प्रदेशमा बढीमा ११ मन्त्री राख्ने : एमाले र माओवादी

0
368

माघ १४,काठमाण्डौं – वाम गठबन्धनले प्रदेश सरकारमा बढीमा ११ मन्त्री मात्र बनाउने सहमति गरेको छ । साथै एमाले र माओवादी केन्द्रबीच आफ्नो सरकार बन्ने प्रदेशको मन्त्रिपरिषदमा ७०/३० को भागवण्डा हुने भएको छ ।

एमाले अध्यक्ष केपी शर्मा ओली र माओवादी अध्यक्ष प्रचण्डबीच चार घन्टा छलफल भए लगतै कार्यदलले प्रदेशको प्रमुख दलहरको भागवण्डा टुंगो लगाएको छ ।

एमालेले चार मुख्यमन्त्री र चार सभामुख लिएको छ भने माओवादीले दुई मुख्यमन्त्री र दुई सभामुख पाएको छ । उपसभामुख भने माओवादीले चार वटा लिनेछ र एमालेको भागमा दुई परेको छ ।

प्रदेशमा कम्तीमा ७ र बढीमा ११ मन्त्री बनाउने सहमति भएको एमाले नेता सुरेन्द्र पाण्डेले बताए । यसो हुँदा सबैभन्दा सानो प्रदेश मन्त्रिपरिषद् प्रदेश ६ मा हुनेछ । सबैभन्दा धेरै ११ मन्त्री प्रदेश १ र ३ मा हुनेछ ।