काठमाडौँ, १४ भदौ । विभिन्न जडीबुटीबाट नेपालमा उत्पादन भएको तेलको माग विदेशमा बढेको छ । नेपालमा उत्पादित मेन्था, लेवन ग्रास, सिट्रोनेला, धसिङ्गरे, पामारोजा, टिमुर, क्यामोमाइल लगायत वनस्पतिजन्य तेलको विदेशमा अत्यधिक माग छ । वनस्पति विभाग प्राकृतिक सम्पदा अनुसन्धानका प्रमुख ज्योति जोशी भट्टले आव २०७२\७३ मा ९५० सेवाग्राहीले उत्पादन गरेको तेल विदेश निर्यात गर्न नापजाँच गरेको जानकारी दिनुभयो । “नापजाँच गरेको तेल व्यापार र अनुसन्धानका लागि बिक्री हुने गरेको छ,” उहाँले भन्नुभयो । नेपालमा उत्पादित जडीबुटीजन्य तेल फ्रान्स, क्यानडा, अमेरिका, जर्मनी, अष्ट्रेलिया, भारतलगायत देशमा निर्यात हुँदै आएको छ ।
