साउन २ , पर्वत । अविरल वर्षापछि खसेको पहिरोले घर पुरिँदा पर्वतमा १ जनाको मृत्यु भएको छ भने ३ जना गम्भीर घाइते भएका छन्।
जिल्लाको जलजला गाउँपालिका–८ स्थित लस्ती बेरनेतामा पहिरोमा पुरिएर बेरनेटाका बमबहादुर परियारका १६ वर्षीय छोरा विकास परियारको मृत्यु भएको हो ।यस्तैै गाउँका १६ घर जोखिममा परेका छन् । यता पर्वकै जलजला गाउँपालिका–७, धाइरिङ बास्कोटमा पहिरोले घर पुरिँदा ३ जना घाइते भएका छन् । स्थानीय भीमलाल आचार्यको घर पुरिँदा आचार्यसहित ३ जना गम्भीर घाइते भएका हुन् । घाइतेलार्इ उपचारका लागि धवलागिरी अञ्चल अस्पतालमा पठाइएको जिल्ला प्रहरी कार्यालय पर्वतले जनाएको छ ।
