काठमाडौं, १८ फागुन । बुटवलमा जारी तिलोत्तमा गोल्डकप फुटबलको ९ औँ संस्करणमा हिमालयन शेर्पा क्लबलाई २–१ ले हराउँदै संकटा क्लब फाईनलमा पुगेको छ । संकटाको फाईनल यात्राका लागि सुशील केसीले इन्जुरी समयमा निर्णयक गोल गरे ।
देवी नगरमा रहेको एन्फा टेक्निकल सेन्टरको मैदानमा बुधबार भएको खेलमा चेतनकुमार थारुले २६ औं मिनेटमा गोल गर्दै अग्रता दिलाए पनि त्यसलाई जोगाउन नसक्दा हिमालयन शेर्पा पराजित भयो ।
संकटाका लागि दोश्रो हाफको इन्जुरी समयमा सुशील केसी र ४३ औं मिनेटमा मार्टिनले गोल गरेका थिए । बिहीबार हुने अर्को सेमिफाइनलमा घरेलु टोली रुपन्देही ११ र नेपाल आर्मीले खेल्ने छन् ।
