साउन २० काठमाण्डौ । नेपाली कांग्रेसको शसक्त भातृ संगठन नेपाल बिद्यार्थी संगको ११ औं महाधिबेशनको मिती नजिंकीदै जांदा नेतृत्वमा जान चाहनेहरुको संख्या बाक्लो देखिएको छ । बिगत आठ बर्ष देखि महाधिबेशन हुन नसक्दा नेतृत्वमा जान चाहनेहरुको लामो लाईन लागेको छ ।
यति बेला कांग्रेस बिभिन्न गुट उप गुटमा बिभक्त भएकाले नेबिसंघमा पनि नेता पिछेका गुट बनेको छ । सभापतिको आकांक्षीहरुमा धेरैले इच्छा देखाएर चुनावी प्रचारको मैदानमा उत्रिए पनि बिभिन्न जिल्लाबाट आएका प्रतिनिधीको बिषयमा बिबाद कायमै छ ।
कुनै गुट पार्टी कार्यालय सानेपामा आमरण अनसनमा छ भने कुनै नेतृत्व हत्याउन नेताको घर दैलोमा अड्डा जमाएर बसेका छन त कुनै प्रतिनिधिको खोजी गर्दै हार गुहार गरि रहेका छन् । अझ भृकुटि मण्डप नै नेबिसंगको प्रचार केन्द्रको रुपमा स्थापीत भएको देख्न पाइन्छ । यहि माझमा गुटगत राजनीतिको अन्त्य हुनु पर्छ भन्दै स्वतन्त्र रुपमा उम्मेद्धारी घोषण गर्ने र प्रचार गराउनेहरुको पनि कमी रहेन ।
आफुलाई कुनै पनि गुट र नेताको आर्शिबाद नभएकोले सिंगो नेबिसंघलाई बलियो बनाउनका लागि भन्दै लक्ष्मण आचार्य चुनावि मैदानमा उत्रिएका छन् । आचार्यले आफु नेबिसंघको अध्यक्ष भएमा बिद्यार्थीको हक अधिकारका साथै संगठनलाई मजबुत बनाउन पहल गर्ने भन्दै प्रतिबद्धता पनि सार्वजनिक गरेका छन् ।
नेबिसंघ बिद्यार्थीहरुको संगठन भएको हुनाले सम्मुर्ण रुपमा यो संगठनलाई शैक्षिक उन्नयन बिकास,र शैक्षिक सुधारमा मात्रै केन्द्रित गर्ने ।
गुट गुटमा बिभाजीत भएर चिरा चिरा परेको संगठनलाईलाइ गुटहरुको अन्त्य गर्दै आन्तरीक न्याय र विबेक पनि छ है भन्ने सन्देश दिनका लागि ।
हरेक पार्टीहरुका भात्रृ संगठनहरुको काम, कर्तब्य र अधिकार प्रजातन्त्र,लोकतन्त्र र गणतन्त्रको प्राप्ती पछि सुमाजमा यसको अर्थ र उपादेयता के हो भन्ने स्थापित गर्न ।
हरेक अन्याय,अभाव र समस्यामा परेका बिद्यार्थीहरुले आफ्नो नेतृत्वसंग सहज पहूंच पुर्याएर समस्याबाट मुक्त हुने वाताबरण निर्माण गर्न ।
कांग्रेस मूल पार्टी र त्यसका हामी भातृसंस्था देशमा गणतन्त्र,संघियता,संबिधान जारी गर्दाका बखत जनतासंग गरेका बाचाहरुलाई प्रयोगमा ल्याउने काम गर्न यो संगठनले सबै जिल्लामा सहयोगी भूमिका खेल्न सक्छ ।
आठ आठ बर्ष सम्म नियमीत बिधानतः गरिएको ब्यबस्थालाई पदका कारणले वा अन्य कारणले अबरोध गर्ने चरित्र,स्वभाव र प्रबृत्तिको अन्त्य गर्न ।
माथि उल्लेखित मुद्धालाई कार्यान्वयन गर्दै भातृसंगठन र माउ पार्टिीलाई बलियो बनाउने उद्धेश्यका साथ आचार्यले सभापतिमा उम्मेद्धारी दिएको घोषण गरेका छन् भने अन्य उम्मेद्धारले पनि प्रचारात्मक शैली प्रयोग गर्दै मत माग्न लागि परेका छन् । यहि २३ गतेबाट राजधानीको भृकुटि मण्डपमा हुने महाधिबेशनको चटारोका बिद्यार्थीहरु लागे पनि प्रतिनिधि बिबाद र कस्लाई कुन पदमा विजय गराउने भन्नेमा पाटिृका नेताहरु निष्कर्षमा नपुगेकाले महाधिबेशन सम्पन्न हुनेमा आशंका उत्पन्न भएको कतिपयको बिश्लेषण छ ।
