चैत्र ३ काठमाडौं । हिन्दुहरुको पवित्र पर्व होली आजबाट प्रारम्भ भएको छ । राजधानीको बसन्तपुरमा चीर ठड्याएसँगै होलीको औपचारिक सुरुवात भएको मानिने परम्परा रहेको छ । आज बिहान ७ बजेर ४७ मिनेटमा बिधि पूर्वक चिर ठड्याएसँगै हाली पर्व सुरु भएको छ । फागुन शुक्ल अष्टमीका दिन रंगीचंगी ध्वजापताका झुन्ड्याइएको बाँसको चीर ठड्याएसँगै होली पर्वको रौनक देख्न पाईनछ ।
धार्मिक ग्रन्थका अनुसार हिरण्यकश्यपुले भगवान् विष्णुका भक्त भएका कारण आफ्नै छोरा प्रह्लादलाई मार्न आफ्रनी बहिनी होलिकाको काखमा बसाली आगो लगाइदिएका थिए । तर, आगोले विष्णु भक्त प्रह्लादलाई मार्र्ने प्रयास गरेकी होलीकालाई नै भष्म गरेको थियो। यसरी होलिकाको मृत्युको विजयोत्सवका रूपमा सप्तरंगी रंगहरु एक आपसमा लगाई होली खेल्ने गरिएको छ । यो पर्व नेपालमा मात्र नभएर बिश्वभर रहेका हिन्दुहरुले हर्ष र उल्लाषकासाथ मनाउने गरेका छन् । पछिल्लो समय होली पर्व बिकृतपूर्ण बन्दै गएको छ । होली सुरु हुनु भन्दा धेरै अगाड देखि कार्यालय हिंडेकाहरुलाई समेत संग मिसाईएको पानी फ्यांक्ने देखि महिलाहरुलाई रंग र पानी फंक्ने गर्नाले यो पर्वबाट महिलाहरु बढिमात्रामा पिडीत हुने गरेका छन् । साना उमेरका केटा केटीले लोला हानेर हैरान पार्ने गरेका छन् ।
