क्यानका पूर्व अध्यक्ष तथा पूर्व राष्ट्रिय क्रिकेट खेलाडी जयकुमारको निधन , क्यान द्ररा शोक ब्यक्त ।

0
851

२१ भदौ, काठमाडौं । नेपाल क्रिकेट संघ क्यानका पूर्व अध्यक्ष तथा पूर्व राष्ट्रिय क्रिकेट खेलाडी जयकुमार नाथ शाहको आज निधन भएको छ । लामो समयदेखि मुटु रोगबाट ग्रसित ८९ वर्षीय शाहको उपचारका क्रममा नर्भिक अस्पतालमा मृत्यु भएको अस्पतालले पुष्टि गरेको छ । एक साताअघि निवासकै बाथरुममा लडेर टाउकोमा चोट लागेपछि उनलाई नर्भिक अस्पताल पुर्‍याइएको थियो । उपचारकै क्रममा उनको आज बिहान १० बजेर २० मिनेटमा निधन भएको हो । उनको उपचार डाक्टर पंकज जलान र डाक्टर राजीव झाले गरिरहेका थिए । शाहले २०२२ सालदेखि नेपाल क्रिकेट संघको नेतृत्व संहालेका थिए ।

उनी लगातार ४० वर्ष क्यानको अध्यक्षमा आसिन रहे । उनी अध्यक्ष रहँदा नेपाली क्रिकेटले अन्तर्राष्ट्रिय सहभागिता सुरु गरेको थियो भने केहि भौतिक पूर्वाधारसमेत बनेका थिए । संघको नेतृत्वमा आउनुअघि उनी राष्ट्रिय खेलाडी समेत थिए । यसैबीच नेपाल क्रिकेट संघ क्यानले बिज्ञप्ति जारी गरी संघका पूर्व अध्यक्ष तथा एसीसीका पूर्व उपाध्यक्ष शाहको निधनमा शोक प्रकट गरेको छ । महासचिव अशोकनाथ प्याकुरेलले जारी गरेको बिज्ञप्तिमा नेपाली क्रिकेटमा लामो योगदान गरेका शाहको निधनले क्रिकेट बिकाशको नक्षेत्र गुमाउनुपरेको उल्लेख छ ।