काठमाडौँ । पत्रकारिता छोडेर पत्रकार राजीव खत्री रास्वपामा प्रवेश गरेका छन् । सामाजिक सञ्जालमा समेत चर्चित रहेका पत्रकार खत्री पत्रकारिता छोडेर राजनीतिको मैदानमा ओर्लिएका हुन् ।
केही दिनअघि न्यूज २० टेलिभिजनबाट राजीनामा दिएका उनी आज औपचारिकरुपमा रास्वपाका प्रवेश गरेका छन् ।
पत्रकारितामा छँदै रास्वपाप्रति सदासयता राख्दै आएका खत्रीले सभापति रवि लामिछानेसँग कारागारमा दुई पटक छलफलपछि पार्टी प्रवेश गरेका हुन् । उनको पार्टी प्रवेश कार्यक्रममा रास्वपाको कार्यालय घन्ट घरमा निकै भिडभाड भएको थियो । पार्टीका शुभेच्छुक र सञ्चारकर्मीको बाक्लो उपस्थितिबीच रास्वपाका नेताहरूले उनलाई ब्याच लगाइदिएर पार्टीमा स्वागत गरेको छ ।
