काठमाडौँ । राष्ट्रपति रामचन्द्र पौडेलले संघीय संसदबाट पारित भई प्रमाणीकरणका लागि पेश भएका तीन वटा विधेयकलाई प्रमाणीकरण गरेका छन्।
राष्ट्रपति कार्यालयका प्रवक्ता रितेशकुमार शाक्यद्वारा जारी विज्ञप्तिअनुसार राष्ट्रपति पौडेलले नेपालको संविधानको धारा ११३ को उपधारा (२) बमोजिम विनियोजन विधेयक, २०८३, राष्ट्र ऋण उठाउने विधेयक, २०८३ र आर्थिक विधेयक, २०८३ प्रमाणीकरण गरेका हुन्।
तीनवटै विधेयक २०८३ साल असार ३० गते प्रमाणीकरण गरिएको राष्ट्रपति कार्यालयले जनाएको छ।
संघीय संसद्को बैठकबाट पारित भएर राष्ट्रपतिसमक्ष पुगेका विधेयक संवैधानिक प्रक्रिया पूरा भएपछि प्रमाणीकरण गरिएको हो।
