मंसिरमा प्रदेश र संघको निर्वाचन हुन नसके देशमा संवैधानिक संकट उत्पन्न हुन्छ : नेता पुन ।

0
821

२३ भदौ पाल्पा । नेकपा ९माओवादी केन्द्र का नेता वर्षमान पुनले राष्ट्रियसभासम्बन्धी ऐन छिटो संसदमा पेश हुने बताएका छन् छ । राष्ट्रियसभासम्बन्धी विधेयक बनाउने काम छिटो हुने उनको भनाई छ । प्रेस सेन्टर पाल्पा शाखाले आज तानसेनमा गरेको पत्रकारसम्मेलनमा उनले प्रदेश र संघको निर्वाचन मंसिरमा हुन नसकेमा देशमा संवैधानिक संकट उत्पन्न हुने बताए । संवैधानिक संकट उत्पन्न हुनबाट देशलाई जोगाउन मंसिरमा नै निर्वाचन गर्नुको अर्को विकल्प नभएको उनको भनाइ थियो ।

तीनै चरणको निर्वाचन सम्पन्न भएपछि संविधानको कार्यान्वयन हुने बताउँदै उनले त्यसका लागि सबै क्षेत्रको सहयोग गर्नुपर्ने बताए । प्रदेश नम्बर २ निर्वाचनपछि माओवादी पहिलो शक्ति बन्ने उनले दाबी समेत गरे ।

शान्तिपूर्ण र मर्यादित रुपमा मंसिरमा निर्वाचन गराउन सरकारलाई राजनीतिक दल, नागरिक समाज र सञ्चारलगायत सबै क्षेत्रको सहयोग चाहिएको बताए ।