प्रधानमन्त्री कृषि आधुनिकीकरण परियोजनाबाट कृषकहरु लाभान्वीत ।

0
442

कार्तिक ८ काठमाण्डौं । प्रधानमन्त्री कृषि आधुनिकीकरण परियोजना सुपर जोन (धान) कार्यान्वयन इकाईले कृषिलाई आधुनिकिकरण गर्ने बिषयमा सरोकारवालाहरुसँग छलफल गरेको छ ।

कार्यक्रममा विभिन्न कृषक समूहमा रहेका कृषकहरुले प्रधानमन्त्री कृषि आधुनिकीकरण परियोजना लागू भएपछि ज्ञान, सीप बढ्नुका साथै उत्पादन समेत बढेको बताएका छन् ।

अर्थ मन्त्रालय अगुगमन तथा मूल्यांकन महाशाखाका अधिकृत श्याम आचार्य र नवलकिशोर आचार्य सहभागि रहेको सो कार्यक्रममा कृषक पञ्चानसिंह राजवंशी, रामचन्द्र राजवंशी, अब्बास मियाँ, होमनाथ सिग्देल, वसन्त गणेशलगायतले परियोजनसँगै कृषिमा आधुनिकीकरण र यान्त्रिकीकरणको प्रवेशले उत्पादन लागत घट्नुका साथै उत्पादन बढाउन मद्दत पुगको विचार राखेका थिए ।

“विगतमा हामी यस क्षेत्रमा पर्याप्त मात्रामा चैते धान लगाउने गरेको तर बजार मूल्य कम र भण्डारणको व्यवस्था नभएकाले चैते धानबाट हात झिक्ने गरेका थियौँ, परियोजनाको कार्यान्वयनसँगै हामी पुनः यस्ता बालीतर्फ फर्कन लागेका छौँ,” कार्यक्रममा सहभागि कृषकहरुको भनाइ थियो ।

वरिष्ठ कृषि विकास अधिकृत मेघनाथ तिमल्सेना र अधिकृत आचार्यले धानमा आत्मनिर्भर गर्न र कृषि प्रणालीलाई वैज्ञानिक एवं व्यावसायिक बनाउन सरकारले यस्तो कार्यक्रम ल्याएको बताउनुभयो । सो कार्यक्रममा हरित कृषक समूहलाई ५० प्रतिशत अनुदानमा धान काट्ने मेसिन हस्तान्तरण गरिएको थियो ।