अमेरीकी राष्ट्रपतिको निर्वाचन हुन अब १२ घण्टा बांकी,सुरक्षा ब्यबस्था थप कडा ।

0
353

अमेरिका, २२ कात्तिक । अमेरिकी राष्ट्रपतिको निर्वाचनका लागि मतदान गर्न अब १२ घण्टा मात्रै बांकी रहेको छ । राष्ट्रपतिका दुबै उममेद्धार अन्तिम प्रचारमा लागेका छन् । निर्वाचनको समयमा आतंकवादी हमला तथा निर्वाचन प्रभावित पार्ने उद्देश्यले कुनै समूहले घटना घटाउन सक्ने सम्भावितअवस्थालाई मध्यनजर गर्दै सुरक्षा व्यवस्था कडा पारिएको अमेरिकी प्रशासनले जनाएको छ ।

अमेरिकी जनताले निर्वाचनद्वारा आफ्नो राष्ट्रप्रमुख छान्न नोभेम्बर ८ तारिख अर्थात् भोली सोमबार मतदान गर्न पाउने छन् ।

यसै सिलसिलामा डेमोक्रेटिक पार्टीका नेता तथा राष्ट्रपतिका आकाङ्क्षी हिलारी क्लिन्टनले आफ्नो चुनावी अभियानको उत्तरार्धमा प्रसिद्ध गायिका वियोन्स तथा केटी पेरी तथा वर्तमान राष्ट्रपति बाराक ओबामालाई विशेष महत्वका साथ अघि सारेको कुराले निकै चर्चा पायो ।

त्यसैगरी रिपब्लिकन पार्टीका उम्मेदवार डोनाल्ड ट्रम्पले निर्वाचनको अन्तिम चरणमा प्रचार अभियानलाई ‘क्रसकन्ट्री’ यात्रा तथा रेडियो सम्बोधनका सशक्त पारेका छन्।
एबीसी र वासिङ्टन पोस्टको पछिल्लो सर्वेक्षण आइतबार सार्वजनिक गरिँदा क्लिन्टनले निर्वाचनमा पाँच प्रतिशतको फरकले नेतृत्व गर्ने अर्थात् क्लिन्टनको ४८ प्रतिशत र ट्रम्पको ४३ प्रतिशत मत देखिएको छ ।

क्लिन्टनका निर्वाचन अभियान व्यवस्थापक रबी मुकले क्लिन्टनलाई पेनसिल्भानिया र फ्लोरिडामा विजय हात पारेमा ट्रम्पको विजयको बाटो बन्द रहने भनी प्रतिक्रिया दिएका छन् ।

त्यसैगरी ट्रम्पका निर्वाचन अभियन्ताहरुले क्लिन्टन पछिल्लो जनलहरबाट आत्तिएको भनी प्रतिक्रिया दिएका छन् । उनीहरुले निर्वाचनमा वियोन्सको उपस्थिति र कन्सर्टका आयोजना निर्वाचनका लागि अनावश्यक भएको बताए ।