अख्तियार दुरुपयोग अनुसन्धान आयोगले तत्कालीन प्रधानमन्त्री माधवकुमार नेपाल र तत्कालीन मन्त्री डा. मिनेन्द्र रिजालसहित ९७ जनाविरुद्ध भ्रष्टाचार मुद्दा दायर गरेको छ।

मोरङको विराटनगरस्थित रिजाल क्यानिङ एण्ड कम्पनी प्रालिको नाममा रहेको सरकारी जग्गा सट्टापट्टा गरी बिक्री गरेको प्रकरणमा अख्तियारले मंगलबार विशेष अदालतमा आरोपपत्र दायर गरेको हो।

अख्तियारले उक्त प्रकरणमा ७३ करोड ४९ लाख ५६ हजार रुपैयाँ बिगो कायम गरी आरोपपत्र दायर गरेको जनाएको छ। प्रतिवादीहरूलाई भ्रष्टाचार निवारण ऐन, २०५९ को विभिन्न दफाअनुसार कैद, बिगो बराबर जरिवाना तथा बिगो असुलउपरको मागदाबी गरिएको छ।

अख्तियारका अनुसार रिजाल क्यानिङ एण्ड कम्पनीले फलफूल उद्योग सञ्चालन गर्ने सर्तमा २०३२ सालमा सुनसरी र मोरङमा हदबन्दीभन्दा बढी जग्गा राख्न छुट पाएको थियो। तर कम्पनीले उद्योग सञ्चालनका लागि प्राप्त गरेको जग्गा सर्तविपरीत प्रयोग गरेको र पछि जग्गा सट्टापट्टा गर्ने प्रक्रिया अघि बढाएको अनुसन्धानबाट खुलेको आयोगको दाबी छ।

कम्पनीले विराटनगर उपमहानगरपालिका–३ मा रहेको कित्ता नम्बर ४८ र ७१ को जग्गा सट्टापट्टा गर्ने प्रक्रिया अघि बढाएको थियो। उक्त जग्गा यसअघि नै सरकारीकरण तथा जफत गर्ने निर्णय भइसकेको भए पनि विभिन्न सरकारी निकायका कर्मचारी तथा पदाधिकारीको मिलेमतोमा रोक्का फुकुवा गरिएको अख्तियारले जनाएको छ।

आयोगका अनुसार २०४८ चैत २३ गते तत्कालीन सरकारले रिजाल क्यानिङ एण्ड कम्पनीको नाममा रहेको सम्पूर्ण जग्गा जफत गर्ने निर्णय गरेको थियो। त्यसपछि पनि कम्पनीको नाममा रहेको जग्गा फुकुवा गरी सट्टापट्टा गर्ने प्रक्रिया अघि बढाइएको अख्तियारको अनुसन्धानमा उल्लेख छ।

भूमिसुधार कार्यालय मोरङले २०६३ भदौ १२ गते उक्त जग्गा फुकुवा गर्ने निर्णय गरेको थियो। त्यसपछि विभिन्न सरकारी निकायबाट सिफारिस तथा निर्णय गराउँदै २०६६ कात्तिक १५ गते भूमिसुधार तथा व्यवस्था मन्त्रालयले जग्गा सट्टापट्टाका लागि प्रधानमन्त्री तथा मन्त्रिपरिषद्को कार्यालयमा प्रस्ताव पठाएको थियो।

तत्कालीन प्रधानमन्त्री तथा मुख्यसचिवको संलग्नतामा प्रस्ताव मन्त्रिपरिषद्मा पेस भएको र मन्त्रिपरिषद्ले २०६६ मंसिर १६ गते सामाजिक समितिमा पठाउने निर्णय गरेको अख्तियारले जनाएको छ। त्यसपछि तत्कालीन मन्त्री तथा मन्त्रिपरिषद्को सामाजिक समितिका संयोजक डा. मिनेन्द्र रिजालले २०६६ पुस १६ गते जग्गा सट्टापट्टा गर्न दिने निर्णय गरेको आयोगको आरोप छ।

अख्तियारका अनुसार विराटनगरको बढी मूल्य पर्ने जग्गा बिक्री गरेर त्यसको सट्टामा कम मूल्य पर्ने जग्गा खरिद गरिएको थियो। कम्पनीले मोरङको तत्कालीन बनिगामा गाविसमा १२ लाख ८५ हजार रुपैयाँमा जग्गा खरिद गरेको थियो भने विराटनगरको जग्गा आठ करोड ३८ लाख ६२ हजार पाँच सय रुपैयाँमा बिक्री गरेको देखिएको आयोगले जनाएको छ।

सट्टापट्टा गरिएको बनिगामाको जग्गामा केही भागमा खाल्डो, केही भागमा कच्ची बाटो र बाँकी भागमा खोला बगिरहेको तथा कम्पनीले हालसम्म भोगचलन नगरेको अख्तियारको अनुसन्धानमा उल्लेख छ। यसबाट फलफूल उद्योग सञ्चालन गर्ने उद्देश्यभन्दा पनि विराटनगरको महँगो जग्गा बिक्री गरी सस्तो जग्गा प्राप्त गर्ने नियत रहेको आयोगको निष्कर्ष छ।

अख्तियारले तत्कालीन प्रधानमन्त्री माधवकुमार नेपाल र तत्कालीन मन्त्री डा. मिनेन्द्र रिजालविरुद्ध समान ७३ करोड ४९ लाख ५६ हजार रुपैयाँ बिगो कायम गरेको छ। उनीहरूमाथि भ्रष्टाचार निवारण ऐनको दफा १७ अनुसार कसुर कायम गरी बिगो बराबर जरिवाना, कैद तथा बिगो असुलउपरको मागदाबी गरिएको छ। नेपाल र रिजाललाई भ्रष्टाचार निवारण ऐनको दफा २४ अनुसार थप सजायको मागसमेत गरिएको छ।

यसैगरी भूमिसुधार तथा व्यवस्था मन्त्रालयका तत्कालीन सचिव छविराज पन्त, सहसचिव रमेशचन्द्र अधिकारी, विभिन्न मन्त्रालयका तत्कालीन कर्मचारी, भूमिसुधार तथा व्यवस्थापन विभागका अधिकारी, मालपोत कार्यालय मोरङका कर्मचारी, कृषि कार्यालयका अधिकारी र स्थानीय तहका तत्कालीन कर्मचारीलाई पनि प्रतिवादी बनाइएको छ।

रिजाल क्यानिङ एण्ड कम्पनीका सञ्चालकहरू कुलचन्द्र प्रसाद रिजाल, राजेन्द्र प्रसाद रिजाल, जनक प्रसाद रिजाल, देवेन्द्र प्रसाद रिजाल, बद्री प्रसाद रिजाल र पशुपति प्रसाद रिजाललाई समेत प्रतिवादी बनाइएको छ। उनीहरूमाथि मुख्य कसुरदारलाई सहयोग गरी भ्रष्टाचारमा मतियार बनेको आरोप लगाइएको छ।

त्यस्तै, जग्गा सट्टापट्टाको प्रक्रियामा संलग्न विभिन्न विद्यालयका तत्कालीन प्रधानाध्यापक तथा सञ्चालकहरूलाई पनि मतियारका रूपमा प्रतिवादी बनाइएको छ।

अख्तियारले उक्त जग्गा हाल विभिन्न व्यक्ति तथा संस्थाको नाममा हस्तान्तरण भइसकेको जनाएको छ। आयोगले ४० भन्दा बढी व्यक्ति तथा संस्थाको नाममा कायम रहेको जग्गा भ्रष्टाचार निवारण ऐन र अख्तियार दुरुपयोग अनुसन्धान आयोग ऐनअनुसार जफत गर्न मागदाबी गरेको छ।

प्रधानमन्त्री बालेन शाहले झण्डै १८ दिनपछि मन्त्रिपरिषद्को बैठक बोलाएका छन् ।

 

मंगलबार अपराह्न ३ बजे प्रधानमन्त्री तथा मन्त्रिपरिषद्को कार्यालय सिंहदरबारमा बस्ने गरी शाहले बैठक बोलाएका हुन् ।

बैठकमा केही अध्यादेशलगायतका विषयमा छलफल हुने तयारी रहेको स्रोतले जनाएको छ ।

सरकारले आज र भोलि दुई दिन बालबालिकालाई ‘राष्ट्रिय भिटामिन ‘ए’ कार्यक्रम’ सञ्चालन गरिरहेको छ ।

उक्त कार्यक्रमअन्तर्गत भिटामिन ‘ए’ क्याप्सुल छ महिनादेखि ५९ महिनाका बालबालिका र जुकाको औषधि एक वर्षदेखि पाँच वर्षसम्मका बालबालिकालाई खुवाइँदैछ ।

स्वास्थ्य सेवा विभागका पोषण शाखा प्रमुख लीलाविक्रम थापाले भिटामिन ‘ए’ करिब २१ लाख बालबालिका र जुकाको औषधि करिब २० लाख बालबालिकालाई खुवाइने बताए। अभिभावकहरूले आफ्ना बालबालिकालाई पायक पर्ने ठाउँमा समय मिलाएर लगेर ती औषधि खुवाउन उनले आग्रह गरे।

थापाकाअनुसार कार्यक्रमका लागि ५२ हजार महिला स्वास्थ्य स्वयंसेविका र १० हजार स्वास्थ्यकर्मी खटिँदै हुनुहुन्छ । सरकारले प्रत्येक वर्ष कात्तिक र वैशाखमा भिटामिन ‘ए’ र जुकाको औषधि बालबालिकालाई नि:शुल्क खुवाउने गरेको छ ।

बालबालिकामा हुनसक्ने स्वास्थ्य जटिलता तथा कुपोषणको जोखिम न्यूनीकरण गर्नका लागि विस २०५० देखि भिटामिन ‘ए’ क्याप्सुल र विस २०५६ देखि जुकाको औषधि नियमित खुवाउने गरिएको छ ।

 

कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा अहिले चौका–छक्का हान्दा दर्शकदीर्घाबाट हुटिङ गुञ्जिन्छ। विकेट झर्दा समर्थक उफ्रिन्छन्। तर मैदानमा दर्शकको ध्यान तान्ने पात्र खेलाडी मात्रै छैनन्। कहिले हात्ती नाचिरहेको देखिन्छ, कहिले बाघले कम्मर मर्काइरहेको हुन्छ। कतै यती दर्शकसँग हात मिलाउँदै हुन्छ त कतै गरुडले आफ्नो उपस्थिति देखाइरहेको हुन्छ।

 

पहिलो नजरमा यी पात्र कुनै मनोरञ्जन कार्यक्रमका कलाकारजस्ता लाग्न सक्छन्। तर वास्तवमा यी नेपाल प्रिमियर लिग (एनपीएल) का आठवटै टोलीका मस्कट हुन्। अहिले क्रिकेट मैदानमा उनीहरूको पनि आफ्नै ‘स्टारडम’ देखिन थालेको छ।

 

खेलाडीले ब्याट र बलबाट दर्शकको मन जित्ने प्रयास गरिरहेका बेला मस्कटहरू नाचगान, हाउभाउ र रमाइला गतिविधिबाट समर्थकलाई मनोरञ्जन दिइरहेका छन्। खेल हेर्न आएका बालबालिका उनीहरूसँग तस्बिर खिचाउन झुम्मिन्छन्। कतिपय दर्शक खेलको ब्रेकमा मस्कटसँग रमाइलो गर्न व्यस्त देखिन्छन्।

 

एनपीएलका यी मस्कट केवल मनोरञ्जनका पात्र मात्र होइनन्। प्रत्येक मस्कटको पछाडि एउटा क्षेत्र, संस्कृति, भूगोल र पहिचान जोडिएको छ। कसैले हिमालको याक रोजेको छ, कसैले तराईको गैँडा र अर्ना। कसैले जंगलको बाघ र सिंहलाई अघि सारेको छ भने कसैले पौराणिक गरुड र रहस्यमय यतीलाई आफ्नो प्रतीक बनाएको छ।

 

अर्थात्, एनपीएलमा आठ टोलीले आठ फरक पात्रमार्फत आफ्नो क्षेत्रको कथा पनि सुनाइरहेका छन्।

कसको मस्कट कस्तो ? नामभित्र लुकेको छ क्षेत्रीय पहिचान

 

१. जनकपुर बोल्ट्स : ‘बौवा’ अर्थात् सेतो हात्ती

 

जनकपुर बोल्ट्सको मस्कट सेतो हात्ती हो। यसको नाम ‘बौवा’ राखिएको छ। मैथिली भाषामा छोरालाई मायाले सम्बोधन गर्दा बौवा भन्ने गरिन्छ। नामदेखि स्वरूपसम्म यसले मधेशको भाषा, संस्कृति र स्थानीय पहिचानलाई प्रतिनिधित्व गर्छ।

 

२. काठमाडौं गोर्खाज : ‘दादा’ अर्थात् रहस्यमय यती

 

काठमाडौं गोर्खाजले हिमाली लोककथामा वर्णन गरिने यतीलाई आफ्नो मस्कट बनाएको छ। ‘दादा’ नाम दिइएको यस पात्रले दाजु, संरक्षक र मार्गदर्शकको भाव बोकेको छ। हिमालसँग जोडिएको रहस्यमय पात्र यती अहिले क्रिकेट मैदानमा दर्शकसँग रमाइरहेको देखिन्छ।

 

३. चितवन राइनोज : ‘मिस्टर गैँडा’

 

चितवनको नाम आउनेबित्तिकै धेरैको दिमागमा गैँडाको तस्बिर आउँछ। त्यही पहिचानलाई चितवन राइनोजले आफ्नो मस्कटमा उतारेको छ। ‘मिस्टर गैँडा’ नाम दिइएको एकसिंगे गैँडा चितवन राष्ट्रिय निकुञ्ज र त्यहाँको वन्यजन्तु सम्पदाको प्रतीक हो।

 

४. सुदूरपश्चिम रोयल्स : ‘बड्डौ’ अर्थात् बाघ

 

सुदूरपश्चिम रोयल्सको मस्कट बाघ हो। यसको नाम ‘बड्डौ’ राखिएको छ, जुन डोटेली भाषासँग सम्बन्धित छ। जंगलको शक्तिशाली जनावर बाघमार्फत टोलीले सुदूरपश्चिमको प्राकृतिक सम्पदा, क्षेत्रीय गौरव र पहिचानलाई झल्काएको छ।

 

५. विराटनगर किंग्स : ‘पूर्वेली राजा’ अर्थात् अर्ना

 

विराटनगर किंग्सले जंगली भैँसी अर्थात् अर्नालाई आफ्नो मस्कट बनाएको छ। ‘पूर्वेली राजा’ नाम दिइएको यस पात्रले पूर्वी नेपालको पहिचान र कोशी क्षेत्रको प्राकृतिक सम्पदालाई प्रतिनिधित्व गर्छ। अर्नाको बलियो शरीर र स्वभावलाई शक्ति तथा सहनशीलताको प्रतीकका रूपमा प्रस्तुत गरिएको छ।

 

६. कर्णाली याक्स : ‘मिस्टर याक’

 

कर्णाली याक्सको मस्कट हिमाली क्षेत्रमा पाइने याक हो। ‘मिस्टर याक’ नाम दिइएको यस पात्रले कर्णालीको हिमाली भूगोल र त्यहाँको जीवनशैलीलाई सम्झाउँछ। कठिन भूगोल र चिसो मौसममा समेत सहजै अनुकूलन गर्न सक्ने याकलाई शक्ति, धैर्य र सहनशीलताको प्रतीक मानिएको छ।

 

७. पोखरा एभेन्जर्स : ‘गरुड’ अर्थात् पौराणिक शक्तिशाली पात्र

 

पोखरा एभेन्जर्सको मस्कट पौराणिक पात्र गरुड हो। हिन्दू धर्मशास्त्रमा भगवान् विष्णुको वाहनका रूपमा वर्णन गरिने गरुडलाई शक्ति, साहस र तीव्रताको प्रतीक मानिन्छ। अन्य टोलीका मस्कटभन्दा पौराणिक पहिचान बोकेको गरुडले पोखरा एभेन्जर्सलाई छुट्टै स्वरूप दिएको छ।

 

८. लुम्बिनी लायन्स : ‘सिंह राजा’

 

लुम्बिनी लायन्सले सिंहलाई आफ्नो मस्कट बनाएको छ। ‘सिंह राजा’ नाम दिइएको यस पात्रले साहस, शक्ति र नेतृत्वको प्रतिनिधित्व गर्छ। टोलीको नाम र मस्कटबीच सीधा सम्बन्ध रहेकाले सिंह मैदानमा देखिँदा लुम्बिनी लायन्सको पहिचान झल्किन्छ।

आठ टोलीको साझा मस्कट पनि छ, नाम हो ‘जीत’

आठवटा टोलीका आठ फरक मस्कट भए पनि एनपीएलको साझा मस्कट भने हिउँ चितुवा हो। यसलाई ‘जीत’ नाम दिइएको छ। नेपाली भाषामा जीतको अर्थ विजय हो। त्यसैले यो कुनै एउटा टोलीको मात्र नभई समग्र प्रतियोगिताको प्रतिनिधित्व गर्ने प्रतीक हो।

क्रिकेटसँगै संस्कृति र पहिचानको पनि प्रदर्शन

एनपीएलका मस्कटलाई हेर्दा यो प्रतियोगिता क्रिकेटको प्रतिस्पर्धा मात्रै नभई नेपालको विविधता प्रदर्शन गर्ने एउटा माध्यमसमेत बनेको देखिन्छ। हिमालदेखि तराईसम्म, वन्यजन्तुदेखि पौराणिक पात्रसम्मका प्रतीकलाई एउटै मैदानमा उतारिएको छ।

 

खेलाडीले ब्याट र बलबाट आफ्नो क्षमता देखाइरहँदा मस्कटहरूले भने नाचगान र रमाइलो गतिविधिबाट दर्शकलाई जोडिरहेका छन्। उनीहरूको उपस्थितिले विशेषगरी बालबालिका र परिवारसहित खेल हेर्न आउने दर्शकका लागि थप आकर्षण सिर्जना गरेको छ।

सोलुखुम्बुको खुम्बु पासाङल्हामु गाउँपालिका–४ स्थित फेरुचेमा अवतरणका क्रममा दुई हेलिकप्टर ठोक्किँदा एक विदेशी पर्यटकको मृत्यु भएको छ भने अर्का एक जना घाइते भएका छन् ।

जिल्ला प्रहरी कार्यालय सोलुखुम्बुका प्रहरी निरीक्षक मौसम तामाङका अनुसार मंगलबार बिहान ८ बजेर ११ मिनेटमा फिस्टेल एयर र डाइनास्टिक एयरका हेलिकप्टर अवतरण गर्ने क्रममा आपसमा ठोक्किएका हुन् ।

दुर्घटनामा भारतीय नागरिक वसन्त कुमार बालारामारामाडुको मृत्यु भएको तामाङले जानकारी दिए । दुर्घटनामा घाइते भएका शैलेश कृष्ण पटेललाई प्रभु हेलिकप्टरमार्फत उद्धार गरी लितिपुरको मेडिसिटी अस्पताल पु¥याइएको उनले बताए । पटेलसँग भारतीय राहदानी रहेको र उनी न्युजिल्यान्डका नागरिक भएको प्रहरीको भनाइ छ ।

दुर्घटनामा मृत्यु भएका व्यक्तिको शव लुक्लास्थित अस्पतालमा ल्याइएको प्रहरीले जनाएको छ । दुर्घटनामा संलग्न हेलिकप्टरका पाइलटहरू भने सकुशल रहेको प्रहरी निरीक्षक तामाङले बताए ।

दुर्घटनाका बेला दुवै हेलिकप्टरमा कति यात्रु सवार थिए भन्ने विवरण खुल्न बाँकी रहेको प्रहरीले जनाएको छ । घटनाबारे थप विवरण संकलन भइरहेको प्रहरीको भनाइ छ ।

राजधानीमा जारी तेस्रो संस्करणको नेपाल प्रिमियर लिग (एनपीएल) मा सुदूरपश्चिम रोयल्सले दाेस्राे जित दर्ता गरेको छ। 

 दाेस्राे जित दर्ता गर्ने क्रममा सुदूरपश्चिमले चितवन राइनोजलाई ५ विकेटले हरायाे। 

जितका लागि पाएकाे १३० रनकाे लक्ष्य सुदूरपश्चिमले १७.४ ओभरमा ५ विकेटकाे क्षतिमा पूरा गर्याे।

जसमा ब्रेनडन म्याक्लमले ४३ रन जाेडे। 

कीर्तिपुरस्थित त्रिभुवन विश्वविद्यालय अन्तर्राष्ट्रिय यसअघि क्रिकेट मैदानमा सुदूरपश्चिमले टस हारेर ब्याटिङ गरेको चितवनले निर्धारित २० ओभरमा६ विकेटको क्षतिमा १२९ रन बनायाे। जसमा रवी बाेपराले सर्वाधिक ४९ रन जाेडे।

सुदूरपश्चिमका स्कट कुइगलीनले २ विकेट लिए।

भक्तपुरको मध्यपुर थिमी नगरपालिकाका प्रमुख प्रशासकीय अधिकृत भोजराज घिमिरेलाई अख्तियार दुरुपयोग अनुसन्धान आयोगले नियन्त्रणमा लिएको छ।

अख्तियारले घिमिरेबाट ३३ लाख रुपैयाँ घुस रकम बरामद गरेको आयोगका एक उच्च अधिकारीले जानकारी दिएका छन्।

घुस लेनदेन भइरहेको सूचनाका आधारमा सोमबार अख्तियारको टोलीले नगरपालिकाको कार्यालयमा छापा मारेको थियो। सो क्रममा विभिन्न कागजातसमेत बरामद गरिएको छ।

घटनाबारे थप अनुसन्धान भइरहेको छ।

संघीय संसदमा प्रतिनिधित्व गर्ने प्रतिपक्षी दलहरुले संसद बैठक आह्वान गर्न माग गर्ने निर्णय गरेको छ ।

सिंहदरबारस्थीत कांग्रेस संसदीय दलको कार्यालय सिंहदरबारमा सोमबार बसेको प्रतिपक्षी दलहरुको बैठकले छिटो भन्दा छिटो संसद आह्वान गर्न सभामुखसंंग आग्रह गर्ने निर्णय गरेको हो ।

हालै बिचौलियाहरूसँग जोडिएका बिषयका साथै न्यायपालिकाको कार्यप्रणाली र प्रेससँग सम्बन्धित संवेदनशील मुद्दाहरूहरुलाई सतहमा छलफल हुनुभन्दा संसदबाट नै निरुपण गर्नुपर्ने भएकाले संसद आह्वानका लागि आग्रह गर्ने निर्णय गरिएको कांग्रेस संसदीय दलका नेता भीष्मराज आङदेम्बेले जानकारी दिए ।

संसद्लाई छलेर अध्यादेशबाट मात्रै सबै कार्यहरू अगाडि बढाइएमा संसद्को गरिमा र अपरिहार्यतामाथि आँच आउने हुनाले संसद्लाई छिटो बोलाएर निष्कर्ष निकाल्नुपर्ने उनले बताए ।

त्यस्तै बैठकले गम्भीर र संवेदनशील विषयहरूको उचित टुङ्गो लगाउन प्रतिपक्ष दलका नेताहरूबीच बैठक बसी साझा धारणा तयार पार्ने र देश तथा जनताको हितका लागि सधैं सहकार्य गर्ने निर्णय भएको आङदेम्बेले बताए ।

उनले महाअभियोगबारे रास्वपा स्पष्ट नभएको भन्दै रास्वपाले यस बिषयलाई उठान गरेमा बिपक्षी दलले आवश्यक धारणा बनाउने उल्लेख गरे ।

नेपाली कांग्रेसका सभापति गगनकुमार थापाले आफू नतर्सिने बताएका छन् ।

उनले सामाजिक सञ्जाल फेसबुकमा स्टाटस लेख्दै तर्साउने धेरै आए पनि आफ्नो तर्सिने बानी नरहेको बताएका हुन् ।

प्रधानमन्त्री बालेनले आइतबार फेसबुकमा ‘सही समय आएपछि, सबैको गलत समय आउँछ, एकदुई जना उम्किन्छु भनेर सपना नदेखे हुन्छ !’ भन्दै स्टाटस लेखेका थिए ।

त्यसको भोलिपल्ट सोमबार कांग्रेस सभापति थापाले ‘अहिले ठीक १८:०० बजेको छ । तर्साउने धेरै आए, तर्सिने बानी परेन’ भन्दै स्टाटस लेखेका हुन् ।

जापानका लागि प्रस्तावित नेपाली राजदूत जिज्ञानकुमार थापाले आफ्नो नाम फिर्ता लिएका छन् ।

संसदीय सुनुवाइका क्रममा जापानको स्थायी आवासीय अनुमति (पीआर) लिएको विषयमा प्रश्न उठेपछि थापाले राजदूत नियुक्तिको सिफारिसबाट नाम फिर्ता लिने निर्णय गरेका हुन् ।

 

स्वार्थको द्वन्द्वसम्बन्धी प्रश्न उठेकाले नाम फिर्ता लिन लागेको संसदीय सुनुवाइ समितिका सभापति बोधनारायण श्रेष्ठले थापाले बताए । उनले केहीबेरमा औपचारिक निवेदन पठाउने छन् ।

गत असोज २८ गते भएको सुनुवाइमा थापाले जापानको पीआर त्यागिसकेको स्पष्टीकरण दिएका थिए । तर, संविधानको धारा २९१ र पीआर त्यागेको अवधिबारे सांसदहरूले प्रश्न उठाएपछि उनको सुनुवाइ टुंगिएको थिएन ।

यसअघि राजदूत नियुक्तिका लागि सिफारिस गरिएका १३ जनामध्ये १० जनाको नाम समितिले अनुमोदन गरेको थियो । साउदी अरबका लागि प्रस्तावित गिरीबहादुर सुनार र मलेसियाका लागि प्रस्तावित चुडामणि खरेलको नाम भने अस्वीकृत भएको थियो ।