डिसेम्बर २५ का दिन थाइल्याण्डस्थित चकलेट भिल्ला क्रिसमसको उल्लासमय माहोलले गुञ्जायमान बनेको थियो। मध्यराति १२ बजेदेखि नै स्वदेशी, विदेशी तथा नेपाली पर्यटकहरूको उल्लेख्य भीड यहाँ जम्मा भएको थियो। हर्षोल्लासका साथ मनाइएको यस पर्वमा आयोजित विविध आकर्षक गतिविधिले उपस्थित सबैलाई मन्त्रमुग्ध बनायो।
चकलेट भिल्ला परिसरभरि खुसी र उत्साहको वातावरण छाएको थियो। मध्यरातिमा गरिएको भव्य आतसबाजीले आकाशलाई रङ्गीन बनायो भने रंगीन लाइट डान्स र विभिन्न प्रदर्शनले पर्यटकहरूलाई रोमाञ्चित बनायो। हजारौँको संख्यामा उपस्थित पर्यटकहरूले एक–अर्कालाई क्रिसमसको शुभकामना आदान–प्रदान गर्दै खुसी साटासाट गरे।
क्रिसमसको महत्व, यसको विश्वव्यापी उत्सव र चकलेट भिल्लामा आयोजना गरिएका विशेष कार्यक्रमलाई नियाल्दा, यस पर्वले साँच्चै नै विश्वलाई एकता, प्रेम र सद्भावको सूत्रमा बाँध्ने सन्देश दिएको देखिन्छ। हजारौँ पर्यटकको सहभागिताले यस वर्षको क्रिसमस उत्सवलाई अझै स्मरणीय बनाएको छ।
