असोज १ मा रिलिज हुने चलचित्र ‘वडा नं ६’ को ट्रेलर सार्वजनिक भएको छ । सार्वजनिक ट्रेलरमा कमेडी दृश्यहरुसँगै केहि कौतुहलता प्रकट गर्ने खालका दृश्यहरु समावेश छन् ।
पछिल्लो समयको प्रतिच्छित चलचित्र मध्येको एक यो चलचित्र उज्जल घिमिरेको निर्देशनमा तयार भएको हो । पछिल्लो पटक चलचित्र ‘छ एकान छ’ जस्तो हिट चलचित्र दिएको निर्माण टिमको यो चलचित्रमा मुख्यतः सानोपर्दाका हिट पात्रहरुको अभिनय छ ।
चलचित्रमा, सिताराम कट्टेल दिपकराज गिरी, दिपाश्री निरौला, जितु नेपाल, केदार घिमिरे, प्रियंका कार्की, सन्दिप क्षेत्री, दयाहाङ राई लगायतको अभिनय छ । चलचित्रको रिलिज मिति नजिकिँदै गर्दा निर्माण युनिट प्रचारलाई ब्यापकता दिने सोचमा छ ।
