‘कोशेली’को फष्टलुक सार्वजनिक ।

0
485

आगामी पौष ७ गतेलाई रिलिज मिति निश्चित भएसंगैै फिल्म ‘कोशेली’को फष्टलुक सार्वजनिक भएको छ । प्रेम, द्वन्द्व, विछोड लगायतका विषय समेटिएको फिल्मको दुई वटा पोष्टर सामाजिक सञ्जालमार्फत सार्वजनिक भएको हो । फष्टलुकमा फिल्मका मुख्य भुमिकामा रहेका कलाकारहरुलाई प्रमुख स्थान दिइएको छ ।

भोले बाबा फिल्मस्को व्यानरमा निर्माण भएको फिल्ममा उमादेवी खत्री प्रस्तुतकर्ता छिन् । मनोज खत्रीको लेखन तथा निर्देशन रहेको फिल्ममा मनोज खत्री, दिनेश शर्मा, जेएन घिमिरे, रचना लामा, सुरज ढकाल, मञ्जिला बुढाथोकी, तेजा ऐर, उमा भट्टराई, तारा लामा र सन्तोष कार्कीको अभिनय छ ।

निर्देशक मनोजले अहिलेको पुस्ताले मनपराउने खालको समय सामयिक कथालाई फिल्ममा देखाइएको बताएका छन् । ‘फिल्मले अहिलेको पुस्ताको प्रेमकथालाई समेटेको छ, आम दर्शकका लागि फिल्म रुचीकर हुने निर्देशकको दावी छ ।

फिल्ममा अभिषेक पौडेलको सम्पादन, सत्यम राना र सुदिप आचार्यको भीएफएक्स, कृष्ण कोइरालाको प्रोडक्सन, विकास चौधरीको संगीत, देव महर्जनको द्वन्द्व, दिनेश लिम्बुको कोरियोग्राफी र रवि कोइरालाको छायांकन रहेको छ ।