आईतबार देखि राजधानीमा सुरु हुने नेपाली कांग्रेसको भातृ संगठन नेपाल बिद्यार्थी संघको ११ औं महाधिबेसनको तयारी अन्तीम चरणमा पुग्दा बिभिन्न पदमा उम्मेद्धारी घोषण गराउने क्रम जारी रहेको छ । सभापतीमा मात्रै १६ जनाले उम्मेद्धारी घोषणा गरेका छन् भने महामन्त्रीमा उम्मेद्धारी घोषण गर्नेहरु दर्जनौको संख्यामा रहेका छन् ।
संस्थापन र प्रजातान्त्रीक गरी दुई खेमामा बिभक्त भएको माउ पार्टी शुशिल कोइरालाको निधन संगै देउवाको कब्जामा पुगे पछि संस्थापन पक्षको एकक्षत्र कब्जामा रहेको बिद्यार्थी संगठनलाई कब्जा गर्न सभापती देउवा जस्तो सुकै हथकण्डा प्रयोग गर्न पनि तयार भएका छन् ।
तर देउवालाई बिद्यार्थी संगठन कब्जा गर्न भने मुस्किल पर्ने देखिएको छ । देशभरबाट आएका बिद्यार्थी प्रतिनिधिहरु संस्थापन पक्षका भएका कारण देउवा महाधिबेशनबाट आफ्नो पक्षमा परिणाम आउने नदेखे पछि पदाधिकारीको नाम टांस्दै महाधिबेसनलाई शहिद बनाउने पक्षमा भएको संस्थापन पक्षका सभापतिका आकांक्षीहरुको भनाई रहेको छ ।
यतिबेला देउवा पक्षबाट सभापतिमा ४ जनाले उम्मेद्धारी दिएका छन् भने देउवा जितजंग बस्नेतलाई सभापति बनाउने दाउमा रहेका छन् । देउवा निकटका नयनसिंह महरालाई केन्द्रिय सदस्य बनाउंदै डडेलधुरा जिल्लाका सभापती कर्ण बहादुर मल्ललाई जवाफ दिने तयारीमा छन् भने अन्यको उम्मेद्धारी फिर्ता गर्ने गोप्य सहमती भैसकेको छ ।
यता नेता त्रय मध्येका एक बन्न खोजेका कृष्ण प्रसाद सिटौला पक्षबाट कुन्दन राज काफ्ले मात्रै उम्मेद्धार भएका छन् । यदि काफ्ले सभापति बाहेक अरु कुनै पनि पदमा उठ्ने हो भने उनको जित सुनिश्चीत छ तर उनी सिटौला जसरी सभापतीमा पराजित हुन्छु भन्ने जान्दा जान्दै चुनाव लडे त्यसै गरि सिटौलाको लाईन बलियो छ भन्ने शन्देश दिन चुनावी प्रतिस्पर्धामा जाने मनस्थितीमा छन् ।
यता संस्थापन पक्षबाट मनोजमणी आचार्य सभापतिका बलिया प्रत्यासीका रुपमा मैदानमा छिरेका छन् भने संस्थापन पक्षकै उम्मेद्धार भएको दाबी गर्दै मैदानमा उत्रिनेहरुको लामो लाईन छ । पौडेल र कोइराला परिवारको प्रतिनिधि भएको दाबी गर्दै नौ जनाले सभापतिमा उम्मेद्धारी दिएका छन् भने त्यस मध्ये दिपक भट्टराई मनोजमणी आचार्यको महामन्त्री हने सर्तमा उम्मेद्धारी फिर्ता लिने मनस्थितीमा छन् भने निलकण्ठ रिजाल,रामप्रसाद अधिकारी,पदमराज पन्त,आनन्द त्रिपाठी लगायतले आफनो अस्तित्वमात्रै जोगान उम्मेद्धारी घोषण गरेको बुझिएको छ ।
यता साझा उम्मेद्धारको दावी गर्दै छितीज भण्डारी मैदानमा उत्रिएका छन् भने उनले पनि अन्तिम समयमा मनोजमणी आचार्यलाई समर्थन गर्ने भित्रि सहमती भैसकेको स्रोत बताएको छ ।
सन्त नेता कृष्ण प्रसाद भट्टराई निकट रहेका बिद्यार्थी नेता लक्ष्मण आचार्य पनि उम्मेद्धारी घोषण गर्दै मैदानमा उत्रिएका छन् । उनले आफु कुनै पनि पक्षको उम्मेद्धार नभएको भन्दै पार्टी देखि बिद्यार्थी संगठन सम्म फैलिएको गुटगत राजनीतिको अन्त्य गर्न आफले मात्रै सक्ने भन्दै सबै नेताले आफ्नो पक्षमा सहयोग गर्नु पर्ने दावी गरि रहेका छन् । यसरी उम्मेवारहरुको दाबीलाई मान्ने हो भने अब सभापतिमा ४ जनाको बिचमा मात्रै प्रतिस्पर्धा हु्ने अनुमान लगाउन सकिन्छ । जस्मा मनोजमणी आचार्य, जितजंग बस्नेत,कुन्दनराज काफ्ले र लक्ष्मण आचार्य अन्तीम पतिस्पर्धामा हुने छन् यस्मध्ये कस्ले बाजी मार्ला अहिल्यै अनुमान लगाउन कठिन छ ।
