इंग्लिस प्रिमियर लिग फुटबल अन्तर्गत गए राती भएको खेलमा चेल्सी र स्वान्सी बराबरीमा रोकिएका छन् । गएको संस्करणको विजेता चेल्सीले स्वान्सीसँग २–२ गोलको बराबरी गरेको हो । यस्तै राती नै भएको अर्को खेलमा एभर्टन र वाटफोर्डले पनि २–२ गोलको बराबरी गरेका छन् ।
अरु खेलमा भने एस्टन भिल्ला, लिसेस्टर सिटी, क्रिस्टल प्यालेस र म्यान्चेस्टर सिटी विजयी भएका छन् । लिसेस्टर सिटीले सण्डरल्याण्डलाई ४–२ को गोल अन्तरले हरायो । जितसँगै लिसेस्टर सिटी शीर्ष स्थानमा उक्लिएको छ ।
यस्तै क्रिस्टल प्यालेसले नर्विचलाई ३–१ ले हराउँदै तालिकाको दोस्रो स्थानमा उक्लिएको छ । बोर्नमाउथलाई १ –० ले हराएको एस्टन भिल्ला भने तेस्रो स्थानमा झरेको छ । प्रिमियर लिग फुटबलमा टोटनह्यामलाई हराएर विजयी सुरुवात गरेको म्यान्चेस्टर युनाइटेड तालिकोको चौथो स्थानमा र चेल्सी पाँचौ स्थानमा रहेको छ ।
