स्थानीय तह निर्वाचनका लागि वैशाख २५ बाट ३१ गतेसम्म विद्यालय बन्द

0
270

काठमाडौं, २१ काठमाडौं । पहिलो चरणअन्तर्गत ३१ वैशाखमा निर्वाचन हुने प्रदेश ३, ४ र ६ का ३४ जिल्लामा सामुदायिक तथा संस्थागत विद्यालयहरु २५ वैशाखदेखि ३१ वैशाखसम्म बन्द गर्न निर्वाचन आयोगले सरकारलाई पत्राचार गरेको छ । बुधबार बसेको आयोग पदाधिकारी बैठकले पहिलो चरणअन्तर्गत स्थानीय तह निर्वाचन हुने प्रदेश ३, ४ र ६ मा मतदानस्थलका रुपमा प्रयोग गरिने सामुदायिक तथा संस्थागत विद्यालयहरु वैशाख २५ देखि ३१ गतेसम्मका लागि बन्द गर्न सरकारलाई पत्राचार गर्ने निर्णय गरेको हो ।

बैठकले सो प्रदेशअन्तर्गत पर्ने सरकारी कार्यालयहरु, स्वास्थ्यचौकी आदि २५ वैशाखभित्रै आयोगलाई हस्तान्तरण गरिसक्न पनि आग्रह गरेको छ । आयोगले मतदानका लागि आवश्य पर्ने सामग्रीको व्यवस्थापन गर्न सहज हुने भन्दै सो प्रदेशहरुमा पर्ने सरकारी कार्यालय र स्वास्थ्यचौकी हस्तान्तरण गर्न सरकारलाई आग्रह गरेको हो ।