गुगलले अहिलेसम्म प्रिमियम मूल्यमा फ्लागसीप स्पेसिफिकेसन्सवाला पिक्सेल रेन्जका स्मार्टफोन मात्र पेश गरिरहेको छ ।
तर एक नयाँ रिपोर्ट अनुसार गुगल निकट भविष्यमै नयाँ परिवर्तनको तयारीमा छ ।
समाचार अनुसार गुगलले कोडनेमको साथ नयाँ ‘मिड(रेन्ज’ सिरिजको एन्ड्रोइड स्मार्टफोन लञ्च गर्न सक्दछ ।
स्मरण रहोस् एचटीसीको मध्यमस्तरीय स्मार्टफोनमा पनि ब्रान्डिङ रहेको छ ।
यसका साथै गुगलले आफ्नो पिक्सेल सिरिजका स्मार्टफोनको उत्पादन बढाउनका लागि हालै एचटीसीको मोबाइल इन्जिनियरिङ्ग डिभिजनको एउटा ठूलो हिस्सा खरिद गरेको थियो ।
चिनिया ब्लगको रिपोर्ट अनुसार गुगलको आसन्न डिजाएर सिरिजका मिडरेन्ज स्मार्टफोनमा क्वालकोमको स्नापड्रागन ७०० सिरिजको प्रोसेसर हुनेछ । फ्लागसिप पिक्सेल रिरिजमा स्नापड्रागन ८०० सिरिजको प्रोसेसर रहेको छ ।
यसका अलावा डिजाएर सिरिज स्मार्टफोन एन्ड्रोइड गो अपरेटिङ सिस्टमबाट चल्नेछ । कम्पनीले गत वर्ष डिसेम्बरमा एन्ड्रोइड ओरियो (गो संस्करण) को घोषणा गरेको थियो, जुन एक जिबी भन्दा कम र्याम भएका स्मार्टफोनका लागि बनाइएको हो ।
प्रिमियम श्रेणीको पिक्सेल स्मार्टफोन बनाउनु अघि गुगलले मिड रेन्जकै नेक्सस स्मार्टफोन ल्याउने गरेको थियो । गुगल अब पुनः डिजाएर ब्राण्डसँगै आफ्ना मध्यमस्तरका ग्राहकसम्म पुग्ने तयारीमा रहेको छ ।
गुगलले गत अक्टोबरमा गुगल पिक्सेल टू तथा पिक्सेल टू एक्स एल स्मार्टफोन लञ्च गरेको थियो । यी दुई स्मार्टफोनमा गुगलले अत्याधुनिक स्मार्टफोन प्रविधिहरु राखेको छ ।
