२०८३ मंसिर २ गते मंगलवार
२०८३ मंसिर २ गते मंगलवार

काठमाडौं मेडिकल कलेजकी अध्यक्ष सोइन शर्माको प्रश्न — “सरकारले निजी स्वास्थ्य संस्थामाथि निथार्ने खेल किन?”

काठमाडौं मेडिकल कलेजकी अध्यक्ष सोइन शर्माले नेपालमा निजी स्वास्थ्य संस्थामाथि सरकारले चलाइरहेको नीति र व्यवहारप्रति कडा आपत्ति जनाएकी छन्। उनले भनिन्, “देशको स्वास्थ्य प्रणालीको मेरुदण्ड निजी क्षेत्र हो, तर सरकारले उल्टै यही शक्तिलाई कमजोर पार्ने प्रयास गरिरहेको छ।”

उनका अनुसार अहिले BP कोइराला स्वास्थ्य विज्ञान प्रतिष्ठान (धरान) र NAMS (काठमाडौं) जस्ता ठूला सरकारी अस्पतालहरू पनि आफ्ना कर्मचारीलाई तलब र भत्ता दिन नसक्ने अवस्थासम्म पुगेका छन्। उनले स्मरण गरिन्, “केही हप्ता अघि मात्रै पाटन अस्पतालका रेसिडेन्ट डाक्टरहरू तलब नपाएर आन्दोलनमा उत्रिए।”

शर्माले भनेकी छन् — “सरकारी सरह सुविधा दिनुपर्ने जिम्मेवारीबाट भाग्दै ‘करारमा कर्मचारी राख्ने’ प्रवृत्ति त सरकारी संस्थामै छ। तर एउटै निजी संस्था, जसले सारा सरकारी कार्यक्रम संचालन गर्दै आएको छ, सरकारले एक पैसा अनुदान नदिँदा पनि आफ्नै लगानीमा विश्वस्तरका स्वास्थ्य उपकरण किनेर देशको स्वास्थ्य क्षेत्रमा ७० प्रतिशत योगदान दिइरहेको छ — त्यसलाई उल्टै निथार्ने नियम बनाइन्छ?”

उनले सरकारका निर्णयकर्ताहरूलाई चेतावनी दिँदै भनिन्,  “कोठाभित्र कुर्सीमा बसेर चिठी काट्दै देशको स्वास्थ्य प्रणाली सुध्रँदैन। BP कोइराला धरान बन्न दशकौं लाग्यो, तर स्वास्थ बीमाको रकम नआएर आज त्यो संस्था अङ्गविहीन जस्तो भएको छ।”

शर्माले नेपालको जनसङ्ख्या, बीमाको पहुँच र आम नागरिकको आर्थिक हैसियतलाई ध्यानमा राखेर नीति बनाउनुपर्ने बताइन्।
उनका अनुसार, “नेपालमा एक सामान्य नागरिकले महिनामा १५०–२०० डलर बराबरको बीमा तिर्न सक्ने अवस्था छैन, अनि बीमाले नछेकेको खाडल कसले पुर्याउने?”

उनले भनिन् — “आज नेपालमा स्वास्थ्य, जीवनस्तर र अस्तित्वलाई धानेको शक्ति निजी क्षेत्र हो। तर त्यही निजी क्षेत्रलाई नियमको जालोमा बाँधेर, अनुदान नदिई कमजोर बनाउने खेल चलिरहेको छ। यस्तो प्रवृत्तिले देशको स्वास्थ्य प्रणालीलाई पतनतर्फ धकेल्नेछ।”

नेपाली काँग्रेसका सभापति शेरबहादुर देउवा जेनजी आन्दोलनपछि पहिलो पटक सार्वजनिक भएका छन् ।

उनी पार्टी केन्द्रीय कार्यालय सानेपामा बसेको केन्द्रीय समिति बैठकमा पुगेर पहिलो पटक सार्वजनिक भएका हुन् । सो क्रममा देउवाले केन्द्रीय समिति बैठकमा सम्बोधन पनि गरेका छन् ।

सम्बोधनका क्रममा उनले गत २३ र २४ गते भएको जेनजी आन्दोलनका क्रममा ज्यान गुमाउनेहरूप्रति श्रद्धाञ्जली व्यक्त गरेका छन् ।

काठमाडौँ। नेपाल पञ्चाङ्ग निर्णायक विकास समितिले यस वर्षको भाइटीकाको उत्तम साइत सार्वजनिक गरेको छ ।

कात्तिक ६ गते बिहीबार बिहान ११ः३९ बजे भाइटीकाको साइत उत्तम रहेको समितिका अध्यक्ष प्रा शम्भुप्रसाद ढकालले जानकारी दिए।

कात्तिक ६ गते बिहीबार मध्याह्नकालमा टीका लगाउन बाधा नपरे पनि साइत खोज्नेका लागि धनु लग्न, कन्या नवमांश, चर बेला र अभिजित् योग तथा विजय मुहूर्तको शुभ साइत दिइएको समितिका सदस्य प्रा देवमणि भट्टराईले जानकारी दिए। “राज्य सञ्चालकले भने साइतमै टीका लगाउनुपर्छ । सर्वसाधारणका लागि मध्याह्नकालमा टीका लगाउन कुनै समस्या छैन”, उनले भने।

यस वर्ष यमपञ्चक कात्तिक १ गते शनिबारदेखि सुरु हुन्छ । त्यस दिनदेखि यमदीप दान सुरु गरिन्छ । धन त्रयोदशी र धनतेरस पर्व पनि यसै दिन परेको समितिले स्वीकृति दिएका पात्रोमा उल्लेख छ । कात्तिक २ गते आइतबार काग तिहार परेको छ । यसै दिन धनवन्तरी जयन्ती पर्व पनि मनाइन्छ ।

कात्तिक ३ गते सोमबार बिहान नरक स्नानसहित कुकुर तिहार र बेलुकी लक्ष्मीपूजा परेको छ । यसै दिन साँझ दीपमालिका गरिन्छ । कात्तिक ३ गते सोमबार दिउँसो ०२ः५२ बजेसम्म कात्तिक कृष्ण चतुर्दशी र त्यसपछि औँशी तिथि लाग्ने भएकाले शास्त्रसम्ममत् रूपमा पर्वसम्बन्धी निर्णय गरिएको समितिले जनाएको छ ।

सायकालमा औँसी तिथि परेका दिन लक्ष्मीपूजा गर्नुपर्ने शास्त्रीय वचन छ । औँसी तिथिमा गरिने स्नान, दान भने कात्तिक ४ गते मङ्गलबार बिहान गर्नुपर्नेछ । कात्तिक ४ गते दिउँसो ०४ः२९ बजेसम्म औँशी तिथि रहेको समितिले जनाएको छ ।

गाई, गोरु र आत्म ९म्ह० पूजा भने कात्तिक ५ गते बुधबार गर्नुपर्ने शास्त्रीय वचन रहेको छ । कात्तिक शुक्ल प्रतिपदाको सायंकालमा आत्म ९म्ह० पूजा गर्नुपर्ने ‘कृत्यवाटिका’ नामक ग्रन्थमा उल्लेख गरिएको छ । आत्म ९म्ह० पूजा विशेषगरी नेवार समुदायले गर्ने परम्परा छ । समितिले स्वीकृति दिने तीन पात्रो ९पञ्चाङ्ग० नेवार समुदायका पञ्चाङ्गकारले प्रकाशन गर्ने गरेका छन् । सिद्धिलक्ष्मी व्यञ्जनकार, कीर्तिकिरण जोशी र शशिधर जोशी नेवार समुदायकै पञ्चाङ्गकारले पनि कात्तिक ५ गते नै आत्म ९म्ह० पूजा गर्ने विषय आफ्ना पञ्चाङ्ग ९पात्रो० मा उल्लेख गर्नुभएको छ ।

यसै दिन यस वर्ष नेपाल संवत् अनुसार नयाँ वर्ष मनाउनुपर्ने समितिले जनाएको छ । प्रतिपदाका दिन सूर्योदय भएकै दिन नयाँ वर्ष मनाउनुपर्ने शास्त्रीय वचन अनुसार यस्तो निर्णय गरिएको अध्यक्ष ढकालले बताउनुभयो । यसै दिनदेखि नेपाल संवत् ११४६ सुरु हुन्छ ।

शास्त्रीय विधिअनुसार भाइपूजा र नेवारी भाषामा भनिने किजापूजा पनि कात्तिक ६ गते बिहीबार मनाइनेछ । मङ्सिर २ गते बिहान ७ः०४ बजेसम्म मात्र द्वितीया तिथि छ । शास्त्रीय वचन अनुसार मध्याह्नकालमा नै भाइटीका लगाइन्छ ।

शास्त्रीय ग्रन्थमा भ्रातृपूजा भन्ने शब्द उल्लेख गरिएको र त्यस शब्दले दाजुभाइ दुवैलाई बुझाउँछ । भाइटीका भनिए पनि ज्येष्ठको क्रमानुसार नै दाजुभाईलाई टीकाटाला गर्नु शास्त्रसम्मत हुने समितिले जनाएको छ ।

प्रत्येक वर्ष कात्तिक कृष्ण त्रयोदशीदेखि कात्तिक शुक्ल द्वितीयासम्म यमपञ्चक भनिने तिहार पर्व मनाइन्छ । यस पर्वमा कात्तिक कृष्ण त्रयोदशीको साँझदेखि कात्तिक शुक्ल द्वितीयाको साँझसम्म यमदीपदान गरिन्छ । यमदीपदान परिवारको सङ्ख्याका आधारमा नाम उच्चारण गरेर गरिन्छ । यस अवसरमा यमदीप दान गरे यमयातनाबाट मुक्ति पाइने शास्त्रीय मान्यता छ ।

काग र कुकुरलाई पनि यमदूतका रूपमा मीठा परिकार खान दिएर खुसी बनाउने वैदिक परम्परा छ । जसले यमलोकमा सहयोग गर्ने विश्वास गरिन्छ ।

काठमाडौं– स्थानीय बजारमा सुनको मूल्यले फेरि नयाँ रेकर्ड कायम गरेको छ । नेपाल सुनचाँदी व्यवसायी महासंघका अनुसार आजको कारोबारमा सुनको मूल्य ८ हजार १ सय रुपैयाँले बढेर कीर्तिमानी उचाइमा पुगेको हो ।

महासंघका अनुसार आज सुनको मूल्य प्रतितोला २ लाख ४८ हजार ५सय रुपैयाँमा कारोबार भइरहेको छ । यो मूल्य हालसम्मकै उच्च हो ।

सोमबार सुनको कारोबार प्रतितोला २ लाख ४० हजार ४ सय रुपैयाँमा भएको थियो ।

त्यसतै आज चाँदीको मूल्य पनि बढेको छ । आज चाँदी तोलामा १०५ रुपैयाँले बढेर प्रतितोला ३ हजार ३२५ रुपैयाँमा कारोबार भइरहेको छ ।

काठमाडौं । नेपाली कांग्रेसको केन्द्रीय कार्यसमिति बैठक आज दिउँसो १ बजेदेखि सुरु हुँदैछ । तर, बैठकका मुख्य एजेन्डामा भने अझै सहमति जुट्न सकेको छैन । केन्द्रीय कार्यालयका मुख्यसचिव कृष्णप्रसाद पौडेलका अनुसार, बैठकका एजेन्डा टुंग्याउनका लागि आजै बिहान ११ बजे पार्टी कार्यालय सानेपामा कार्यसम्पादन समितिको बैठक बस्ने तयारी छ ।

कांग्रेस शीर्ष नेताहरूबीच केन्द्रीय समिति बैठकका एजेन्डाहरू तय गर्नका लागि लगातार छलफल हुँदै आए पनि कुनै ठोस निष्कर्ष निस्कन सकेको छैन । यसै कारणले गर्दा यसअघि आइतबारका लागि तय भएको केन्द्रीय समिति बैठक आजका लागि सारिएको थियो । मुख्यतः पार्टीको नियमित महाधिवेशन मंसिरभित्रै गर्ने वा नसक्ने भन्ने विषयमा नेताहरूबीच फरक-फरक धारणा रहँदा सहमति जुट्न नसकेको बताइएको छ । यसले पार्टीभित्रको आन्तरिक लोकतन्त्र र भावी दिशाबारे गम्भीर प्रश्नहरू खडा गरेको छ ।

देउवाको सार्वजनिक उपस्थिति
केन्द्रीय कार्यसमिति बैठकमा सभापति शेरबहादुर देउवाको उपस्थिति विशेष चासोका साथ हेरिएको छ । गत भदौ २४ गते बुढानीलकण्ठस्थित आफ्नै निवासमा जेनजी आन्दोलनका क्रममा भएको घटनापछि सार्वजनिक रूपमा नदेखिएका देउवा आजको बैठकमा सहभागी हुने भएका हुन् ।

देउवाको स्वास्थ्य अवस्था र त्यसपछिको राजनीतिक सक्रियताले पनि यस बैठकलाई थप महत्त्वपूर्ण बनाएको छ । उनको नेतृत्वमा पार्टीले महाधिवेशनको सँघारमा कस्तो रणनीति अख्तियार गर्छ भन्ने कुरामा सबैको ध्यान केन्द्रित भएको छ । आजको कार्यसम्पादन समिति बैठकले केन्द्रीय समिति बैठकका लागि एजेन्डाहरू टुंग्याउन सकेमा मात्र केन्द्रीय समिति बैठकले ठोस दिशा लिन सक्नेछ । अन्यथा, कांग्रेसको आन्तरिक द्वन्द्वले थप जटिल मोड लिने सम्भावना छ ।

प्यालेस्टिनी समूह हमासले विपिन जोशीको शव इजरायललाई हस्तान्तरण गरेको छ। सोमबार राति हमासले रेड क्रसमार्फत जोशीसहित चार जनाको शव इजरायललाई हस्तान्तरण गरेको टाइम्स अफ इसराइलले जनाएको छ।

बन्धकहरू छाड्ने दिनसम्म विपिन जोशीको स्थिति अज्ञात रहेको उल्लेख गरेको थियो। जोशीलाई पहिले इजरायलले मरेको पुष्टि गरेको थिएन, तर अधिकारीहरूले “गम्भीर चिन्ता ” व्यक्त गरेका थिए।

हमासले विपिन, योशी शाराबी, गाइ इलाउज र ड्यानियल पेरेजको शव हस्तान्तरण गरेको हो। इजरायली प्रहरी अधिकारीहरूले चार जना अपहरणकारीहरूको स्पष्ट अवशेष रहेको कास्केटलाई तेल अवीवको अबु काबिर फरेन्सिक इन्स्टिच्युटमा लगेका छन्। उनीहरुले अब पहिचान गर्नेछन्। त्यहाँ शव पहिचान प्रक्रिया सुरू भएको र त्यसका लागि दुई दिन लाग्न सक्ने अधिकारीहरूले जनाएका छन्।

हमासले सम्झौता अनुसार अझै २४ जना मृत बन्धकको शव हस्तान्तरण गरेको छैन। यता इजरायली रक्षामन्त्री इसराइल कात्जले सम्झौताअनुसार मृतक बन्धकरूको शव समयमै हस्तान्तरण नगरे कठोर जवाफ दिने चेतावनी दिएका छन्। यता हमासले भने कतिपय शवहरू इजरायली सेनाको उपस्थिति रहेको क्षेत्रमा भएको पनि दाबी गरेको छ।

गाजा । हमासको कब्जामा रहेका भनिएका नेपाली नागरिक विपिन जोशीको मृत्यु भएको पुष्टि भएको छ । हमासको सशस्त्र शाखा अल-कसम ब्रिगेड्सले जारी गरेको विज्ञप्तिमा मृतक बन्दीहरूको पहिचान गाय इलुज, योसी शाराबी, विपिन जोशी र ड्यानियल पेरेजका रूपमा गरिएको छ ।

अल९कसम ब्रिगेड्सले सोमबार चार इजरायली बन्दीका शव हस्तान्तरण गर्ने घोषणा गरेको छ । विज्ञप्तिअनुसार, ती शवहरू हस्तान्तरण गरिनेछ । यो कदम इजरायल र हमासबीचको सम्झौताको एक हिस्साको रूपमा आएको हो, जसअनुसार इजरायलले प्यालेस्टाइनी कैदीहरूलाई रिहा गर्नेछ ।

यसअघि हमासले गाजामा रहेका सबै २० जना जीवित बन्दीहरूलाई रिहा गरिसकेको दाबी गरेको छ । तर, केही मृत इजरायली बन्दीका अवशेषहरू अझै हमासको नियन्त्रणमा रहेको बताइएको छ । इजरायली अधिकारीहरूले यो सम्झौताअन्तर्गत हमासले फेला परेका मृतक बन्दीका शवहरू फिर्ता गर्नुपर्ने माग गरेका छन् ।

नियमित महाधिवेशन माग गर्दै नेपाली कांग्रेस केन्द्रीय कार्यालयमा ध्यानाकर्षण पत्र बुझाइएको छ।

कांग्रेस नेता रञ्जित कर्ण, नेविसंघ पूर्वमहामन्त्री दीपक भट्टराई र सरोज थापा लगायतले मुख्यसचिव कृष्णप्रसाद पौडेललाई भेटेर सोमबार अपराह्न ध्यानाकर्षण पत्र बुझाएका हुन्।

नेता रञ्जित कर्णले नियमित महाधिवेशन माग गर्दै ध्यानाकर्षण पत्र बुझाइएको जानकारी दिए। विशेष महाधिवेशन माग गर्दै कांग्रेसमा ५१ प्रतिशत महाधिवेशन प्रतिनिधिहरूले हस्ताक्षर गरेका बेला नियमित महाधिवेशनको माग गर्दै ध्यानाकर्षण पत्र बुझाइएको हो।

नेविसंघ पूर्वमहामन्त्री दीपक भट्टराईले अहिलेको अवस्थामा नियमित महाधिवेशन गर्नुपर्ने बताए।

यस्तो छ पत्र;

सभापतिज्यू,

नेपाली कांग्रेस, केन्द्रीय कार्यसमिति

विषय: ध्यानाकर्षण सम्बन्धमा।

२०८२ साल असोज २४ गते शुक्रबार नयाँ बानेश्वरमा बसेको नेपाली कांग्रेस सम्बद्ध युवा, विधार्थी तथा तरुण भेलामा, देशको विषम अवस्थामा नेपाली कांग्रेसको केन्द्रीय समितिले तय गर्नुपर्ने कार्यक्रम र कार्यदिशाको सम्बन्धमा भेलामा सहभागीहरूको तर्फबाट अभिव्यक्त विचार र अवधारणाको आधारमा तपसिल बमोजिमको विषयमा ध्यानाकर्षण तथा सुझावको रूपमा नेपाली कांग्रेस केन्द्रिय कार्य समितिमा पेश गरेको जानकारी गराउँदछौं।

१) राष्ट्रिय स्वाभिमान, सार्वभौमसत्ता, संविधान र लोकतान्त्रिक प्रणालीप्रति देशी, विदेशी षड्यन्त्रको वादल मडारिइरहेको वर्तमान संकटको अवस्थामा यही भाद्र २३ गते जेनजी युवाहरूको सहभागीतामा भएको सुशासन र भष्ट्राचार विरोधी कार्यक्रमले दिएको राजनीतिक सन्देश र युवाहरुले उठाएका विषयवस्तुहरू तथा भाद्र २३ गते भएको विधार्थी हत्या, भाद्र २४ गते शान्तिपूर्ण आन्दोलनको आवरणमा भएको हिंसा, अराजकता, विध्वंस र राज्य उपद्रवको कारण भएको भौतिक तथा मानवीय क्षति, शान्ति सुव्यवस्था कायम गर्न राज्य असफल भएको घटना, सूचना प्रवाहमा भएको कमी कमजोरीको समीक्षा र विश्लेषण गरी आवश्यक निर्णय लिन नेपाली कांग्रेस केन्द्रिय समितिलाई हार्दिक आग्रह गर्दछौं।

२) जेन्जी विद्रोहको कारण देखाई जननिर्वाचित सरकारलाई विस्थापित गर्ने अराजनीतिक कार्य र प्रतिनिधिसभा विघटन गर्ने असंवैधानिक कदमको कारण उत्पन्न राजनीतिक अस्थिरता र संबैधानिक शून्यतालाई चिर्दै वर्तमान संकटपूर्ण राजनीतिको वैधानिक निकास दिन नेपाली कांग्रेसले संसदको सवैभन्दा ठूलो दल तथा संविधान र लोकतन्त्रको पहेदार पार्टीको हैसियत कायम गरी संसदवादी राजनीतिक दल, राजनीतिक संस्थाहरू, नागरिक समाजसँग संवाद र सहकार्यमा व्यवहारिक र वैधानिक राजनीतिक पहलकदमीको नेतृत्व गर्न नेपाली कांग्रेस केन्द्रिय समितिलाई हार्दिक आग्रह गर्दछौं।

त्यसै गरी यही २०८२ फाल्गुण २१ गतेको लागि घोषणा भएको निर्वाचनमा पार्टीको सक्रिय सहभागीता तथा प्रतिनिधिसभाको पुनर्स्थापनाको सम्बन्धमा राजनीतिक र एजेन्डागत छलफल गरी पार्टीको आधिकारिक धारणा निर्माण गर्न र नेपाली कांग्रेसको सो साझा अवधारणा कार्यकर्ता पंक्ति र जन समुदायमा सम्प्रेषण गर्न नेपाली कांग्रेस केन्द्रीय समितिको ध्यानाकर्षण गर्न चाहन्छौं।

३) नेपाली कांग्रेसको १५ औं महाधिवेशनका सम्बन्धमा विधिवत र नियमित महाधिवेशन मात्र नेपाली कांग्रेसको सबै तह (वडादेखि केन्द्रसम्म) युवा पुस्ताको सम्मानजनक सहभागीताको माध्यम हो।पार्टीको पुनर्गठन,पुस्तान्तरण र रुपान्तरणको प्रक्रियालाई वैधानिकरुपमा अघि बढाउन सक्ने एक मात्र विकल्प भनेको विधिवत नियमित महाधिवेशन मात्रै हो भन्ने हाम्रो निष्कर्ष हो।

तसर्थ १५ औं महाधिवेशनको सुनिश्चितताको लागि स्पष्ट समय तालिकासहित मंसिर मसान्तभित्र महाधिवेशन हुन सक्ने आधार र कार्ययोजना ल्याउन कांग्रेस केन्द्रीय समितिलाई हार्दिक आग्रह गर्दछौं।

अन्यथा, यो वा त्यो बहानामा महाधिवेशन गर्न असक्षम मौजुदा कार्यसमिति भङ्गको जोडदार माग समेत गर्दछौं।

४) यही भाद्र २३ र २४ गते जेन्जी विद्रोहको नाममा भएको जनधनको क्षति, तोडफोड, आगजनी र विध्वंसको निष्पक्ष छानबिन गरी दोषी उपर कडा कार्वाही गर्न हामी जोडदार माग गर्दछौ।

आन्दोलनको नाममा नेपालको महत्वपूर्ण राजनीतिक र न्यायीक संस्थाहरु, सास्कृतिक सम्पदा र पुरातात्त्विक महत्वका धरोहरहरुमा भएको यस्तो विध्वंसात्मक गतिविधि, आगजनी र लुटपाटको घटनाले सम्पूर्ण नेपालीको शीर निउराएको छ।

यसक्रममा नेपाली कांग्रेसको केन्द्रीय कार्यालय सानेपा, नेपाली कांग्रेसका संस्थापक बी पी कोइरालाको निवास विराटनगर, सर्वोच्च नेता गणेशमान सिंह स्मृति भवन चाक्सिबारी, सन्तनेता किसुन जी आश्रम बाडेगाउँ जस्ता राजनीति धरोहरहरू तथा पार्टी सभापति शेरबहादुर देउवालगायत शीर्षस्थ नेताको निवासमा भएको आक्रमण, तोडफोड, आगजनी र लुटपाटको घटनालाई हामीले षड्यन्त्रको रुपमा लिएका छौं। सो अपराधिक कार्यको घोर निन्दा गर्दछौं।

यसै गरी भाद्र २४ गते नेपाली कांग्रेसका सभापति एवम् पूर्वप्रधानमन्त्री शेरबहादुर देउवा तथा उहाँकी धर्मपत्नी केन्द्रीय सदस्य आरजु देउवामाथी भएको बर्बरता पूर्ण आक्रमण र साङ्घातिक हमलाको घोर भत्सर्ना गर्दछौं। घाइते देउवा दम्पतीको शीघ्र स्वास्थ्यलाभको कामना गर्दै सो हत्या गर्ने मनसायले गरिएको सो अमानवीय घटनामा सम्लग्न अपराधीक गिरोहलाई कडा भन्दा कडा कार्वाही गर्न माग गर्दछौं।

५) जेन्जी युवाहरूको भावना अनुरूप सुशासन, पारदर्शीता र भष्ट्राचारमा शुन्य सहनशीलताको मुद्दालाई भने पार्टीले गम्भीरतापूर्वक लिन आवश्यक छ,भन्ने हाम्रो ठम्याइँ हो।

यसका लागि पार्टीबाट सिफारिस भै राज्यका विभिन्न ओहदामा पुगेका, लाभको पदमा बसेका व्यक्तिको आर्थिक अनुशासनलाई पारदर्शी बनाउन केन्द्रीय समितिले “आन्तरिक अनियमितता छानबिन आयोग” गठन गरी २०४६ साल पछिका केन्द्रदेखि स्थानीय तहको नेतृत्वमा पुगेको व्यक्तिहरूको सम्पत्ति छानबिन गर्न र भविष्यमा पार्टीभित्र कुनै पनि जिम्मेवारी प्राप्त गर्न तथा सार्वजनिक पदको लागि पार्टीबाट सिफारिस गर्दा पारदर्शीताको क्लिन चिट प्राप्त व्यक्ति हुनु पर्ने व्यवस्था गर्न केन्द्रीय समितिलाई आग्रह गर्दछौं।

लोकतन्त्र भन्ने विधिको शासन मात्र होइन यसले नेता कार्यकर्तामा सोही अनुरूप लोकतान्त्रिक व्यवहार जीवन पद्धतिको अपेक्षा राख्दछ।

लोकतान्त्रिक शैली,भष्ट्राचारमुक्त आचारण, पारदर्शी जीवन पद्धतिको लागि केन्द्रदेखि स्थानीय तहसम्म लागू हुने गरी आचारण संहिता जारी गर्न समेतआग्रह गर्दछौं।

काठमाडौं । इजरायली डिफेन्स फोर्स (आइडिएफ) विपिन जोशी जीवित नरहेको जानकारी दिएको छ । विपिनको परिवार तथा इजरायलीस्थित नेपाली दूतावाससँग भिडिओ क्न्फरेन्स गरेर यो जानकारी दिइएको हो ।

इजरायलका लागि नेपाली राजदूत धनप्रसाद पण्डितले आइडिएफका अधिकारीहरूले भिडिओ कन्फरेन्समार्फत विपिनको परिवार र दूतावासलाई जानकारी दिएको पुष्टि गरे । राजदूत पण्डितले भने, ‘आइडिएफले हामी र विपिनको परिवारसँग भिडिओ कुराकानी गरेर ‘हि इज् नो मोर’ भन्ने जानकारी दियो । परिवारकै सामु आइडिएफ ले यो जानकारी दिएको छ ।’

यो क्षणमा विपिनकी आमा पद्मा र बहिनी पुष्पा अमेरिकाबाट भिडियो कन्फरेन्समा जोडिएका थिए । परिवारका सदस्य किशोर जोशी, राजदूत पण्डित र इजरायली डिफेन्स फोर्सका अधिकारीहरू उक्त कुराकानीमा सहभागी थिए । आइडिएफले हमासले केहीबेरमा जीवित बन्धकहरूलाई छोड्ने जानकारी दिए पनि, मृतकहरूमध्ये केहीको शव अझै भेटिएको छैन ।

यसैबीच, नेपालको परराष्ट्र मन्त्रालयले भने आइडिएफको यो घोषणालाई आकलन मात्र हुनसक्ने बताएको छ । परराष्ट्र मन्त्रालयका प्रवक्ता लोकबहादुर पौडेल क्षेत्रीले भने, ‘आइडिएफ को पनि आकलन मात्र हो । अझै यो मान्छे, त्यो मान्छे भन्ने अवस्था छैन । विगतमा आइडिएफले भनेका मानिसहरूका बारेमा पनि फरक विवरण आएको थियो । अन्तिम घडीसम्म हामी उहाँ सकुशल रिहा हुनुहुन्छ भन्नेमा आशावादी छौं ।’

काठमाडौं । नेकपा (एमाले) को सचिवालय बैठकले प्रतिनिधिसभा विघटनलाई असंवैधानिक र अलोकतान्त्रिक ठहर गर्दै तत्काल पुनःस्थापनाको माग गरेको छ । आइतबार सम्पन्न सचिवालयको ५८ औं बैठकपछि उपमहासचिव प्रदीप ज्ञवालीले एमालेको यो स्पष्ट अडान सार्वजनिक गरेका हुन् ।

ज्ञवालीका अनुसार, एमालेले गत भदौ २३ र २४ गतेको ‘जेनजी विद्रोह’ पछि प्रधानमन्त्री बनेकी सुशीला कार्कीको सिफारिसमा राष्ट्रपति रामचन्द्र पौडेलले गरेको प्रतिनिधिसभा विघटनलाई संविधान र लोकतान्त्रिक मूल्यमान्यता विपरीत भएको ठहर गरेको छ । ‘असंवैधानिक र अलोकतान्त्रिक ढंगले गरिएको प्रतिनिधि सभा विघटनलाई बदर गर्दै प्रतिनिधि सभा पुनःस्थापना हुनुपर्छ भन्ने स्पष्ट माग बैठकले गरेको छ,’ ज्ञवालीले सञ्चारकर्मीहरूसँग भने ।

एमालेले वर्तमान सरकार निर्वाचनको कार्यादेश पाए पनि त्यसको पालना नगरी निषेध, प्रतिशोध र मुठभेडको बाटोमा हिँडेको आरोप लगाएको छ । ज्ञवालीले भने, ‘सम्माननीय राष्ट्रपतिज्यूले यो सरकारलाई निर्वाचनको कार्यादेश दिनुभएको छ । तर, सरकार निर्वाचनको बाटोमा होइन, निषेध, प्रतिशोध र मुठभेडको बाटोमा हिँडिरहेको हामीले अनूभूत गरेका छौँ ।’

एमाले अध्यक्ष केपी शर्मा ओली सत्ताच्युत भएपछि सृजित राजनीतिक घटनाक्रममा प्रतिनिधिसभा विघटन भएको थियो । यद्यपि, एमालेले सरकारले निर्वाचनको विश्वसनीय वातावरण तयार गरेमा त्यस विषयमा विचार गर्न सकिने संकेत दिएको छ । तर, हालको अवस्थामा भने एमालेको प्रमुख जोड प्रतिनिधिसभाको पुनःस्थापनामा नै रहेको ज्ञवालीले स्पष्ट पारे ।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।