जेलबाट रिहा भएसँगै पूर्व प्रदेशसभा सदस्य दीपक मनाङे (राजीव गुरुङ) ले जेलभित्रका अनुभव सार्वजनिक गरेका छन्। उनले विशेषगरी दुर्गा प्रसाई को स्वास्थ्य र अनुशासनको प्रशंसा गरेका छन्।
हालै दिएको एक अन्तर्वार्तामा मनाङेले प्रसाईको दैनिक व्यायामप्रति आश्चर्य व्यक्त गर्दै भने, “त्यो उमेरको मान्छे भएर पनि हरेक दिन दुई घण्टा ट्रेडमिलमा फुल स्पिडमा कुद्छ। अहिलेका टप लेभलका बक्सरहरूले पनि त्यस्तो कुद्दैनन्।”
जेल जीवनबारे खुलाउँदै उनले कैदीबन्दीलाई फरक–फरक राखिने व्यवस्था रहेको बताए। तर साँझपख भने भेटघाटको अवसर मिल्ने गरेको उल्लेख गर्दै उनले आफूले दुर्गा प्रसाई, टोपबहादुर रायमाझी लगायतसँग नियमित भेट हुने गरेको बताए।
