दार्चुलाको मार्मामा बस पुग्दा बाजा गाजा सहित स्वागत ।

0
362

बैतडी, ५ असोज । दार्चुलाको मार्माक्षेत्रमा पहिलोपटक गाउँमै गाडी पुगेको छ । कञ्चनपुरको महेन्द्रनगरबाट आएको महाकाली यातायातका ना५ख ७३५७ नम्बरको बस पहिलोपटक लटिनाथबजारमा पुगेपछि त्यस क्षेत्रका स्थानीय बासिन्दा हर्षित बनेका छन् ।

दार्चुलाको दुर्गम क्षेत्रका रुपमा रहेको मार्माक्षेत्रमा मङ्गलबार पहिलोपटक गाडी पुगेको हो । “हाम्रो गाउँमा पहिलोपटक गाडी पुग्दा निकै खुसी भएका छौँ,” स्थानीयवासी दिनेश सिंहले भन्नुभयो – “पहिलोपटक गाउँमै बस पुगेको छ । अब बस चढेर सजिलै गाँउमै पुगिने भयो ।”

पहिलोपटक लटिनाथमा बस पुगेपछि स्थानीय बासिन्दाले बसचालक र बसधनीलाई भव्य स्वागतसमेत गरेका थिए । मार्मा क्षेत्रमा गाडी पु¥याउन सडक केही अप्ठ्यारो भए पनि अब नियमित बस सञ्चालनमा आउने बस धनी दिनेशबहादुर चन्दले बताउनुभयो ।

यसअघि रिलपैरो भन्ने ठाउँमा पहिरो जानुका साथै अन्य केही ठाउँमा सडक साँघुरो भएकाले त्यस क्षेत्रमा बस सञ्चालन हुन सकेको थिएन । पहिरो गएको ठाउँमा जेसिबी