भक्तपुरमा खाना पकाउने एलपी ग्यासको कालोबजारी गरेको आरोपमा प्रहरीले एक जना किराना पसल सञ्चालकलाई नियन्त्रणमा लिएको छ। जिल्ला प्रहरी परिसर भक्तपुरका अनुसार चाँगुनारायण नगरपालिका–२, दुवाकोटस्थित बारुदखाना चोकमा भाडामा बस्दै आएका ५७ वर्षीय तुलसीराम त्वयनाले सञ्चालन गरेको त्वयना किराना पसलबाट ग्यासको कालोबजारी भइरहेको सूचना प्राप्त भएपछि प्रहरीले चेकजाँच तथा अनुगमन गरेको थियो।
अनुगमनका क्रममा उपभोक्तालाई प्रति सिलिन्डर ७ हजार रुपैयाँ का दरले एलपी ग्यास बिक्री वितरण गरेको पाइएको प्रहरीले जनाएको छ। प्रहरीले पसलबाट ३ थान ग्यास सिलिन्डर समेत बरामद गरेको छ। ग्यासको कालोबजारी गरेको आरोपमा पसल सञ्चालक त्वयनालाई नियन्त्रणमा लिएर थप अनुसन्धान भइरहेको जिल्ला प्रहरी परिसर भक्तपुरले जनाएको छ।
जिल्ला प्रहरी परिसर भक्तपुरका अनुसार घटनाबारे थप अनुसन्धान जारी रहेको छ। ग्यासको अवैध बिक्री वितरण तथा कालोबजारी नियन्त्रणका लागि अनुगमनलाई निरन्तरता दिइने प्रहरीले जनाएको छ।
अर्जेन्टिनाका स्टार फुटबलर लियोनल मेसीका पिता जर्ज मेसीको ६८ वर्षको उमेरमा निधन भएको छ।
जर्जको अर्जेन्टिनाको रोसारियोस्थित एक अस्पतालमा उपचारका क्रममा निधन भएको हो। उनी लामो समयदेखि स्वास्थ्य समस्यासँग जुधिरहेका थिए।
जर्ज मेसी लियोनल मेसीको फुटबल करियरका सुरुवाती दिनदेखि नै महत्वपूर्ण अभिभावक र सल्लाहकारका रूपमा रहेका थिए।
मेसीले मैदानमा आफ्नो यात्रा सुरु गर्दादेखि विश्व फुटबलका महान् खेलाडीमध्ये एक बन्दा सम्म जर्जले उनको साथ दिएका थिए।
जर्जले मेसीका तर्फबाट विभिन्न क्लब तथा व्यावसायिक कम्पनीसँग सम्झौता र वार्ता गर्दै आएका थिए। मेसीको खेल करियरसँगै उनको व्यावसायिक तथा आर्थिक संरचना निर्माणमा पनि जर्जको महत्वपूर्ण भूमिका थियो।
पछिल्ला केही वर्षमा जर्जको स्वास्थ्य अवस्था बिग्रिँदै गएको थियो। पछिल्लो विश्वकपका क्रममा लियोनल मेसीले पनि आफू कठिन व्यक्तिगत परिस्थितिबाट गुज्रिरहेको संकेत गरेका थिए।
मेसीको सफल फुटबल यात्रामा पर्दापछाडिबाट निरन्तर साथ दिएका जर्जको निधनसँगै अर्जेन्टिनाका स्टारले आफ्नो जीवनका एक महत्वपूर्ण व्यक्तिलाई गुमाएका छन्।
काठमाडौं । मधेश केन्द्रित दलसहित सात राजनीतिक दलले संयुक्त रूपमा ‘अग्रगामी मोर्चा’ घोषणा गरेका छन् ।
काठमाडौंको थापागाँउस्थित ब्यांक्वेटमा आयोजित कार्यक्रममा जनता समाजवादी पार्टी (जसपा) नेपालसहित सात दलले मोर्चा घोषणा गरेका हुन् ।
मोर्चामा जसपा नेपाल, जनमत पार्टी, आम जनता पार्टी, प्रगतिशील लोकतान्त्रिक पार्टी, नागरिक उन्मुक्ति पार्टी नेपाल, नेपाल सङ्घीय समाजवादी पार्टी र बहुजन एकता पार्टी नेपाल सहभागी छन् ।
मोर्चामा तत्कालीन नेकपा (माओवादी केन्द्र) का उपमहासचिव जनार्दन शर्मा र राष्ट्रिय स्वतन्त्र पार्टी (रास्वपा) छाडेका सन्तोष परियार आबद्ध प्रगतिशील लोकतान्त्रिक पार्टी पनि सहभागी भएको छ ।
