञ्चालन छन्, महासंघको विधान अनुसार नै अब महासंघका गतिविधि स्थानीय तहमा गठन गरिने छ ।’
स्थानीय तहका जनप्रतिनिधिहरुलाई आवश्यक परेको खण्डमा सहयोगका लागि महासंघको तर्फबाट प्रतिबद्घता पनि उहाँले जाहेर गर्नुभयो ।
सरकार भएका भन्दै स्थानीय तहभित्र सञ्चालित लघु उद्यम, घरेलु तथा साना उद्योग र व्यापार व्यवसायहरूको छुट्टाछुट्टै तथ्याङ्क चुस्त दुरूस्त राख्ने र अद्यावधिक गराउन निजी क्षेत्रसँग सहकार्य गनका लागि महासंघले प्रस्ताव अगाडि सारेको उहाँले बताउनुभयो ।
विभिन्न क्षेत्रका लागि आवश्यक पर्ने दक्ष र मध्यम स्तरका जनशक्ति उत्पादन गर्न महासंघसँग सहकार्य गर्ने व्यवस्था मिलाएर अगाडि बढ्न आग्रह गर्दै उहाँले पालिकास्तरमा विजनेशन इन्कुबेसन केन्द्रको स्थापना निजी क्षेत्रसँग सहकार्य गर्नुपर्ने बताउनुभयो ।
पालिकास्तरमा हुने उत्पादनको बजारीकरणका लागि सम्भव भएसम्म सामुहिक उत्पादन श्रङ्खला, सामुहिक ब्राण्डिङ र थोक एजेण्टहरू सहितको उत्पादन श्रङ्खलाको विकासमा जोड दिन निजी क्षेत्रसँग सहकार्य गर काम गर्नुपर्ने उहाँले बताउनुभयो ।
उद्यम व्यवसायलाई आवश्यक कच्चा पदार्थ तथा उत्पादित वस्तुको ओसार पसारमा पर्न सक्ने कठिनाई जिल्ला समन्वय समितिसँग समन्वय गरी अन्तरजिल्ला, अन्तरप्रदेश तहमा सहजीकरण गर्ने र एकद्घार प्रणाली विकास गर्न केन्द्रिय सरकारसँग पहल गर्ने व्यवस्था मिलाउन अध्यक्ष गिरीले आग्रह गर्नुभयो ।

नवनिर्वाचित मेयर विद्यासुन्दर शाक्यले महासंघलाई धन्यबाद ज्ञापन गर्दै
महासंघबाट महानगरपालिकाले धेरै कुरामा सहकार्य गरेर अगाडि बढ्ने बताउनुभयो ।घरेलु तथा साना उद्योग महासंघको सहकार्यमा महानगरपालिकाको नाममा केहि उत्पादन ब्राण्डिङ गरेर बिक्री गर्न सकिने भन्दै उहाँले त्यसका लागि महासंघबाट सहयोग लिन सकिने बताउनुभयो ।
महानगरपालिकाले ब्राण्डिङ गर्ने उत्पादन गुणस्तरीय हुनुपर्ने भन्दै उहाँले त्यस्ता उत्पादन नेपाली पहिचानका रूपमा विदेशी बजारसम्म पु¥याउन सकिने बताउनुभयो ।नेपालमा गुणस्तरीय वस्तुको उत्पादन गर्न नसक्दा सरकारले लाखौं मूल्य खर्चेर नेपालको जस्तै मौलिकपन झल्किने वस्तु अन्य देशबाट आयत गर्नुपरेको अहिलेका अवस्था रहेको उहाँले बताउनुभयो ।नेपालमा जनशक्तिको अभावलाई मध्यनजर गर्दै महासंघको सहकार्यमा दक्ष जनशक्ति उत्पादनका लागि पहल गरिने मेयर शाक्यले बताउनुभयो ।
नेपालमा साना उद्योग व्यवसाय गर्नेहरू घरपरिवारबाट हेपिने गरेको भन्दै साना कामबाटै मानिसले ठूला आर्थिक उपलब्धी हासिल गर्न सक्छन् भन्ने तथ्यलाई सबैले बुझ्नुपर्ने बताउनुभयो ।काठमाडौं महानगरपालिकाका उपमेयर हरिप्रभा खड्गीले समाजमा महिलाहरूलाई उद्यमी बनाउन नसकेसम्म मुलुक समृद्घ बन्न नसक्ने बताउनुभयो । धेरै चुनौतिहरूका बाबजुद महिलाहरू अगाडि बढिरहेको भन्दै उहाँले हरेक वडा वडाबाट महिला उद्यमी÷व्यवसायी उत्पादन गर्नुपर्ने आवश्यकता औंल्याउनुभयो ।
अहिले देशको प्रमुख चुनौती भनेकै युवा पलायन भएको भन्दै उहाँले महासंघसँगको सहकार्यबाट युवा पलायन रोक्नका लागि आवश्यक कार्यक्रम अगाडि ल्याइनुपर्ने बताउनुभयो ।महासंघ र घरेलु तथा साना उद्योग संघले काठमाडौंसँगको सहकार्यमा जिल्लाका स्थानीय तहमा नवनिर्वाचित मेयर, उपमेयर तथा काठमाडौं महानगरपालिकाका मेयर, उपमेयर र वडा अध्यक्षलाई स्वागत तथा सम्मान गरेको हो ।
नेपाल घरेलु तथा साना उद्योग महासंघका उपाध्यक्ष विष्णुबहादुर लुईटेल, केन्द्रिय महिला उद्यमी समितिका कार्यबाहक सभापति रोशनी उपाध्याय, संघ काठमाडौंका अध्यक्ष सीता कार्कीलगायतले साना उद्योगको विकासका लागि लघु घरेलु प्रबर्दन बोर्ड स्थापना गर्न आवश्यक रहेको बताउनुभयो ।