बुढासुब्बा गोल्ड कपको उपाधी पुलिसको पोल्टामा

0
269

फागुन, १४ काठमाडौं । नेपाल पुलिस क्लबले सडेन डेथमा संकटा क्लबलाई हराएर उन्नाइसौँ बुढासुब्बा गोल्ड कपको उपाधी उचालेको छ । पुलिसले चौथो पटक बुढासुब्बा गोल्डकपको उपाधी हात पारेको हो ।

धरान–१७ स्थित एन्फा टेक्निकल सेन्टरमा खेलको २८ औँ मिनेटमा संकटाका राज पौडेलले गोल गरेर अग्रता दिलाएका थिए । ८० औँ मिनेटमा पाएको पेनाल्टीलाई सदुपयोग गर्दै पुलिसका जुमानु राईले खेल बराबरी गरे । निर्धा्रित समयको खेल बराबरीमा सकिएपछि खेलको निर्णय टाइब्रेकरबाट गरिएको थियो । खेलमा पहिलो अग्रता लिएपनि त्यसलाई जोगाउन नसकेको संकटा टाइब्रेकरमा पराजित भयो ।

धरान फुटबल क्लबलाई हराएर पुलिस र रुपन्देही ११ लाई हराएर संकटा फाइनलमा पुगेका हुन् । जितसँगै पुलिसले ५ लाख रुपैयाँ र उपविजेता संकटाले २ लाख ५० हजार रपैयाँ पुरस्कार पाए ।