एकल साँझमा प्रस्तुत हुँदै मनका गायक रामकृष्ण ढकाल

0
308

काठमाडौं, ९ चैत्र । पछिल्लो समय समाज सेवाको भावना मान्छेमा असाध्यै बढेको देखिन्छ । मान्छेहरु विविध काम गरेर सेवाका क्षेत्रमा केहि योगदान दिन चाहन्छन् । र, पछिल्लो समय कला क्षेत्रका मान्छेपछि समाज सेवामा अत्याधिक मात्रामा देखिन थालेका छन् । यहि बेला लोकप्रिय गायक रामकृष्ण ढकाल ‘विन्ध्यावासीनी फाउन्डेशनको सहयोगार्थ’ एकल साँझमा प्रस्तुत हुने भएका छन् ।

विन्ध्यावासीनी म्युजिक कम्पनीले आगामी चैत १८ गते शुक्रबार ‘रामकृष्ण ढकाल एकल साँझ–२०७३’ गर्न लागेको हो । विन्ध्यावासीनी फाउन्डेशनको सहयोगार्थ एकल साँझ गर्न लागिएको कम्पनीका प्रबन्ध निर्देशक सुबास रेग्मीले जानकारी दिए । कार्यक्रमबाट उठेको रकम फाउन्डेसन मार्फत विभिन्न काममा खर्च गर्ने रेग्मीको भनाई छ ।

विन्ध्यावासीनी फाउन्डेशनले हरेक वर्ष विभिन्न स्रष्टाहरुलाई सम्मान तथा सहयोग गर्दै आएको छ भने सामाजिक कार्यमा पनि आफूलाई समर्पित गर्दै आएको छ । फाउन्डेशनले अहिले डोल्पा र स्याङ्जामा गरेर ४ जना बच्चाको पढाई खर्च बेहोर्दै आएको छ ।

त्यस्तै केही समयअघि मृगौला पीडित संगीतकर्मी शिव पौडेललाई ३ लाख १० हजार सहयोग गरेको थियो । फाउन्डेशनले संगीत आश्रम अवधारणा समेत अघि सारेको छ ।