काठमाडौं– काठमाडौं महागनरपालिकाका मेयर बालेन्द्र शाहले पदबाट राजीनामा दिएका छन्।

आइतबार शाहले उपप्रमुख सुनिता डंगोलसमक्ष राजीनामा बुझाएका हुन्। स्थनीय तहका प्रमुखले उपप्रमुखलाई र उपप्रमुखले प्रमुखलाई राजीनामा दिनुपर्ने कानुनी व्यवस्था छ।

आजैका मितिबाट लागू हुने गरी स्वेच्छाले राजीनामा दिएको बालेनले राजीनामा पत्रमा उल्लेख गरेका छन्। आगामी प्रतिनिधि सभाको निर्वाचनमा राष्ट्रिय स्वतन्त्र पार्टी (रास्वपा)बाट उम्मेदवार बन्ने भएपछि उनले राजीनामा दिएका हुन्।

काठमाडौँ । काठमाडौँ महानगरपालिकाका मेयर बालेन साहले मेयर पदबाट राजीनामा नदिने भएका छन् । ६ गते मनोनयन दर्ता गराएपछि मेयर पद स्वतः निष्क्रिय हुने भएकाले तत्काल राजीनामा नदिने मनस्थितिमा पुगेका हुन्।

प्रतिनिधिसभा निर्वाचनमा भाग लिन लागेका बालेनले आज राजीनामा दिने भनिएको थियो । उनले उपप्रमुख सुनिता डंगोललाई राजीनामा बुझाउने तयारी गरेका पनि थिए ।

तर, नेपाली काँग्रेसको विभाजनले उत्पन्न गरेको परिस्थितिमा निर्वाचन तालिका प्रभावित हुनसक्ने आशंकामा राजीनामा नगर्ने रणनीति बनाइएको बुझिएको छ ।

काठमाडौँ । निर्वाचन आयोगले उम्मेदवारी मनोनयन दर्ताको समय एक साता सार्ने तयारी गरेको छ । मनोनयन दर्ताको समय सीमा थप गर्न प्रमुख राजनीतिक दलले आग्रह गरेपछि आयोग छलफलमा जुटेको हो।

आगामी फागुन २१ गतेका लागि तय भएको प्रतिनिधि सभा निर्वाचनमा प्रत्यक्षतर्फको मनोनयन दर्ताको समय सीमा थप गर्न माग गरिएको हो ।

निर्वाचन आयोगका अनुसार नेपाली काँग्रेस, नेकपा (एमाले), नेपाली कम्युनिष्ट पार्टी (नेकपा), राष्ट्रिय स्वतन्त्र पार्टी (रास्वपा) लगायतका दलले मनोनयन दर्ताको समय माघ ६ गतेबाट माघ १५ देखि मसान्तसम्म सार्न आग्रह गरेका हुन् ।

यद्यपि निर्वाचन आयोगले अहिलेसम्म सार्ने विषयमा निर्णय नगरिसकेको बताइएको छ ।

काठमाडौं । काठमाडौं महानगरपालिकाका मेयर बालेन शाहले आज पदबाट राजीनामा दिने तयारी गरेका छन् । उनले दिउँसो २ बजेअघि नै राजीनामा दिएर राष्ट्रिय स्वतन्त्र पार्टी (रास्वपा)को केन्द्रीय समिति बैठकमा सहभागी हुने तयारी गरेका हुन् ।

आफ्नो राजीनामापत्र उपमेयर सुनिता डंगोललाई बुझाएर उनी औपचारिक रूपमा पार्टी राजनीतिमा सक्रिय हुनेछन् । आगामी प्रतिनिधिसभा निर्वाचनमा झापा–५ बाट उम्मेदवार बन्ने उनको तयारी छ ।

रास्वपा बैठक आज दिउँसो २ बजे पार्टी केन्द्रीय कार्यालय चःमतिमा बस्ने गरी बोलाइएको छ । बैठकमा आगामी फागुन २१ मा हुने प्रतिनिधि सभा निर्वाचन लगायतका विषयमा छलफल गरिनेछ । बैठकले प्रतिनिधिसभा निर्वाचनका एक सय ६५ वटै क्षेत्रमा उम्मेदवार टुंगो लगाउने तयारी गरेको छ ।

बैठकमा सबै पदाधिकारी र केन्द्रीय सदस्यहरूको अनिवार्य उपस्थिति रहन निर्देशन दिइएको छ । बैठकमा बालेन र सभापति रवि लामिछानेले छोटो सम्बोधन गर्ने तालिका छ । त्यस्तै, उनीहरू दुबै जना आजै जनकपुर प्रस्थान गर्ने बालेनको सचिवालयले जनाएको छ । जनकपुरमा सोमबार रास्वपाले विशेषसभाको आयोजना गरेको छ ।

बालेन शाह २०७९ सालको स्थानीय तह निर्वाचनमा स्वतन्त्र रूपमा प्रतिस्पर्धा गरेर ठूलो मतान्तरसहित मेयरमा निर्वाचित भएका थिए । रास्वपामा प्रवेश गरेर उनी वरिष्ठ नेता बनेका छन् । पुस १३ गते रास्वपामा प्रवेश गरेका बालनेअघि ललितपुरको ज्वागल क्षेत्रबाट पार्टी गतिविधिमा सक्रिय थिए ।

काठमाडौं । नेकपा एमालेले सबै निर्वाचन क्षेत्रका उम्मेदवार तय गरेको छ । शनिबार बसेको सचिवालय बैठकले २१ फागुनमा हुने निर्वाचनका लागि उम्मेदवारको टुङ्गो लगाएको हो । निर्वाचन आयोगका अनुसार यहि माघ ६ गते उम्मेदवारको मनोनयन दर्ता गर्ने तालिका छ ।

यी हुन् एमालेका उम्मेदवार, को–कहाँ ?

सुदूरपश्चिम प्रदेश

कैलाली
१. द्वारिका न्यौपाने
२. सूर्यबहादुर थापा
३. गौरीशंकर चौधरी
४. लेखराज भट्ट
५. यज्ञराज ढुङ्गाना

कञ्चनपुर
१. कमला बोहरा
२. वचनबहादुर सिंह
३. दीपक भट्ट

अछाम
१. झपटबहादुर बोहरा
२. यज्ञ बोगटी

बाजुरा
१. लालबहादुर थापा

डोटी
१. दीपक धामी

डडेल्धुरा
१. चक्र स्नेही

बझाङ
१. अफिलाल ओखेडा

बैतडी
१. दामोदर भण्डारी

दार्चुला
१. गणेशसिंह ठगुन्ना

कर्णाली प्रदेश
सल्यान

१. गुलाबजंग शाह

रुकुम पश्चिम
१. नन्दराम देवकोटा

सुर्खेत
१. धुर्व शाही
२. कुलमणि देवकोटा

कालिकोट
१. नागेन्द्र शाही (नेसनल)

जुम्ला
१. शान्तिबहादुर महत

मुगु
१. पूर्णबहादुर रोकाया

हुम्ला
१. दल फडेरा

डोल्पा
१. लङ्क रोकाया

दैलेख
१. रविन्द्रराज शर्मा
२. लक्ष्मीराज शर्मा

जाजरकोट
१. डम्मरबहादुर सिंह

लुम्बिनी प्रदेश
नवलपरासी
१. रामप्रसाद पाण्डे
२. भगवतीप्रसाद यादव

रुपन्देही
१. अध्यक्षले टुङ्गाउने
२. अध्यक्षले टुङ्गाउने
३. बासुदेव घिमिरे
४. अध्यक्षले टुङ्गाउने
५. खिमलाल भट्टराई

कपिलवस्तु
१. विश्राम चौधरी
२. अध्यक्षले टुङ्गाउने
३. बिरेन्द्र कडौनिया

दाङ
१. महासचिवको इच्छा बुझेर अध्यक्षले टुङ्गाउने
२. महासचिवको इच्छा बुझेर अध्यक्षले टुङ्गाउने
३. घनश्याम पाण्डे

बाँके
१. सूर्य ढकाल
२. अध्यक्षले टुङ्गाउने
३. दलबहादुर सुनार

बर्दिया
१. सालिकराम अधिकारी
२. विमला विक

पाल्पा
१. नारायण आचार्य
२. विष्णुप्रसाद पोडेल

रुकुम पूर्व
१. अध्यक्षले टुङ्गाउने

रोल्पा
१. गोकुल घर्ती

प्यूठान
१. सूर्यबहादुर थापा

अर्घाखाँची
१. पिताम्बर भुसाल

गुल्मी
१. प्रदीप ज्ञवाली
२. गोकर्ण बिष्ट

गण्डकी प्रदेश
नवलपुर
१. भागीरथ सापकोटा
२. तिलबहादुर (तिलक) महत क्षेत्री

गोरखा
१. आरसी लामिछाने
२. मिलन गुरुङ

लमजुङ
१. पृथ्वीसुब्बा गुरुङ

तनहुँ
१. भगवती न्यौपाने
२. केदार सिग्देल

स्याङ्जा
१. मिनप्रसाद गुरुङ
२. खिमबहादुर थापा

म्याग्दी
१. हरिकृष्ण श्रेष्ठ

कास्की
१. बैणबहादुर क्षेत्री
२. कृष्ण थापा
३. दामोदर बैरागी

बागलुङ
१. हिरा केसी
२. मञ्जु शर्मा चालिसे

मुस्ताङ
१. इन्द्रधारा बिष्ट

मनाङ
१. पोल्देन सोताङ गुरुङ

पर्वत
१. पदम गिरी

बागमती प्रदेश
सिन्धुली
१. प्रदीप केसी ९कटुवाल०
२. मनोजजंग थापा

रामेछाप
१. माधवप्रसाद ढुङ्गेल

दोलखा
१. पार्वत गुरुङ

सिन्धुपाल्चोक
१. आङदोर्जे शेर्पा
२. शेरबहादुर तामाङ

काभ्रे
१. अमित लामा
२. अध्यक्षले टुङ्गाउने

धादिङ
१. भूमी त्रिपाठी
२. धनबहादुर घले

नुवाकोट
१. बद्री मैनाली
२. केशव पाण्डे

रसुवा
१. प्रेमबहादुर तामाङ

मकवानपुर
१. रामेश्वर राना
२. महेश बर्तौला

चितवन
१. कृष्णराज (कमल) पाठक
२. अस्मिन घिमिरे
३. शंकरराज थपलिया

काठमाडौं
१. मोहन रेग्मी
२. मणिराम फुयाल
३. रामेश्वर फुयाल
४. अध्यक्षले टुङ्गाउने
५. अध्यक्षले टुङ्गाउने
६. अमनकुमार मास्के
७. अध्यक्षले टुङ्गाउने
८. राजेश शाक्य
९. अध्यक्षले टुङ्गाउने
१०. विनोद श्रेष्ठ

ललितपुर
१. चेतनाथ सञ्जेल
२. प्रेमबहादुर महर्जन
३. अध्यक्षले टुङ्गाउने

मधेश प्रदेश
सप्तरी
१. सुमन प्याकुरेल
२. सतिश सिंह
३. ताराकान्त चौधरी
४. बालकृष्ण चौधरी

सिराहा
१. केदार यादव
२. नविनकुमार यादव
३. लिलानाथ श्रेष्ठ
४. बिल्टु यादव

धनुषा
१. रामचन्द्र मण्डल
२. उमाशंकर अग्रहरि
३. जुली महतो
४. रघुवीर महासेठ

महोत्तरी
१. लक्ष्मी महतो कोइरी
२. रामपरिक्षण यादव
३. अध्यक्षले टुङ्गाउने
४. सरोज यादव

सर्लाही
१. अध्यक्षले टुङ्गाउने
२. अध्यक्षले टुङ्गाउने
३. हरि उप्रेती

रौतहट
१. अजय गुप्ता
२. शैलेन्द्र साह
३. कुन्दन कुशवाहा
४. रामजी शाह

बारा
१. अच्युत मैनाली
२. बलवीर चौधरी
३. ज्वाला शाह
४. किसान श्रेष्ठ

पर्सा
१. अध्यक्षले टुङ्गाउने
२. अध्यक्षले टुङ्गाउने
३. प्रमोद जैसवाल
४. जालिम मियाँ अन्सारी

कोशी प्रदेश
ताप्लेजुङ
१. अध्यक्षले टुङ्गाउने

पाँचथर
१. ऐन्द्रसुन्दर नेम्वाङ

इलाम
१. काजिमान कागते
२. सुहाङ नेम्वाङ

झापा
१. रामचन्द्र उप्रेती
२. देवराज घिमिरे
३. अध्यक्षले टुङ्गाउने
४. मनोज ताम्ली
५. केपी शर्मा ओली

संखुवासभा
१. डा. अर्जुन कार्की

धनकुटा
१. राजेन्द्र राई

भोजपुर
१. शेर्दन राई

तेह्रथुम
१. भानुभक्त ढकाल

सुनसरी
१. सूर्य पन्दाक
२र३. जगदीश कुसियात (सो मध्य–१ अध्यक्षले टुङ्गाउने)
४. भगवती चौधरी

मोरङ
१. घनश्याम खतिवडा
२. दिलीप बगेडिया
३. दिलीप राई
४. जीवन घिमिरे
५. अध्यक्षले टुङ्गाउने
६. अध्यक्षले टुङ्गाउने

सोलुखुम्बु
१. कल्पना राई

ओखलढुंगा
१. अस्मिता थापा

उदयपुर
१. दुर्गा थापा स्वोती
२. अमर रायमाझी

खोटाङ
१. देवविक्रम राई

काठमाडौं । मुलुकको समसामयिक राजनीति र बानेश्वरस्थित संसद् भवनमा भएको आगजनीको घटनापछि सिर्जित असहज परिस्थितिका बीच आजदेखि राष्ट्रिय सभाको १९औं अधिवेशन प्रारम्भ हुँदैछ । ‘जेनजी आन्दोलन’का क्रममा नयाँ बानेश्वरस्थित अन्तर्राष्ट्रिय सम्मेलन केन्द्रको संसद् भवन क्षतिग्रस्त भएपछि मुलुकको सर्वोच्च विधायिकी अभ्यास मुलुकको प्रमुख प्रशासनिक केन्द्र सिंहदरबारमा फर्किएको हो ।

संघीय संसद् सचिवालयको हलमा बिहान ११ः०० बजे बैठक बस्ने गरी सम्पूर्ण तयारी पूरा भएको सचिवालयले जनाएको छ । अधिवेशनको पहिलो दिन आजको बैठकमा राष्ट्रिय सभाका अध्यक्ष नारायणप्रसाद दाहालले राष्ट्रपति रामचन्द्र पौडेलबाट प्राप्त अधिवेशन आह्वानसम्बन्धी पत्र वाचन गरेर सुनाउने कार्यसूची रहेको छ । साथै, हालै निधन भएका नेपाली कांग्रेसका सांसद बलदेव बोहराको सम्मानमा शोक प्रस्ताव प्रस्तुत गरिनेछ ।

यसअघि शुक्रबार नै अध्यक्ष दाहालले कार्यव्यवस्था परामर्श समितिको बैठक राखेर अधिवेशनलाई व्यवस्थित बनाउने विषयमा छलफल गरिसकेका छन् । संविधानको धारा ९३ को उपधारा (१) बमोजिम मन्त्रिपरिषद्को सिफारिसमा राष्ट्रपति पौडेलले यो अधिवेशन आह्वान गरेका हुन् । गत भदौ ३१ गते १८औं अधिवेशन अन्त्य भएको थियो ।

 

कालीकोटको शुभकालिका गाउँपालिका–४ सल्लेरीमा शुक्रबार बेलुकी ६ बजे जीप दुर्घटना हुँदा तीन जनाको मृत्यु भएको छ ।

सेरी पान्तडी सडकको सल्लेरीमा उकालो चढ्ने क्रममा भे१ज २८९८ नम्बरको जीप ब्याक भएर दुर्घटना हुँदा तीन जनाको घटनास्थलमा मृत्यु भएको हो ।

मृत्यु हुनेमा दुई जना स्काभेटरका अपरेटर र एक जना सहचालक रहेको कालीकोटका प्रहरी प्रमुख हिमबहादुर खत्रीले बताए । उनका अनुसार मृत्यु हुनेमा दैलेख आठबिस नगरपालिका घर भएका २८ वर्षीय शङ्कर कठायत, अछामका टेकेन्द्र शाही र सहचालक कालीकोटको शुभकालिका–२ का नवराज शाही रहेका छन् ।

मृतक तीनै जना सेरी पान्तडी सडक खन्ने काममा संलग्न थिए । भीरबाट तीन वटै शव निकालेर सडकका ल्याएको र परीक्षणका लागि आफन्त बोलाएर सदरमुकाम लैजाने तयारी भएको प्रहरी प्रमुख खत्रीले बताए।

उनका अनुसार गाडी सडकबाट ५०० मिटर तल तिला नदीको किनारामा टुक्राटुक्रा भएको अवस्थामा छ । जिप चालक प्रहरीको सम्पर्कमा आएको तर सोधपुछ गर्न बाँकी रहेको प्रहरीले जनाएको छ ।

दुर्घटनाको खबर आएपछि सदरमुकाम मान्मबाट प्रमुख जिल्ला अधिकारी गोर्कणराज सुयल, प्रहरी प्रमुख खत्रीसहित जनपद प्रहरी, सशस्त्र प्रहरीसहितको टोली घटनास्थल पुगेको थियो ।

काठमाडौं । निर्वाचन आयोगबाट नेपाली कांग्रेसको वैधानिकतासम्बन्धी विवाद निरूपण भएसँगै नेता तथा निवर्तमान सांसद डा. सुनील शर्माले यसलाई समग्र पार्टीको विजयका रूपमा लिएका छन् । महामन्त्री गगन थापा पक्षले आधिकारिकता पाएको सन्दर्भमा प्रतिक्रिया दिँदै उनले यो घटनाक्रम कुनै व्यक्ति वा समूहको जित-हार नभई कांग्रेसको लोकतान्त्रिक जीवनको जित भएको बताएका हुन् ।

सञ्चारकर्मीहरूसँगको कुराकानीमा डा. शर्माले अब पार्टी सञ्चालनको स्वरूप परिवर्तन हुनुपर्नेमा जोड दिए । ‘अब शीर्ष तहका पाका नेताहरूले सल्लाहकार र अभिभावकको भूमिका निर्वाह गर्नुपर्छ,’ उनले भने, ‘पार्टी हाँक्ने जिम्मा भने अब युवा पुस्ताले नै लिनुपर्छ ।’

आफू सधैँ बीपी कोइरालाको विचार र ‘रूख’ चिह्नप्रति प्रतिबद्ध रहेको स्पष्ट पार्दै उनले आफूलाई कुनै गुट विशेषको घेरामा नराख्ने बताए । ‘हिजो पनि म पार्टी विभाजनको विपक्षमा थिएँ, आज पनि एकताकै पक्षमा छु,’ शर्माले भने, ‘म देउवा वा गगन-विश्व समूहभन्दा माथि उठेर बीपीले स्थापना गरेको मूल कांग्रेसमा समाहित छु । जहाँ बीपीको सिद्धान्त हुन्छ, म त्यहीँ रहन्छु ।’

काठमाडौँको भृकुटीमण्डपमा आयोजित विशेष भेलामा समेत उनले परम्परागत शैलीभन्दा माथि उठेर नवीन र सुधारिएको कांग्रेस बनाउनुपर्ने धारणा राखेका थिए । निर्वाचनको सम्मुखमा पार्टीभित्रको एकता अपरिहार्य रहेको भन्दै उनले सबैलाई एकताबद्ध भएर अघि बढ्न आह्वान समेत गरे । आगामी फागुन २१ गते हुने प्रतिनिधिसभा निर्वाचनका लागि मोरङ क्षेत्र नं. ३ बाट नेपाली कांग्रेसले डा. शर्माको नाम एकल रूपमा सिफारिस गरेको छ ।

काठमाडौं– निर्वाचन आयोगले आगामी प्रतिनिधिसभा सदस्य निर्वाचनलाई लक्षित गर्दै हिमाली तथा उच्च हिमाली क्षेत्रमा निर्वाचन सामग्री समयमै पुर्‍याउन ढुवानी व्यवस्थापन प्रक्रिया अघि बढाएको छ ।

फागुन २१ गते हुने निर्वाचनका लागि आयोगले मतपत्रसहित अत्यावश्यक सामग्री ढुवानी गर्न १३ वटा व्यवसायिक संस्थालाई सूचीकरण गरेको हो। दुर्गम क्षेत्रलाई प्राथमिकतामा राख्दै आयोगले कुरियर, ट्रक तथा कन्टेनर सेवातर्फ निजी क्षेत्रका सेवा प्रदायकहरू छनोट गरेको जनाएको छ।

आयोगका अनुसार कुरियर सेवातर्फ साझा कुरियर एण्ड कार्गो र ट्रान्स एयर इन्टरनेशनल लजिस्टिक प्रालि छनोट भएका छन्। हेलिकोप्टर सेवा सूचीकृत गर्न आह्वान गरिए पनि कुनै पनि फर्मले निवेदन नदिएको आयोगले जनाएको छ, जसका कारण उच्च हिमाली क्षेत्रमा हवाई ढुवानी चुनौतीपूर्ण हुन सक्ने संकेत गरिएको छ।

यस्तै, स्थलमार्गबाट सामग्री ढुवानीका लागि ११ वटा ट्रक तथा कन्टेनर सेवा प्रदायक सूचीकरणमा परेका छन्। आयोगले सार्वजनिक सूचनामार्फत आएका निवेदनलाई शर्त र वार्षिक औसत कारोबारका आधारमा मूल्याङ्कन गरी सेवा प्रदायक चयन गरेको जनाएको छ।

सूचीकरण भएका संस्थालाई आवश्यकता अनुसार निर्वाचन सामग्री आपूर्तिका लागि परिचालन गरिने आयोगले जनाएको छ।

काठमाडौं । महान्यायाधिवक्ता सविता भण्डारी बरालले गोर्खा मिडिया प्रालिसँग जोडिएको सहकारी ठगी मुद्दामा सबै आरोपितहरूविरुद्धका संगठित अपराध तथा सम्पत्ति शुद्धीकरण सम्बन्धी अभियोग संशोधन (फिर्ता) गर्न स्वीकृति दिएकी छन् ।

गत बुधबार रास्वपा सभापति रवि लामिछानेको हकमा मात्र यो निर्णय भएकोमा शुक्रबार दायरा बढाइएको हो । महान्यायाधिवक्ता कार्यालयका स्रोतका अनुसार रवि बाहेक जीबी राई, छविराज जोशी लगायत अन्य आरोपितहरूको हकमा पनि शुक्रबार यो निर्णय भएको छ ।

अब उनीहरूले सहकारी ठगीको मुद्दा मात्र सामना गर्नुपर्ने भएको छ । पीडित बचतकर्ताहरूको रकम फिर्ता गरेमा मिलापत्र गर्ने बाटो पनि खुला भएको छ । यसले मुद्दालाई सहज बनाउने अपेक्षा गरिएको छ ।

गोर्खा मिडिया नेटवर्क प्रालिमा विभिन्न सहकारी (सूर्यदर्शन, सुप्रिम, स्वर्णलक्ष्मी, सहारा चितवन लगायत) बाट करोडौं रुपैयाँ अनियमित रूपमा ल्याइएको आरोप लागेको थियो । यसमा रवि लामिछाने (तत्कालीन प्रबन्ध निर्देशक), जीबी राई (अध्यक्ष), छविराज जोशी (सञ्चालक) लगायत संलग्न थिए ।

प्रहरी अनुसन्धान र संसदीय छानबिन समितिको प्रतिवेदनमा सहकारीको रकम गोर्खा मिडियामा लगानी गरी अपचलन गरेको, संयुक्त खाता सञ्चालन गरी खर्च गरेको उल्लेख छ । यसै आधारमा विभिन्न जिल्ला अदालतमा ठगीसँगै संगठित अपराध र सम्पत्ति शुद्धीकरणको अभियोग दर्ता भएको थियो ।

महान्यायाधिवक्ता कार्यालयले मुलुकी फौजदारी कार्यविधि संहिता, २०७४ को दफा ३६ बमोजिम अभियोग संशोधनको स्वीकृति दिएको हो । यसअनुसार सहकारी ठगीको अभियोग कायम राखेर अन्य गम्भीर कसुरहरू हटाइएको छ ।

महान्यायाधिवक्ता कार्यालयले विभिन्न जिल्ला (कास्की, रुपन्देही, काठमाडौं, चितवन, पर्सा) मा दायर मुद्दाहरूमा यो संशोधन लागू हुने गरी निर्देशन दिएको छ । अब सरकारी वकिलहरूले अदालतमा अभियोग संशोधनको निवेदन दिनेछन् ।