काठमाडौं । ‘हामी नेपाल’ संस्थाका संयोजक तथा ‘जेनजी आन्दोलन’का नेतृत्वकर्ता सुदन गुरुङले चार दिनपछि आफ्नो मौनता तोड्ने घोषणा गरेका छन् । मंगलबार सामाजिक सञ्जाल फेसबुकमार्फत उनले ‘4 more days before I break my silence’ भन्दै यो जानकारी दिएका हुन् ।

उनले कुन विषयमा बोल्न लागेका हुन् वा उनको मौनता तोड्नुको पछाडि के उद्देश्य छ भन्नेबारे भने केही खुलाएका छैनन् । युवा पुस्तामाझ उनको प्रभाव र जेनजी आन्दोलनले उठाएका विषयहरूका कारण उनको आगामी कदमलाई चासोका साथ हेरिएको छ ।

‘हामी नेपाल’ संस्थाले विभिन्न सामाजिक मुद्दाहरूमा आवाज उठाउँदै आएको छ भने सुदन गुरुङ युवाहरूमाझ परिचित नाम हो ।