कांग्रेस केन्द्रीय कार्यसमिति बैठक आज पनि जारी

0
307

काठमाडौं, १४ चैत्र । नेपाली कांग्रेसको केन्द्रीय कार्य समितिको बैठक आज दोस्रो दिन पनि चलिरहेको छ । लामो समयपछि हिजोदेखि केन्द्रीय कार्य समितिको बैठक शुरु भएको हो । बैठकको पहिलो दिन हिजो केन्द्रिय कार्य सम्पादन समिति गठन गरिएको छ । हिजोको बैठकमा सभापति शेरबहादुर देउवाले पदाधिकारी पदेन हुने उक्त समितिमा २५ सदस्य मनोनीत गर्नेगरी अनुमोदनका लागि पेस गर्नु भएको थियो । सभापतिको प्रस्ताव बैठकमा सर्वसम्मतिले अनुमोदन गरेको हो ।

केन्द्रीय कार्यसमितिले तय गरेको मर्यादाक्रमको पदाधिकारीबाहेक २५ नम्बरसम्मका सदस्य कार्यसम्पादन समितिमा मनोनीत गरिएको हो । विधानअनुसार २२ सदस्य मनोनीत हुने भए पनि सभापतिले मनोनयन गर्न बाँकी उपसभापति, महामन्त्री र सहमहामन्त्री पनि कार्यसम्पादन समितिमै रहेकाबाट मनोनीत गर्ने गरी २५ जना सदस्य कार्यसम्पादन समितिमा चयन गरिएको छ ।