हामी सबैको इच्छा, सर्वसुलभ विद्यालय शिक्षा’ भन्ने नारा सहित देश भर भर्ना अभियान सुरु ।

0
508

काठमाडौ, २ बैशाख । सरकारले आजदेखि भर्ना अभियान सुरु गरेको छ । ‘हामी सबैको इच्छा, सर्वसुलभ विद्यालय शिक्षा’ भन्ने नारा दिएर आजदेखि भर्ना अभियान सञ्चालन भएको हो ।
विद्यालय बाहिर रहेका साढे ५ लाख बालबालिका विद्यालयमा ल्याउन हरेक बर्ष भर्ना अभियान सञ्चालन हुंदै आएको छ । शिक्षा विभागका अनुसार आधारभूत तह (कक्षा १–८) सम्म अध्ययन गर्ने उमेर समूहका ५ लाख ५१ हजार ५ सय ४२ बालबालिका विद्यालयबाहिर छन् । ५ देखि १६ वर्ष उमेरका ६५ लाख ६२ हजार विद्यार्थीहरू विद्यालय तहमा अध्ययनरत छन् ।stud
शिक्षा विभागका निर्देशक वैकुण्ठ अर्यालले विद्यालय बाहिर हुने बालवालीकालाई विद्यालयमा ल्याउन हरसम्भव प्रयास गर्ने जानकारी दिनुभयो । विभागले ५ देखि १२ वर्षसम्मका बालबालिकालाई लक्षित गरेर भर्ना अभियान सुरु गर्ने योजना बनाएको उहाँले जानकारी दिनुभयो ।
भर्ना अभियानअन्तर्गत वैशाख १४ सम्म बाहिर रहेका विद्यार्थी कक्षामा ल्याउने, उनीहरूलाई टिकाइ राख्ने र सिकाइ उपलब्धिमा सुधार गर्ने कार्यक्रमलाई प्राथमिकता दिइएको शिक्षा विभागले जनाएको छ । वैशाख दोस्रो सातादेखि अन्तिसम्म घरदैलो कार्यक्रम पनि गरिने बिभागले जनाएको छ ।