२०८३ मंसिर २ गते मंगलवार
२०८३ मंसिर २ गते मंगलवार

काठमाडौँ । नेपाली कम्युनिस्ट पार्टीका नेता एवं पूर्वअर्थमन्त्री वर्षमान पुनले तोकिएको मितिमा निर्वाचन नगराए सरकारको औचित्य समाप्त हुने बताएका छन् ।

मंगलबार काठमाडौँमा आयोजित एक कार्यक्रममा बोल्दै उनले संविधान अनुसार नै ६ महिनाभित्र निर्वाचन गराउने गरी म्यान्डेट दिइएको उल्लेख गर्दै तोकिएको मितिमा निर्वाचन नभए सरकारको औचित्य नरहने तर्क गरेका हुन् ।

 

नेता पुनले निर्वाचन मिति सार्न सकिन्छ भन्ने मतमा कुनै तर्क नरहेको जिकिर समेत गरेका छन् । ‘चुनाव सर्नुको अर्थ यो सरकारको औचित्य सकिन्छ । ६ महिनामा चुनाव गर्छु भनेर कमिटमेन्ट गरेर त्यो म्यान्डेट लिएर आएको सरकारले किन चुनाव नगराउने रु गराउँदिन भन्न पाउँदैन । त्यो परामर्श गरेर नै तय गरिएको हो । त्यसो हुनाले ६ महिनाभित्र चुनाव नगराएर यो सरकारको म्यान्डेट सिद्धिन्छ,’ उनले भने ।

उनले तोकिएको मितिमा निर्वाचन गरेर अघि बढ्दा नै मुलुकलाई संकटबाट निकास दिन सकिने बताए । नेता पुनले सरकारले अर्थतन्त्रलाई चलायमान बनाउने गरी पुँजीगत खर्च गर्नुपर्ने समेत बताए । उनले जेन जेड आन्दोलनले ध्वस्त बनाएका निजी क्षेत्रको उद्योग, व्यवसायलाई राहत दिने व्यवस्था गर्न पनि सरकारलाई सचेत गराएका छन् ।

काठमाडौँ। काठमाडौँमा जारी नेकपा एमालेको एघारौँ महाधिवेशनमा नयाँ नेतृत्व चयनका लागि मतदान अझै सुरु हुन सकेको छैन ।

केन्द्रीय निर्वाचन आयोगले मंगलबार मध्याह्न १२ बजेदेखि मतदानको समय तोकेको थियो । तर यो समय पनि धकेलिएर साँझ ४ बजेदेखि मतदान हुने भनिएको थियो । तर यो समयमा पनि मतदान सुरु हुने छाँटकाँट देखिएको छैन ।

 

‘नाम तलमाथि परेको भएर मिलाउनु पर्‍यो । हरेक उम्मेदवारको फोटोको कोडिङ गर्नुपर्छ । बिहान १० बजेसम्म कोडिङ गर्‍यौँ । फेरि तलमाथि परेको सच्याउन नयाँ कोडिङ गर्नुपर्छ । बुथ तयार छ । रातिको ८ बजेदेखि मात्र मतदान सुरु हुन सक्छ,’ प्राविधिक लक्ष्मण रिमालले भने ।

अध्यक्ष पदमा केपी शर्मा ओली र ईश्वर पोखरेल प्रतिस्पर्धामा छन् । उनीहरू प्यानलसहित प्रतिस्पर्धामा छन् ।

काठमाडौं- नेकपा एमालेको ११औं महाधिवेशनको निर्वाचन कार्यक्रमअनुसार मंगलबार दिउँसो ४ बजेदेखि मतदान प्रक्रिया सुरु हुँदैछ ।

अहिले नेता, कार्यकर्ता र प्रतिनिधिहरू आफ्नो आफ्नो उम्मेदवारलाई भोट माग्न व्यस्त छन् । जसमा गायिका ज्योति मगर लगायतका कलाकारहरू पनि उपस्थित छन् ।

११औं महाधिवेशनमा आदीवासी जनजातीको खुल्ला केन्द्रीय सदस्यका उम्मेदवार पूर्णबहादुर गुरुङका निम्ति मगरले महाधिवेशनस्थल पुगेर नै मत मागेकी छन्।

विभिन्न ठाउँमा हुने गरेका मेला र महोत्सवको प्रस्तुतीमा भ्याई नभ्याई भएका बेला गायिका मगरले समय निकालेर महाधिवेशनमा उम्मेदवारको प्रचार गर्न भ्याएकी हुन्।

काठमाडौँ । ठेक्का सम्झौता गर्ने तर काम नगरेर वर्षोंदेखि अलपत्र पारी रुग्ण बनाइएका सिँचाइतर्फका २२ वटा ठेक्का तोडिएको छ ।

बबई सिँचाइ आयोजनाका ६, सिँचाइ तथा जलस्रोत व्यवस्थापन आयोजना जनकपुरधाम धनुषाअन्तर्गतका १५ र सुनकोशी मरिनको १ गरी २२ वटा रुग्ण ठेक्का तोडिएको हो । भेरी बबईको १ करोड ७६ लाख रुपैयाँ बराबरको ठेक्का तोडिएको छ । जनकपुरधाम कार्यालयअन्तर्गतका १३ करोड १७ लाख रुपैयाँ बराबरको ठेक्का तोडिएको छ ।

ऊर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकास मन्त्री कुलमान घिसिङले ठेक्का लिने तर काम नगर्ने र आयोजना अलपत्र पार्ने प्रवृत्ति अन्त्यका लागि रुग्ण ठेक्का तोड्न मातहतका निकायलाई निर्देशन दिएका थिए । त्यसपछि कार्यालयहरूले वर्षौँदेखि समस्याग्रस्त ठेक्का तोड्ने प्रक्रिया अगाडि बढाइएका थिए ।

जलस्रोत तथा सिँचाइ विभागअन्तर्गत चालू ठेक्का २ सय १५ छन् । त्यसमध्ये ३३ ठेक्का समस्याग्रस्त छन् । समस्याग्रस्तमध्ये हालसम्म २२ वटा तोडिएको विभागका महानिर्देशक मित्र बरालले जानकारी दिए ।

सिँचाइतर्फको सबैभन्दा ठूलो ठेक्का राष्ट्रिय गौरवको सुनकोशी मरिन डाइभर्सन बहुउद्देश्यीय आयोजनाको तोडिएको छ ।

आयोजनाको बाँध (हेडवर्क्स) विद्युत् गृहलगायतका सिभिल संरचना, गेटलगायतका हाइड्रोमेकानिकल उपकरण आपूर्ति तथा जडानका लागि निर्माण व्यवसायी पटेल-रमण जेभी, जनकपुर-९ धनुषासँगको ठेक्का सम्झौता तोडिएको हो । आयोजना निर्माणका लागि पटेल-रमण जेभीसँग १४ अर्ब ८ करोड रुपैयाँ (करसहित)मा ठेक्का सम्झौता भएको थियो ।

काठमाडौं। नेकपा एमालेको काठमाडौंमा जारी ११औँ राष्ट्रिय महाधिवेशनअन्र्तगत आज आगामी नेतृत्व चयनको लागि मतदान हुँदै छ। पार्टीको केन्द्रीय निर्वाचन आयोगको कार्यतालिकाअनुसार मतदान आज मध्याह्न १२ बजेदेखि साँझ ६ बजेसम्म हुनेछ।

आगामी पाँच वर्षे कार्यकालको पार्टी नेतृत्वको लागि वर्तमान अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल छुट्टाछुट्टै प्यानलसहित मैदानमा उत्रिएका छन्। पोखरेलले ११औँ महाधिवेशनमा तेस्रोपटक अध्यक्ष बन्न लागेका ओलीलाई ईश्वरले चुनौती दिएका छन्।

ओली पार्टीको नवौं र दशाैं महाधिवेशनबाट अध्यक्ष निर्वाचित भएका थिए। ओलीको प्यानलबाट पाँचजना उपाध्यक्षको लागि विष्णु पौडेल, रामबहादुर थापा ‘बादल’, गुरु बराल र पृथ्वीसुब्बा गुरुङ चुनावी प्रतिस्पर्धामा छन्।

ओलीको प्यानलबाट महासचिवमा वर्तमान महासचिव शंकर पोखरेल नै दोहोरिएका छन्। ओलीको प्यानलबाट तीन उपमहासचिवको लागि रघुवीर महासेठ, विष्णु रिमाल र लेखराज भट्ट चुनावी प्रतिस्पर्धामा छन्।

नौजना सचिवको लागि पद्मा अर्याल, छविलाल विश्वकर्मा, भानुभक्त ढकाल, खगराज अधिकारी, यामलाल कँडेल, शेरधन राई, महेश बस्नेत, हिक्मत कार्की र राजन भट्टराई चुनावी मैदानमा उत्रिएका छन्।

पार्टी अध्यक्ष ओलीलाई पराजित गरेर पार्टी नेतृत्व आफ्नो हातमा लिनेगरी चुनावी मैदानमा उत्रिनुभएका अध्यक्ष पदका उम्मेदवार ईश्वर पोखरेल पनि प्यानलसहित मैदानमा उत्रिएका छन्।

पोखरेल प्यानलबाट पाँचजना उपाध्यक्षको लागि बिन्दा पाण्डे, परशुराम मेघी गुरुङ, गोकर्ण विष्ट र अरुण नेपालले उम्मेदवारी दिएका छन्। यस्तै, रघुजी पन्त र टंक कार्कीको पनि उपाध्यक्षमा उम्मेदवारी परेको छ। पोखरेल प्यानलबाट महासचिवमा सुरेन्द्र पाण्डे चुनावी भिडन्तमा उत्रिएका छन्। यो प्यानलबाट तीनजना उपमहासचिवको लागि योगेश भट्टराई र वैजनाथ चौधरीको उम्मेदवारी परेको छ।

नौजना सचिवको लागि पोखरेलको प्यानलबाट गोकुल बाँस्कोटा, कर्ण थापा, ठाकुर गैरे, रचना खड्का, विनोद ढकाल, पुरुषोत्तम पौडेल र कृष्णगोपाल श्रेष्ठले उम्मेदवारी दिएका छन्। ११औँ महाधिवेशनमा भेला भएका २२६३ प्रतिनिधिले पदाधिकारी, स्थायी कमिटी, पोलिटब्युरोसहित ३०१ सदस्यीय कमिटी चुन्दै छन्।

असन्तुष्टले छाडे ओलीको साथ

११औँ महाधिवेशनको चुनावी कार्यक्रम चलिरहेकै बेला अध्यक्षका प्रतिस्पर्धी ओलीको साथ छोडने नेताहरु बढदै गएका छन्। विगतमा ओलीलाई दरो साथ, सहयोग गर्दै आएका नेताहरुले खोजे जस्तै र रोजेजस्तै पदमा उम्मेदवारी दिन नपाएपछि ओलीसँग असन्तुिष्ट व्यक्त गर्दै साथ छोडेका छन्।

आलीको साथ छोडेपछि नेतृत्व चयनका लागि भईरहको महाधिवेशनमा अध्यक्षका अर्का प्रतिस्पर्धी पोखरेललाई भने फाइदा हुने देखिन्छ। ओलीसँग अध्यक्षमा प्रतिस्पर्धा गरिरहेका पोखरेल सुरुमा कमजोर जस्तो देखिए पनि यी नेताहरुले ओलीको साथ छोडपछि झनझन बलियो हुँदै जाँदा कडा प्रतिस्पर्धा हुने देखिन्छ।

विगतमा ओली समूहमा रहेर पार्टी एवं राजकीय भूमिकामा महत्वपूर्ण जिम्मेवारी पाएका प्रदिप ज्ञवाली, रघुजी पन्त, कृष्णगोपाल श्रेष्ठ, गोकुल बास्कोटा, लालबाबु पण्डित, राजेन्द्र गौतम, अग्नि खरेल, लिला गिरी, कृष्ण राई, नवराज सिलवाल लगायतका नेताहरुले ओलीको साथ छोडेका छन्।

पार्टीको १०औं महाधिवेशनका उपमहासचिव बनेका ज्ञवालीले यसपटक महासचिवमा प्रतिस्पर्धा गर्न चाहेका थिए। ज्ञवालीलाई अध्यक्ष ओलीले उपाध्यक्षको उम्मेदवार बनाउन खोजेपछि उनले पदाधिकारीको कुनै पनि पदमा उम्मेदवारी नदिइ ओली गुटको गुण्डु बैठकबाट रुदै बाहिरिए। ज्ञवालीले केन्द्रीय सदस्यमा उम्मेदवारी दर्ता गराए । ज्ञवाली ओलीका विश्वासपात्र नेता हुन्।

ओली समूहको बैठकमा ज्ञवालीले एउटै व्यक्तिलाई दोहोर्‍याएर एउटै पदमा जिम्मेवारी दिने प्रवृत्ति उचित नभएको टिप्पणी गरेका थिए। तर ओली आफैं तेस्रो कार्यकालका लागि अध्यक्षमा प्रतिस्पर्धा गर्दै गर्दा उनले तेहर्‍याएर हुनुहुँदैन भन्ने कुरा गर्ने आटसम्म गरेनन्। आफूले विगत जस्तै रोजेकै र खोजेकै पदमा उम्मेदवारी दिन नपाउँदा ज्ञवाली ओलीबाट अन्तुष्ट भएका हुन्।

‘म एमालेको पदाधिकारी थिएँ, अब कार्यकर्ता भए । पार्टीमा सबैलाई प्रतिस्पर्धा गर्ने समान अवसर हुनुपर्छ । एउटै व्यक्तिलाई दोहो¥याइराख्ने प्रवृत्ति उचित भएन । मेरो मन एकदमै दुखेको छ,’ ज्ञवालीले भनेका छन् ।

त्यस्तै, यसअघि आफ्नै क्याविनेटमा शिक्षामन्त्री बनेका पन्तले पनि ओलीको साथ छाडेका छन् । पदाधिकारीमा ओलीले नसमेटेपछि पन्तले पोखरेल समूहबाट उपाध्यक्षमा उम्मेदवारी दिएका छन्।

त्यसैगरी ओलीको प्यानलबाट सचिव उम्मेदवारका आकांक्षी रहेका गौतमले पनि स्वतन्त्र रुपमा उपमहासचिव पदमा उम्मेदवारी दर्ता गराएका छन् । त्यस्तै, ओलीलाई फुटबलको प्लेसँग तुलना गरेर चर्चामा आएका श्रेष्ठले पनि ओलीको साथ छाडेका छन् । श्रेष्ठले पोखरेलको समूहबाट सचिवमा उम्मेदवारी दिएका छन्।

यसैगरी, यसअघि ओलीका विश्वास पात्र मानिएका बाँस्कोटा पनि ओलीबाट असन्तुष्ट छन्। यद्यपि बाँस्कोटाले केही समयअघिबाटै ओलीको साथ छाडेको संकेत गरिसकेका थिए। बाँस्कोटाले केही समय पहिलादेखि पूर्व राष्ट्रपति विद्यादेवी भण्डारीको पक्षमा बोल्दै आएका थिए । बाँस्कोटाले पोखरेल समूहबाट सचिवमा प्रतिस्पर्धा गर्दैछन्।

काठमाडौं । दुर्गा प्रसाईं नेतृत्वको राष्ट्र, राष्ट्रियता, धर्म, संस्कृति र नागरिक बचाउ महाअभियानले सरकारसँग वार्ताका लागि तीन सदस्यीय समिति गठन गरेको छ ।

महाअभियानका केन्द्रीय सचिव प्रेमदीप लिम्बुलाई वार्ता समितिको संयोजक बनाइएको छ । समितिका सदस्यहरूमा देवीप्रसाद संग्रौला र प्रेम थापा मगर रहेका छन् ।

महाअभियानका अध्यक्ष प्रसाईंले सोमबार विज्ञप्ति जारी गर्दै वार्ता समिति गठन भएको जानकारी गराएका हुन् ।

आइतबार सरकारले आगामी २ पुसमा हुने छलफलका लागि वार्ता टोलीको नाम पठाउन महाअभियानलाई पत्राचार गरेको थियो । त्यसैको जवाफमा वार्ता समिति गठन गरिएको विज्ञप्तिमा उल्लेख छ ।

यसअघि प्रसाईं समूहले २७ बुँदे माग राख्दै सरकारलाई ज्ञापनपत्र बुझाएको थियो । ती मागमध्ये तत्काल सम्बोधन गर्न सकिने विषयमा वार्ता गर्न सरकारले सञ्चार तथा सूचना प्रविधि मन्त्री जगदीश खरेलको संयोजकत्वमा आन्तरिक सहजीकरण तथा समस्या समाधान समिति गठन गरेको छ ।

सरकार र महाअभियानबीच यसअघि पनि विभिन्न चरणमा छलफल भइसकेको छ । आगामी वार्ताले उठेका मागको सम्बोधनमा प्रगति हुने अपेक्षा गरिएको छ ।

काठमाडौं । नेपाल आयल निगमले पेट्रोलको मूल्यमा वृद्धि गरेको छ । सोमबार बसेको निगम संचालक समितिको बैठकले पेट्रोलमा प्रतिलिटर २ रुपैयाँ मूल्यवृद्धि गरेको हो । त्यस्तै, डिजेल र मट्टितेलमा प्रतिलिटर ४ रुपैयाँले मूल्य घटेको छ ।

इण्डियन आयल कर्पोरेशन (आईओसी) बाट प्राप्त नयाँ खरिद मूल्यअनुसार डिजेलको भाउ घटेर र पेट्रोलको भाउ बढेर आएकाले सोही अनुसार समायोजन गरिएको निगमले जनाएको छ ।

 

आईओसीबाट डिजेलमा प्रतिलिटर ६ रुपैयाँ ९३ पैसा घटेर आएको थियो भने पेट्रोलमा १ रुपैयाँ ९४ पैसा बढेर आएको थियो।

काठमाडौँ । निर्वाचन आयोगले आगामी फागुन २१ गते हुने प्रतिनिधि सभा सदस्य निर्वाचनका निम्ति २७ राष्ट्रिय र चार अन्तर्राष्ट्रिय संस्थालाई निर्वाचन पर्यवेक्षण गर्न अनुमति दिएको छ ।

आयोगले जारी गरेको सूचनाबमोजिम पेस भएका ती संस्थाहरूलाई सोमबार निर्वाचन पर्यवेक्षण गर्न अनुमति दिएको जनाएको हो । 

निर्वाचन पर्यवेक्षण निर्देशिका, २०७९ बमोजिम प्रतिनिधिसभा सदस्य निर्वाचन, २०८२ को पर्यवेक्षण गर्न इच्छुक राष्ट्रिय तथा अन्तर्राष्ट्रिय संस्थाहरूबाट निवेदन आह्वान गरिएकोमा ४४ वटा राष्ट्रिय र पाँचवटा अन्तर्राष्ट्रिय संस्थाहरूबाट निवेदन प्राप्त भएको थियो ।

पर्यवेक्षणका लागि आवेदन गरेका संस्थाहरूमध्ये निर्वाचन पर्यवेक्षण निर्देशिका, २०७९ मा तोकिएका आधार र प्रक्रिया पूरा गरेका संस्थाहरूलाई पर्यवेक्षण गर्न अनुमति दिने गरी निर्णय भएको आयोगले जनाएको छ ।

आफूहरूले आकांक्षा राखेको पदाधिकारी नबनाएपछि चार नेताले अध्यक्ष केपी शर्मा ओलीको साथ छाडेका छन् । निवर्तमान ओली सरकारमा शिक्षा, विज्ञान तथा प्रविधि मन्त्री रहेका रघुजी पन्त, प्रचार विभाग प्रमुख राजेन्द्र गौतम, नेता कृष्णगोपाल श्रेष्ठ र गोकुल बास्कोटाले ओलीको साथ छोडेका हुन् ।

ओली समूहमा महासचिवमा दाबेदारी पेस गरेका प्रदीप ज्ञवालीले उपाध्यक्षमा मनोनयन दर्ता नगरी घरतिर हिँडेको एमाले नेताहरू बताउँछन् । पन्तले ओलीले पदाधिकारीमा नराखेपछि अर्का अध्यक्षका उम्मेदवार ईश्वर पोखरेल प्यानलबाट उपाध्यक्ष लड्ने तरखरमा छन् ।

उनले उपाध्यक्षमा उम्मेदवारी दर्ता गरेका छन् । ओली समूहबाट सचिव लड्न चाहेका प्रचार विभाग प्रमुख गौतमले स्वतन्त्र रूपमा उपमहासचिव पदमा उम्मेदवारी दर्ता गरेका छन् । ‘अब म स्वतन्त्र उम्मेदवारको रूपमा उपमहासचिव लड्छु’ उनले भने ।

लामो समय अध्यक्ष ओलीका निकट रहेका श्रेष्ठले आफूलाई अपमान र अन्याय गरिएको भन्दै उनी पोखरेल समूहबाट सचिव लड्दैछन् । विगतमा ओलीका निकट सहयोगी नेता गोकुल बास्कोटाले धेरै अघि नै उनको समूह छोडेका थिए । उनले पोखरेल समूहबाट सचिवमा उम्मेदवारी दिएका छन् । अध्यक्षमा ओली र पोखरेलबिच भिडन्त हुने पक्का भइसकेको छ ।

काठमाडौं । चालु आर्थिक वर्षको कात्तिक महिनामा असोजको तुलनामा रेमिट्यान्स आप्रवाह घटेको छ । असोज महिनाको तुलनामा कात्तिक महिनामा ६४ अर्बले रेमिट्यान्स घटेको हो ।

२०८२ कात्तिक महिनामा १ खर्ब ३३ अर्ब ८२ करोड रेमिट्यान्स भित्रिएको छ । असोज महिनामा २ खर्ब १ अर्ब रुपैयाँ बराबर भित्रिएको थियो ।

नेपाल राष्ट्र बैंकका अनुसार आर्थिक वर्ष २०८२/८३ को पहिलो चार महिनामा रेमिट्यान्स आप्रवाह ३१.४ प्रतिशत वृद्धि भई ६ खर्ब ८७ अर्ब १३ करोड छ ।

गत आवको सोही अवधिमा रेमिट्यान्स आप्रवाह ९.४ प्रतिशत बढेको थियो । गत आवको कात्तिक महिनामा रेमिट्यान्स आप्रवाह १ खर्ब १४ अर्ब ३१ करोड रहेको थियो ।

चालु आवको चार महिना अवधिमा अमेरिकी डलरमा रेमिट्यान्स आप्रवाह २५.३ प्रतिशतले वृद्धि भई ४ अर्ब ८८ करोड पुगेको छ । गत आवको अघिल्लो वर्ष यस्तो आप्रवाह ८.२ प्रतिशत बढेको थियो ।

चालु आवको कात्तिकसम्ममा खुद द्वितीय आय ७ खर्ब ५४ अर्ब ९३ करोड पुगेको छ । गत आवको सोही अवधिमा यस्तो आय ५ खर्ब ६९ अर्ब २९ करोड रहेको थियो ।

चालु आवको कात्तिकसम्म वैदेशिक रोजगारीका लागि अन्तिम श्रम स्वीकृति लिने नेपालीको सङ्ख्या एक लाख ४५ हजार ९ सय ७३ र पुनः श्रम स्वीकृति लिनेको सङ्ख्या एक लाख २७ हजार ८ सय ३७ रहेको छ । गत अवाको सोही अवधिमा यस्तो सङ्ख्या क्रमशः एक लाख ४७ हजार ४ सय ७८ र ९४ हजार १०५ थियो ।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।