नेपालकी प्रथम ब्हिलचियर मोडल अमृता ज्ञवालीको नामबाट स्थापित अमृता फउण्डेसनमा कार्यरत महिला कर्मचारीमाथि मेनेजर अमृत कार्कीले दैनिक बलात्कार गर्ने गरेको तथ्य बाहिरीएको छ । शनिवार राजधानीमा पत्रकार सम्मलेन गर्दै संस्थाका सल्लाहकार रमा कार्कीले साउन २८ गते राती नगरकोकाटको बास्कोटा गाउँमा रहेको एक होटलमा लगेर कार्यलयमा कार्यरत महिला कर्मचारी माथि बलात्कार प्रयास गरेको पिडीत युवतीले बताएकी छिन् । मानसिक सन्तुलन गुमेकी महिलाको उद्धार गर्न भन्दै साँझ नगरकोट पुर्याएर आफुमाथि बलात्कार गर्ने प्रयास भएकोमा आफुले प्रतिकार गरेर भाग्न सफल भएको पिडीत युवतीले बताएकी छिन् । घटनाका सम्बन्धमा प्रहरीलाई किटानी जोहेरी दिंदा उजुरी लिन नमाने पछि जिल्ला अदालत भक्तपुरमा जाहेरी दर्ता गरेको ती युवतीले बताएकी छिन् । पीडक अमृत कार्कीले घटना मिलाए ८ लाख रुपैया दिने प्रलोभन देखाएको समेत उनले बताएकी छिन् । पिडीत युवतीले दिएको बयान भिडियोमा हेर्न सकिने छ ।
अमृता फउण्डेसनका मेनेजर अमृत कार्कीले सञ्चार खवर सँगको कुराकानीमा रमा कार्कीको मानसिक अवस्था ठिक नभएको भन्दै उनले आफुमाथि आरोप लगाएर सिंगो संस्थाको बद्नाम गराउन खोजेको प्रतिक्रिया दिए । रमा कार्कीको पछि लागेर संस्थामा जथाभावी कृयाकलाप गरे पछि बलात्कार गर्ने प्रयास गर्यो भनी आरोप लगाउने युवतीलाई जागीरबाट हटाइएको कार्कीले बताए । रमा कार्कीले गरेका अपराधका थुप्रै प्रमाणहरु आफु सँग भएको भन्दै आवश्यक परे सबै प्रमाण सार्वजनिक गर्ने उनले बताए ।
