१२ कात्तिक , चितवन । चितवनको भरतपुरमा ट्रिपरले यात्रुवाहक वसलाई ठक्करदिँदा २४ जना घाइते भएका छन् । नारायणगढबाट गोरखातर्फ जाँदै गरेको ना ५ ख ८६९४ नम्वरको वसलाई विपरित दिशाबाट आउँदै गरेको बा ३ ख ९०१२ नम्वरको ट्रिपरले आँपटारी जंगल नजिक पानी ट्याङकी आरालोनजिक ठक्कर दिएको थियो । ट्रिपरले ठक्कर दिएको वस तल झाडीमा खसेको छ ।
घाइतेहरुको भरतपुर अस्पताल, चितवन मेडिकल कलेज र भरतपुर मेडिकल कलेजमा उपचार भैरहेको छ । गम्भिर घाइते २ जनाको पूरानो मेडिकल कलेजमा उपचार भैरहेको जिल्ला ट्राफिक प्रहरी कार्यालय चितवनका प्रमुख सन्तोष पन्तले जानकारी दिए । वसका चालक घाइते छन् ट्रिपरका चालक फरार छन् । उनको खोजी भैरहेको पन्तले बताए ।
