पोखरा २० भदौ । पोखरा महानगरपालिका–२२ रानीवनमा एकजनाको शव फेला परेको छ । ड्यामसाइट पारीपट्टी रानीवनमा सडेको अवस्थामा एक युवकको शव फेला परेको हो । स्थानीयले शव देखेको खबर गरेपछि प्रहरी पुगेर अनुसन्धान थालेको छ । प्रहरीका अनुसार मंगलबार वन हुँदै माछा मार्न गएका एक युवाले शवजस्तो देखेको भनेका थिए ।
बुधबार बिहान उनीसहित स्थानीयको समूह पुगेर एक पुरुषको शव देखेपछि प्रहरीलाई खबर गरेका थिए । शवको पहिचान भएको छैन,’ वडा प्रहरी कार्यालय बैदामका प्रहरीले मुचुक्ला उठाएर पोस्टमार्टमका लागि क्षेत्रीय अस्पताल लैजाने बताएका छन् । शवको नजिकै पावर बैंकमा चार्ज गरिराखिएको मोबाइल फेला परेको पनि पानीका कारण मोबाइल अन नभएको प्रहरीले बताएको छ । शव सडेगलेको अवस्थामा भेटिएकाले उनको मृत्यु केही दिन अगाडि नै भएको भएको जिल्ला प्रहरी कार्यालय पोखराले जनाएको छ ।
