काठमाडौं । नेपालका विभिन्न कारागारबाट अहिले सम्म १३ हजार ५ सय ७२ भन्दा बढी कैदीबन्दी फरार भएका छन् ।
यस घटनाले देशभरको सुरक्षा व्यवस्था र कारागार प्रणालीमा ठूलो चासो सिर्जना गरेको छ । नेपाल प्रहरीका केन्द्रीय प्रवक्ता र डीआईजी विनोद घिमिरेका अनुसार, हालसम्म १३ हजार ५ सय ७२ कैदीबन्दी फरार भएका छन् ।
त्यसैगरी, हिरासतमा रहेका ५ सय ६० जना थुनुवा पनि फरार भएका छन् । यी थुनुवा विभिन्न मुद्दामा अनुसन्धानका लागि हिरासतमा थिए ।
मंगलबार देशभरका विभिन्न स्थानमा जेनजी प्रदर्शनको क्रममा तोडफोज र आगजनीका घटनाहरु घटेका थिए, जसको क्रममा फरार भएका कैदीबन्दी र थुनुवाहरुको संख्या थपिएको बताइएको छ । प्रहरीले घटनाको अनुसन्धान गरिरहेको र फरार व्यक्तिहरुको खोजीमा जुटेका छन् ।
अहिले सुरक्षा अधिकारीहरूले फरार कैदीबन्दी र थुनुवाहरुको ट्र्याकिङ र पक्राउ गर्नका लागि प्रयासलाई तीव्र पारेका छन् ।
