निर्वाचन आयोगले आगामी फागुन २१ गतेका लागि तय भएको प्रतिनिधि सभा सदस्य निर्वाचनका लागि चुनाव चिह्न प्रदान गरेको छ ।

आयोगमा १२० राजनीतिक दलले प्रतिनिधि सभा सदस्य निर्वाचनमा भाग लिन आवेदन दिएका थिए । आयोगका प्रवक्ता नारायणप्रसाद भट्टराईका अनुसार १०२ राजनीतिक दललाई एकल रुपमा चुनाव चिह्न प्रदान गरिएको छ ।

१२ राजनीतिक दलले संयुक्त रुपमा निर्वाचनमा सहभागी हुने भनी आवेदन दिएकाले संयुक्त चुनाव चिह्न प्रदान गरिएको हो । यस आधारमा आयोगले कूल १०७ वटा चुनाव चिह्न प्रदान गरिएको जनाएको छ । आयोगमा कूल १४३ राजनीतिक दल दर्ता कायम भएका छन् । निर्वाचनमा भाग लिने दलको सङ्ख्या ११४ छ । निर्वाचनका लागि १०७ चुनाव चिह्न प्रयोग हुनेछन् ।

आयोगले प्रदान गरेका चिह्नहरुमा पहिलो नम्बरमा सूर्य, दोस्रोमा रुख, तेस्रोमा तारा, चौथोमा घण्टी चुनाव चिह्न रहेका छन् । हलो, ढल्केको छाता, लाउड स्पिकर, पिँध भएको सादा ढकिया, साइकल, मादल, गिलास, लौरो, खुलेको एकल आँखा, जरायो, दुई हात जोडेको नमस्कार निर्वाचन चिह्नका रुपमा प्रयोग हुनेछन् ।

त्यसैगरी कुखुराको भाले, जग, पञ्जा छाप, इनार, डोको, हसियाँ र तारा, कमलको फूल, माथिपट्टी फर्केको धनुष, गितार, घर, हसिँया, मोटरसाइकल, साँचो, दायाँ हातले समातेको मसाल, कछुवा, चङ्गा, बाँसुरी, गैँती, दापसहितको खुकुरी पनि निर्वाचन चिह्नका रुपमा प्रयोग हुनेछन् ।

आयोगका अनुसार, तुलसी मठ, गाग्री, ब्याट्री, मान्छेको काँधमा बोकिरहेको ढुङ्गा, ढाका टोपी, पुतली, सुगा, हथौडा, गोलाकार भित्र शंख, बज्र, हात्ती, उडिरहेको माहुरी, पुरुष, काखमा बच्चा लिएको आमा, चुच्चोले चिट्ठी बोकेर उड्न लागेको परेवा, अँजुलीमा रहेको माटो, बाली बोकेका महिलाको आकृति, कोदालो बोकेका किसान, त्रिशुुल, घोडा, गोलो घेराभित्र दुई पात भएको गुलाफलको फूल, लोककला कोरिएको गाग्रोमा आँपको कलश र त्यसमाथि नरिवल, कम्प्युटर किबोर्ड, गाडा निलो कलरको गोलाकारभित्र २४ किलाको चक्र, हात मिलाएको, चापाकल पनि निर्र्वाचन चिन्हका रुपमा प्रयोग हुनेछन् ।

बलिरहेको बिजुलीको चिम, सिट्ठी, प्रेम, ओदान, तीर, ट्रयाक्टर, रेडियो, रथ, तीन ढुङ्गे अधिनो, ढुङ्गे धारा, गदा, भेडा, चश्मा, बलिरहेको दियो, बस, स्कुटर, पाँचमुखे रुद्राक्षको दाना निर्वाचन चिह्नका रुपमा प्रयोग हुनेछ । दुई वटा पैतला छाप, करुवा, षटकोण, सुकुन्दा, पुल, चकिया, माटोबाट उम्रिएको तीन पात भएको बिरुवा, गोलो घेराभित्र पानीको बोत्तल, बुल्डोजर, लुगा सिउने कल, हात मिलाएको महिला र पुरुष, परेवा, तराजु, खरायो, सेतो र कलो रंगको जुत्ता, खुला किताब, खुलेको ताला, आवाज सुनिरहेको कान, श्रीवत्स समृद्धिको प्रतीक, गोलाकारभित्र बुढी औँला उठाएको लाइक, कोदालो, मकैका बाला, दुई औँला खुलेको औँला बन्द भएको हातको आकृति, जगर भएको सिंह, डुङ्गा र भैँसी पनि निर्वाचन चिह्न रहेका छन् ।

काठमाडौं – सरकारले ‘जेनजी’ प्रदर्शनमा घाइते भएकामध्ये परिचयपत्र छुटेको व्यक्तिलाई सम्पर्कमा आउन आग्रह गरेको छ ।

गृह मन्त्रालयले आज एक सूचना जारी गरी परिचयपत्र लिन छुटेकाले सम्बन्धित जिल्ला प्रशासन कार्यालयमा आफैँ उपस्थित भएर आवश्यक विवरण पेस गरी प्रक्रियामा आउने अनुरोध गरेको हो । मन्त्रालयले हालसम्म ५३६ जना घाइतेले परिचयपत्र बनाइसकेको पनि जनाएको छ ।

हाल जिल्ला प्रशासन कार्यालयबाट धमाधम घाइतेहरूको वर्गीकरण गरी स्वास्थ्य मन्त्रालयमा विवरण पठाइरहेको पनि जनाइएको छ ।

यसैबीच काठमाडौँका सहायक प्रमुख जिल्ला अधिकारी तथा सहायक प्रवक्ता मुक्तिराम रिजालले कार्यालयबाट कुल १६९ जना घाइतेको वर्गीकरण गएिको जानकारी दिएका छन् । तीमध्ये अति गम्भीर घाइते १५, गम्भीर घाइते ५१, मध्यम घाइते ३६ र सामान्य घाइतेमा ६७ जना रहेका उनले बताए ।

काठमाडौँ । प्रधानमन्त्री सुशीला कार्की र मेडिकल व्यवसायी दुर्गा प्रसाईंबीच भेटवार्ता हुँदैछ । सोमवार दिउँसो ३ बजे प्रधानमन्त्री कार्की र प्रसाईंबीच सिंहदरवारमा नेतृत्व तहमा द्विपक्षीय वार्ता हुन लागेको हो ।

प्रसाईँले राजसंस्था पुन:स्थापना, हिन्दु अधिराज्य कायम हुनुपर्ने लगायतका विभिन्न मागहरू सरकारसँग राखेका छन् । उक्त माग पूरा नभए आन्दोलन गर्ने चेतावनी प्रसाईँले दिएका छन् ।

यसअघि प्रधानमन्त्री कार्कीले प्रसाईँलाई पत्र पठाएर वार्ताका लागि बोलाएकी थिइन् ।

मेष (चु, चे, चो, ला, लि, लु, ले, लो, अ)

अवसर प्राप्त भएतापनि कार्यक्षेत्रमा बाधा आउनेछ । सूचना बाहिरिनाले गोपनियता भंग होला सावधान रहनुहोस् । गृहणीहरूको गृहकार्यमा धेरै समय बित्नेछ । आजको शुभ रंग निलो हो भने शुभ अंक ३ रहेको छ ।

वृष (इ, उ, ए, ओ, वा, वि, वु, वे, वो)

शुभचिन्तकहरूको मनोभावलाई विचार गरेर व्यवहार गर्नुहोस् । आत्मविश्वासमा वृद्धि हुनेछ । व्यापार व्यवसायलाई लिएर यात्रा गर्नुपर्ला । आजको शुभ रंग केशरी हो भने शुभ अंक १ रहेको छ ।

मिथुन (का, कि, कु, घ, ङ, छ, के, को, हा)

प्रयत्न गर्दा आर्थिक पक्षमा सुधार आउनेछ । खर्चमा वृद्धि हुनेछ । कामकाजलाई लिएर आफन्तहरूबाट टाढा हुनुपर्ला । स्वास्थ्य सबल रहनेछ । आजको शुभ रंग हरियो हो भने शुभ अंक ३ रहेको छ ।

कर्कट (हि, हु, हे, हो, डा, डि, डु, डे, डो)

सेवामूलक कार्यले समाजमा नाम स्थापित गर्न सक्रिय भूमिका निभाउनेछ । नयाँ अवसरको खोजीमा सफलता मिल्नेछ । कानुनी पक्ष सबल रहनेछ । आजको शुभ रंग सेतो हो भने शुभ अंक ४ रहेको छ ।

सिंह (मा, मि, मु, मे, मो, टा, टि, टु, टे)

लागतको मूल्यांकन नगरी कार्य गर्नुभयो भने समस्या निम्तिन सक्छ । नयाँ अवसरको खोजीमा केही दौडधुप गर्नुपर्ला । छालारोग सम्बन्धी पुरानो समस्या बल्झिनाले मन चिन्तित रहन सक्छ । आजको शुभ रंग निलो हो भने शुभ अंक ४ रहेको छ ।

कन्या (टो, पा, पि, पु, ष, ण, ठ, पे, पो)

दैनिक आवश्यकताको पूर्ति हुनेछ । मेहनतको उपयुक्त प्रतिफल प्राप्त हुनेछ । व्यापार व्यवसायमा लाभ रहनेछ । श्रमको उचित मूल्यांकन प्राप्त हुनेछ । आजको शुभ रंग बैजनी हो भने शुभ अंक ५ रहेको छ ।

तुला (रा, रि, रु, रे, रो, ता, ति, तु, ते)

प्रतिष्ठित व्यक्तिहरूसँग सहकार्य गर्ने अवसर जुर्नेछ । लगनशीलताले कीर्तिमान वा यश दिलाउन सक्छ । सरकारी कामकाजमा सकारात्मक प्रभाव बढ्नेछ । आजको शुभ रंग कलेजी हो भने शुभ अंक २ रहेको छ ।

वृश्चिक (तो, ना, नि, नु, ने, नो, या, यि, यु)

धार्मिक वा सामाजिक जिम्मेवारी वहन गर्नुपर्ला । परोपकार र सहयोगको भावनाले धेरैको मन लोभ्याउन सकिनेछ । कार्यक्षेत्रमा सहयोगीहरूको सहयोग मिल्नेछ । आजको शुभ रंग सेतो हो भने शुभ अ्क ४ रहेको छ ।

धनु (ये, यो, भा, भि, भु, धा, फा, ढा, भे)

व्यपार व्यवसायमा पारदर्शिता राख्नुहोस् । नयाँ अवसरको खोजीमा दौडधुप गर्नुपर्ला । आफन्तहरूबाट भनेजस्तो सहयोग प्राप्त होला । आजको शुभ रंग निलो हो भने शुभ अंक ९ रहेको छ ।

मकर (भो,जा,जि,जु,जे,जो,ख,खि,खु,खे,खो,गा,गि)

दिगो काम थाल्ने समय रहेको छ । शत्रुहरू सक्रिय रहनेछन् झुठो आरोप लाग्न सक्छ सचेत रहनुहोस् । साझेदारी व्यापारमा लाभ रहनेछ । दाम्पत्य जीवन सुमधुर रहनेछ । आजको शुभ रंग पहेलो हो भने शुभ अंक ६ रहेको छ ।

कुम्भ (गु, गे, गो, सा, सि, सु, से, सो, दा)

मेहनतीहरूको लागि उत्साहवर्धक समय रहनेछ । महत्वकांक्षी योजनाहरू प्रारम्भ हुनेछन् । वित्तीय वा सहकारी संस्थाबाट लाभ मिल्ला । द्वेष वा ईर्ष्या गर्नेहरू हार खानेछन् । आजको शुभ रंग निलो हो भने शुभ अंक ६ रहेको छ ।

मीन (दि, दु, थ, झ, ञ, दे, दो, चा, चि)

शैक्षिक क्षेत्रमा सफलता मिल्नेछ । करियरलाई लिएर नयाँ अवसरहरू प्राप्त हुनेछन् । प्रेम र मित्रताको बन्धन कसिनेछ । प्रभावशाली व्यक्तिहरूसँग सम्पर्क बढ्नेछ । आजको शुभ रंग सिन्दुरी हो भने शुभ अंक ७ रहेको छ ।