भाद्र १५, – नेपाल आयल निगमले पेट्रोलियम पदार्थको मूल्य घटाएको छ ।
निगमले मंगलबार राति १२ बजेदेखि लागू हुने गरि पेट्रोलमा साढे २ रुपैयाँ तथा डिजेल र मट्टितेलमा २–२ रुपैयाँ घटाएको प्रवक्ता दीपक बरालले जानकारी दिए ।
मूल्य घटेसँगै पेट्रोल १०४ तथा मट्टितेल र डिजेल ८२–८२ रुपैयाँ कायम भएको छ । ग्यासमा पनि ३५ रुपैयाँ घटाएर १४ सय बनाइएको छ ।
बरालले आईओसीले पनि मंगलबार नै नयाँ मूल्य सूची पठाएको जानकारी दिए ।
प्रवक्ता बरालका अनुसार मूल्य घटाए पनि निगमले १५ दिनमा ८७ करोड रुपैयाँ नाफा कमाइरहेको छ ।
