१३ मंसिर, काठमाडौं । उदयपुरमा आज बिहान बम विस्फोट हुँदा कांग्रेस उम्मेदवारसहित ४ जना घाइते भएका छन् ।
उदयपुरगढी नगरपालिका, नेपालटावरमा बम विस्फोट हुँदा उदयपुर क्षेत्र नं. २ का कांग्रेस उम्मेदवार नारायणबहादुर कार्की घाइते भएका हुन् ।विस्फोटमा परी धनमाया धौलाकोटी, राजन कार्की र निरा कटुवाल घाइते भएको जनाईएको छ । घाइते सबै कांग्रेस कार्यकर्ता हुन् ।चुनावी प्रचार अभियानमा रहेका कार्कीलाई कसले बम प्रहार गर्यो भन्नेबारे केही पनि खुलेको छैन । प्रहरीले यसबारे अनुसन्धान भइरहेको जनाएको छ ।
