काठमाडौंको न्युरोडस्थित विशाल बजारबाट हुण्डी कारोबारको ४० लाख ३२ हजारसहित दुई जना पक्राउ परेका छन् ।
पक्राउ पर्नेमा भारतको कलकता घर भई हाल काठमाडौँ महानगरपालिका–२३ ओमबहाल बस्दै आएका ६७ वर्षीय सुरज दत्त र रुपन्देहीको देवदह नगरपालिका घर भइ काठमाडौँको चन्द्रगिरि–१५ तीनथाना बस्दै आएका ६३ वर्षीय धर्मप्रसाद ढकाल रहेको जिल्ला प्रहरी परिसर, काठमाडौंका एसपी अपिलराज बोहराले जानकारी दिए ।
विशाल बजारको भुइँतलामा रहेको पसलबाट प्रहरीले उनीहरूलाई पक्राउ गरेको हो । उनीहरुको साथबाट २ थान मोबाइल र विभिन्न सहकारी संस्थाका चेकबुक र पासबबुक बरामद भएको जिल्ला प्रहरी एसपी बोहराले बताए ।
