२०८३ मंसिर १ गते सोमबार
२०८३ मंसिर १ गते सोमबार

काठमाडौँ । सरकार र जेन जेडबीच भएको १० बुँदे सम्झौताविरुद्ध सर्वोच्च अदालतमा रिट दर्ता भएको छ।

गत मंसिर २४ गते प्रधानमन्त्री सुशीला कार्की र जेन जेड प्रतिनिधिबीच भएको सम्झौतामा संवैधानिक प्रश्न उठाउँदै सर्वोच्च अदालतमा बुधबार रिट दर्ता भएको हो।

अधिवक्ताहरू सुदिप भण्डारी, रोहित ओझा, सरोज कटेल तथा कानुनका विद्यार्थीहरू आयुष बडाल, प्रविण पौडेल र स्मृति अधिकारी लगायतले उक्त सम्झौता संविधान विपरीत भएको भन्दै रिट दायर गरेका हुन्। उक्त रिटको पेसी शुक्रबारका लागि तोकिएको छ।

अन्तरिम सरकारले दीर्घकालीन र दूरगामी असर पार्ने राजनीतिक तथा संरचनात्मक सम्झौता गर्ने अधिकार नरहेको उनीहरूको रिटमा जिकिर गरिएको छ।

आन्दोलनको नाममा संविधानको सीमा मिचेर अस्थिरतातर्फ मुलुकलाई धकेलेको पनि रिटमा भनिएको छ।

त्यसैगरी, अख्तियार दुरुपयोग अनुसन्धान आयोग जस्ता संवैधानिक निकायको क्षेत्राधिकारसँग बाझ्ने गरी कुनै नयाँ आयोग गठन गर्ने प्रावधान संविधानको आत्मा विपरीत र अधिकार क्षेत्र अतिक्रमण गर्ने खालको भएको दाबी पनि रिट निवेदनमा गरिएको छ।

रिटमा उक्त १० बुँदे सम्झौता तथा त्यसका आधारमा राजपत्रमा प्रकाशित सूचनालाई असंवैधानिक ठहर गरी बदर गर्न उत्प्रेषणको आदेश माग गरेको छ।

सम्झौताका प्रावधानहरू कार्यान्वयन भएमा राज्य संरचना र संवैधानिक अभ्यासमा दीर्घकालीन क्षति पुग्ने भएकाले अन्तिम फैसला नआएसम्म यस्ता कार्य नगर्न सरकारलाई रोक लगाउन अन्तरिम आदेशको माग समेत गरिएको छ।

काठमाडौँ । नेकपा (एमाले)को १९ सदस्यीय पदाधिकारीमा एक जना मात्रै महिला निर्वाचित भएका छन्।

एमाले केन्द्रीय निर्वाचन आयोगले बिहीबार सार्वजनिक गरेको अन्तिम मत परिणामअनुसार, सचिवमा पद्मा अर्याल निर्वाचित भएकी हुन्। उनले १ हजार ५३० मत पाइन्।

एमाले सचिवमा २० जनाले प्रतिस्पर्धा गरेका थिए। जसमा अर्याल दोस्रो नम्बरमा रहँदै सचिव निर्वाचित भएकी हुन्।

सचिवमा तीन जना महिलाले प्रतिस्पर्धा गरेका थिए। रचना खड्का र पेम्बा लामा पराजित भए। खड्काले ८७७ र पेम्बाले ४९३ मत पाइन्। एमाले सचिवमा १ हजार १०८ मत पाउनेसम्मका नौ उम्मेदवार निर्वाचित भएका छन्।

काठमाडौं।  नेकपा एमालेको चुनावी मत परिणाम आएको छ। प्यानलगत प्रतिस्पर्धामा अधिकांश अध्यक्ष केपी ओली पक्षका उम्मेदवार विजयी भएका छन्। महासचिवमा कडा प्रतिस्पर्धा भए पनि संस्थापन पक्षका शंकर पोखरेलले दुई सयभन्दा बढी मतले विजयी भएका छन्।

यसैगरी पार्टी पदाधिकारीमा उपाध्यक्षमा पृथ्वी सुब्बा गुरुङले १७३७ मत, विष्णुप्रसाद पौडेलले १६७५ मत, रामबहादुर थापाले १५१६ मत, गोकर्णराज विष्टले १३६८ मत र रघुजी पन्त १२५८ मतका साथ विजयी भएका हुन्।

त्यसैगरी, उपमहासचिवमा लेखराज भट्टले १४५२ मत, रघुवीर महासेठले १३६८ मत र योगेश भट्टराई १३४८ मततका साथ विजयी भएका छन्।

त्यसैगरी, सचिव महेश बस्नेतले १५४४ मत, छविलाल विश्वकर्माले १५०६ मत, पद्माकुमारी अर्यालले १५३० मत , शेरधन राईले १५०३ मत , हिक्मतकुमार कार्कीले १३३७ मत , खगराज अधिकारीले १३३१ मत, यमलाल कँडेलले ११८५ मत, राजन भट्टराईले ११८१ मत र भानुभक्त ढकाल ११०८ मतका साथ विजयी भएका हुन्।

यस्तो बन्यो पदाधिकारी टिम

अध्यक्ष : केपी शर्मा ओली

उपाध्यक्ष : पृथ्वी सुब्बा गुरुङ, बिष्णु पौडेल, रामबहादुर थापा बादल, गोकर्ण विष्ट, रघुजी पन्त

महासचिव : शंकर पोखरेल

उपमहासचिव
लेखराज भट्ट

रघुवीर महासेठ

योगेश भट्टराई

सचिव
महेश बस्नेत

पद्माकुमारी अर्याल

छविलाल विश्वकर्मा

शेरधन राई

हिक्मत कुमार कार्की

खगराज अधिकारी

यामलाल कँडेल

राजन भट्टराई

भानुभक्त ढकाल

काठमाडौँ । नेकपा एमालेको महासचिवमा शंकर पोखरेल निर्वाचित भएका छन् ।

 

काठमाडौँमा सम्पन्न ११ औँ राष्ट्रिय महाधिवेशनमा पोखरेल महासचिवमा निर्वाचित भएका हुन् ।

उनले अर्को उम्मेदवार सुरेन्द्र पाण्डेलाई पराजित गरे । पोखरेलले १२ सय २८ मत पाए भने अर्को उम्मेदवार सुरेन्द्र पाण्डेले ९९९ मत पाए ।

काठमाडौँ । नेकपा एमालेको अध्यक्षमा केपी शर्मा ओली विजयी भएका छन् ।

 

काठमाडौँमा सम्पन्न ११ औँ राष्ट्रिय महाधिवेशनबाट ओली अध्यक्षमा निर्वाचित भएका हुन् ।

ओलीले १६ सय ६३ मत पाएर अध्यक्ष चुनिँदा अर्का प्रत्याशी ईश्वर पोखरेलले ५६४ मत पाए । ओली लगातार तेस्रो पटक एमाले अध्यक्षमा निर्वाचित भएका हुन् ।

 

आज बिहान सम्पन्न मतदानमा दुई हजार २२७ जनाले मतदान गरेका थिए । महाधिवेशनमा दुई हजार २६३ प्रतिनिधि मतदाता रहेका थिए ।

एमालेमा नयाँ नेतृत्वका लागि बुधवार बिहानदेखि सुरु भएको मतदान आज बिहान ७ः०० बजे सम्पन्न भएको थियो । मतदानमा ८० वटा विद्युतीय भोटिङ मेसिन प्रयोग गरिएका थिए ।

काठमाडौं । नेपाली बजारमा बिहीबार सुन र चाँदी दुवैको मूल्यमा बढोत्तरी भएको छ । विशेषगरी चाँदीको भाउले ऐतिहासिक रेकर्ड कायम गरेको छ भने सुनको मूल्य पनि आफ्नो उच्च बिन्दु नजिक पुगेको छ ।

 

नेपाल सुनचाँदी व्यवसायी महासंघका अनुसार साताको पाँचौं दिन बिहीबार छापावाल सुनको मूल्य प्रतितोला २ लाख ६० हजार ४ सय रुपैयाँ निर्धारण गरिएको छ । यो मूल्य अघिल्लो दिन (बुधबार) को तुलनामा ७ सय रुपैयाँले बढी हो । बुधबार बजारमा सुन प्रतितोला २ लाख ५९ हजार ७ सय रुपैयाँमा कारोबार भएको थियो ।

गत सोमबार मात्रै सुनको भाउले हालसम्मकै उच्च बिन्दु (प्रतितोला २ लाख ६० हजार ७ सय रुपैयाँ) छोएको थियो । आजको मूल्य सो ऐतिहासिक रेकर्डभन्दा मात्र ३ सय रुपैयाँले कम हो ।

 

यस्तै, चाँदीको भाउले भने बिहीबार नयाँ कीर्तिमान कायम गरेको छ । अघिल्लो दिनको तुलनामा २५ रुपैयाँले बढेर चाँदी प्रतितोला ४ हजार ८० रुपैयाँ पुगेको महासंघले जनाएको छ । बुधबार चाँदी प्रतितोला ४ हजार ५५ रुपैयाँमा खरिद–बिक्री भएको थियो । पछिल्लो दुई दिनयता चाँदीले लगातार उच्च मूल्यको रेकर्ड बनाइरहेको छ ।

काठमाडौं । सहकारी ठगी तथा सङ्गठित अपराधको अभियोगमा पुर्पक्षका लागि थुनामा रहेका राष्ट्रिय स्वतन्त्र पार्टी (रास्वपा) का सभापति रवि लामिछाने र गोर्खा मिडिया नेटवर्कका तत्कालीन सञ्चालक छविलाल जोशीको मुद्दामा आज सुनुवाइ हुँदैछ ।

 

उच्च अदालत बुटवलमा दायर गरिएको पुनरावेदन निवेदनमाथि आज बिहीबारका लागि पेसी तोकिएको अदालतका सूचना अधिकारी रामबहादुर कुँवरले जानकारी दिएका छन् । यसअघि पटक-पटक स्थगित हुँदै आएको सुनुवाइ प्रक्रिया आज भने अघि बढ्ने अपेक्षा गरिएको छ ।

यसअघि गत साता यो मुद्दा ‘हेर्न नमिल्ने’ सूचीमा परेको थियो भने त्यसभन्दा अगाडि दुई पटक लामिछाने पक्षका कानुन व्यवसायीहरूको निवेदनका आधारमा सुनुवाइ स्थगित गरिएको थियो ।

 

के हो प्रकरण ?

सुप्रिम सहकारीको रकम अपचलन गरेको आरोपमा जिल्ला अदालत रुपन्देहीका न्यायाधीश नारायण सापकोटाको इजलासले गत साउन २६ गते लामिछाने र जोशीलाई पुर्पक्षका लागि थुनामा पठाउने आदेश दिएको थियो । उक्त आदेशमा लामिछानेले आफ्नो भागको बिगो रकम बुझाउन मन्जुर हुँदाहुँदै पनि अदालतले रिहा गर्न अस्वीकार गरेको थियो ।

जिल्ला अदालतको उक्त आदेश त्रुटिपूर्ण रहेको दाबी गर्दै लामिछानेका तर्फबाट गत भदौ ९ गते उच्च अदालत बुटवलमा पुनरावेदन (७३ नम्बर) निवेदन दर्ता गराइएको थियो । सोही निवेदनमाथि आज सुनुवाइ हुन लागेको हो । आजको इजलासले जिल्लाको आदेश सदर गर्छ वा उनीहरूलाई धरौटी वा साधारण तारेखमा रिहा गर्ने आदेश दिन्छ, त्यसैमा सबैको चासो केन्द्रित छ ।

काठमाडौँ । पत्रकारिता छोडेर पत्रकार राजीव खत्री रास्वपामा प्रवेश गरेका छन् । सामाजिक सञ्जालमा समेत चर्चित रहेका पत्रकार खत्री पत्रकारिता छोडेर राजनीतिको मैदानमा ओर्लिएका हुन् ।

 केही दिनअघि न्यूज २० टेलिभिजनबाट राजीनामा दिएका उनी आज औपचारिकरुपमा रास्वपाका प्रवेश गरेका छन् ।

पत्रकारितामा छँदै रास्वपाप्रति सदासयता राख्दै आएका खत्रीले सभापति रवि लामिछानेसँग कारागारमा दुई पटक छलफलपछि पार्टी प्रवेश गरेका हुन् । उनको पार्टी प्रवेश कार्यक्रममा रास्वपाको कार्यालय घन्ट घरमा निकै भिडभाड भएको थियो । पार्टीका शुभेच्छुक र सञ्चारकर्मीको बाक्लो उपस्थितिबीच रास्वपाका नेताहरूले उनलाई ब्याच लगाइदिएर पार्टीमा स्वागत गरेको छ ।

काठमाडौं । निर्वाचन आयोगले आगामी माघ ११ गते हुने राष्ट्रिय सभा सदस्य निर्वाचनका लागि मतदान स्थल र मतदान केन्द्र तोकेको छ ।

आयोगले बुधवार सात वटै प्रदेशका लागि मतदान स्थल निर्धारण गरेको जानकारी दिएको हो ।

आयोगको निर्णय अनुसार सात वटै प्रदेशको राजधानी रहेका जिल्लामा मतदान स्थल रहने गरी स्थान तोकिएको आयोगका सहसचिव एवं प्रवक्ता नारायणप्रसाद भट्टराईले जानकारी दिए । उनका अनुसार तोकिएका मतदान स्थलमा दुई–दुई वटा मतदान केन्द्र रहने व्यवस्था मिलाइएको छ ।

जसमा मतदान केन्द्र क प्रदेश सभाका सदस्यका लागि र मतदान केन्द्र ख गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुखका लागि तोकिएको छ ।

निर्वाचनमा प्रदेश सभाका सदस्य, गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख रहेको निर्वाचक मण्डलले मतदान गर्ने व्यवस्था रहेको छ ।

कुन प्रदेशको मतदान केन्द्र कहाँ ?

कोशी प्रदेश: प्रदेश निर्वाचन कार्यालय परिसर, विराटनगर मोरङ

मधेश प्रदेश: महेन्द्र नारायण निधि मिथिला संस्कृति केन्द्र, जनकपुर उपमहानगरपालिका वडा ४ धनुषा

बागमती प्रदेश: भुटनदेवी माध्यमिक विद्यालय, हेटौँडा उपमहानगरपालिका ४ मकवानपुर

गण्डकी प्रदेश: प्रदेश निर्वाचन कार्यालय परिसर, पोखरा कास्की

लुम्बिनी प्रदेश: कर्मचारी मिलन केन्द्र, घोराही, दाङ

कर्णाली प्रदेश: प्रदेश निर्वाचन कार्यालय परिसर, वीरेन्द्रनगर, सुर्खेत

सुदूरपश्चिम प्रदेश: प्रदेश निर्वाचन कार्यालय परिसर, धनगढी, कैलाली

नेकपा (एमाले)का नेता ईश्वर पोखरेलले निर्वाचनको परिणाम जस्तोसुकै आएपनि स्वीकार्य हुने स्पष्ट पारेका छन् ।

बुधवार सञ्चारकर्मीहरुसँग कुरा गर्दै नेता पोखरेल यस्तो बताएका हुन् । उनले पार्टीभित्र प्रतिष्पर्धाको राजनीति एमालेले आत्मसाथ गरेको सिद्धान्त भएको भन्दै यसलाई अन्यथा लिन नहुने समेत बताए ।

उनले पार्टीभित्र हुने प्रतिष्पर्धाले पार्टीलाई तप मजबुत र लोकतान्त्रिक बनाउन सहयोग पुग्ने भन्दै प्रतिष्पर्धालाई अस्वभाविक रूपमा लिन नहुने बताए । ‘पार्टीभित्र प्रतिष्पर्धाको राजनीति भनेको हामीले आत्मसाथ गरेको विचार हो । त्यसकारण यसलाई के के न होला भनेर सोच्नुहुदैन । अरु पार्टीले यस्तो गरेको भए ओहो उत्पात राम्रो भनिन्थ्यो । एमालेले प्रतिष्पर्धाको अभ्यास गर्दाखेरी यो त राम्रो हो भन्नुपर्यो नि । प्रतिस्पर्धा गर्न तयार हुनेले प्रतिस्पर्धाबाट प्राप्त हुने परिणामलाई पनि स्वीकार गर्छ । हामी स्वीकार्छौं’ उनले भने ।

उनले महाधिवेशन प्रतिनिधिहरुले स्वविवेक प्रयोग गर्ने भन्दै उनिहरुको मतको कदर गर्दै अगाढि बढ्नुपर्नेमा जोड दिए ।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।