काठमाडौं, २२ बैशाख । २० वर्षपछि हुन लागेको स्थानिय तहको निर्वाचनलाई लिएर धेरैमा उत्साह थपिएको छ । गाउँदेखि शहरसम्म अहिले चुनावको माहोल छ । पहिलो चरणको निर्वाचनकालागि आज निर्वाचन आयोगले उम्म्द्वारलाई चुनाव चिह्न प्रदान गर्दै छ । यो निर्वाचनमा सहभागी हुन् थुप्रै व्यक्तिहरुले सरकार जागिर छोडेरै होमिएका छन् ।
विभिन्न तह र तप्काका मानिसले स्थानिय तहमा चासो देखाउँदै गर्दा कलाकार तथा चलचित्र निर्माता पिएल श्रेष्ठले पनि बुढानिल्कण्ठ नगरपालिका को वडा न १३ बाट वडा अध्यक्षका लागि उम्मेद्वारी दिएका छन् । चलचित्र ‘चक्र’ निर्माण गरेका श्रेष्ठले दर्जन बढी गीतका म्यूजिक भिडियोमा अभिनय गरेका छन् ।
चलचित्र निर्माता हुँदै कला क्षेत्रमा आएका श्रेष्ठले आफूले वडा अध्यक्षमा जितेको खण्ड्मा गाउँको विकासका साथै स्थानियको कलाको जर्गेनामा पनि काम गर्ने बताएका छन् ।
