२१ भदौ, काभ्रे । काभ्रेको खानीखोला गाउँपालिका–७ मा रहेको छोइछेल कुण्डलाङ गुम्बामा पेस्तोल देखाएर लुटेराको समूहले ३ लाख ५० हजार नगद र एउटा शंख लुटेको छन् । गुम्बाका पुजारी तिलक लामालाई नियन्त्रणमा लिएर मंगलबार लुटेराहरुको एक समूहले लुटेको हो । दुई मोटरसाइकलमा आएका उनीहरुले पुजारीलाई बाँधेर पेस्तोल देखाउँदै शंख र रकम लिई भागेको जिल्ला प्रहरी कार्यालय, काभ्रेका प्रहरीले बताएका छन् ।
घटनाबारे जानकारी पाए लगत्तै प्रहरीको कमाण्डमा खटिएको प्रहरी टोलीले ५ जनालाई पक्रेको हो । काभ्रे खानीखोला ७ का अनिल घिसिङ, खानीखोला २ का रमेश थोकर र सोही स्थानका जगतबहादुर गोलेलाई प्रहरीले पक्राउ गरेको छ । त्यसैगरी काभ्रेको पनौती नगरपालिका ८ का विकास बन्जारा र निशान गोले पनि सोही अभियोगमा पक्राउ परेका छन् । नियन्त्रणमा लिइएका माथि अनुसन्धान थालिएको प्रहरी बताएको छ ।
