धरान उपमहानगरपालिकाका मेयर हर्क साम्पाङले काठमाडौंका मेयर बालेन साहले शनिबार राति अश्लील शब्दसहित लेखेको फेसबुक स्टाटस यदि आफूले लेखेको भए के हुन्थ्यो भनेर सामाजिक सञ्जालमै प्रश्न गरेका छन् ।
बालेनले विभिन्न दल र शक्ति राष्ट्रलाई अश्लील शब्दसहित फेसबुकमा लेखेको गाली स्ट्याटसको चर्को आलोचना भइरहेका बेला साम्पाङले सामाजिक सञ्जालबाटै उक्त प्रश्नको जवाफ मागेका हुन् ।
उनले लेखेका छन्, ‘मन पर्ने मान्छेको पादै मिठो, मन नपर्ने मान्छेले मुटु नै झिकेर दिँदा पनि हेला होचो , मैले त्यो शब्द लेखेको भए के हुन्थ्यो होला ? अचेत जिन्दगीको जय होस् ।
