लोकतन्त्रको रक्षाका लागि नेपाली काँग्रेसलाई जिताउन गच्छेदारको आग्रह ।

0
291

कार्तिक १५ मोरङ । उपप्रधानमन्त्री विजयकुमार गच्छदारले लोकतन्त्रको रक्षाका लागि नेपाली काँग्रेस बलियो हुनुपर्ने बताउनुभएको छ ।

विराटनगर विमानस्थलमा आज अपराह्न पत्रकारसँग कुराकानी गर्दै उहाँले वामपन्थी दलहरुबीच चुनाव एकता भएकाले सो एकताको सामना गर्न सैद्धान्तिक र राजनीतिकरुपमा नेपाली काँग्रेसको नेतृत्वमा लोकतान्त्रिक मोर्चा गठन भएको स्पष्ट पार्नुभयो ।

अहिले लोकतान्त्रिक पद्धतिमाथि खतरा उत्पन्न भएको प्रसंग उल्लेख गर्दै उहाँले वामपन्थी गठबन्धनले साम्यवादी विचारधारामार्फत संसदीय पद्धतिलाई बदलेर कार्यकारी राष्ट्रपति बनाउन लागेको हुनाले लोकतन्त्रलाई अप्ठेरोमा पर्न नदिन नेपाली काँग्रेसको नेतृत्वमा ऐक्यबद्ध हुन आह्वान गर्नुभयो ।

लोकतन्त्रलाई रक्षा गर्न आफ्नो पार्टी पनि काँग्रेससँग ऐक्यबद्ध भएको भन्दै उपप्रधान मन्त्री गच्छदारले पार्टीमा उम्मेद्वार बन्न आकांक्षी धेरै भएपनि जसले टिकट पाएपनि नेपाली काँग्रेसलाई विजय गराउन कार्यकर्तालाई प्रतिबद्ध हुन आग्रह गर्नुभयो ।