११ औं बृहत शैक्षिक मेला २०७४ भब्यताका साथ सम्पन्न,१ लाख ३० हजार भन्दा बढी विद्यार्थी सहभागि ।

0
928
साउन ८ काठमाडौ । नेपाल शैक्षिक परामर्श संघ इक्यान को आयोजनामा विहिबारबाट काठमाडौंको भृकुटीमण्डपमा सुरु भएको ११ औं बृहत शैक्षिक मेला २०७४ भब्यताका साथ सकिएको छ । २ सय ३६ स्टल तथा १४ वटा पेभिलियन रहेको मेलामा १ लाख ३० हजार भन्दा बढी विद्यार्थीले सहभागिता जनाएको इक्यानले जनाएको छ ।
विद्यार्थी अभिभावकको उत्साहपूर्ण सहभागिता नै मेला सफल हुनुको प्रमुख आधार भएको नेपाल शैक्षिक परामर्श संघ इक्यानका सचिव उमेश ढुंगेलले सञ्चारखवरलाई जानकारी दिनुभयो । मेलामा एकै स्थानमा विद्यार्थीहरुले विश्वका ५० देशका उत्कृष्ठ गन्तव्य मुलुकहरुको शिक्षा प्रणाली र अवसरको विषयमा जानकारी पाएका छन् ।
मेलामा विदेशको लागी प्रक्रियामा रहेका र विदेशमा कसरी जाने भन्ने बुझ्न चाहने विद्यार्थीरुको भीड लागेको थियो । व्यावसायीहरु बीचमा रहेको अस्वस्थ्य प्रतिस्पर्धालाई दुरुस्साहीत गरि स्वस्थ्य र मर्यादित रुपमा व्यावसाय सञ्चालन गर्ने वाताबरण पनि मेलाले श्रृजना गरेको सचिव ढुंगेलले जनाकारी दिनुभयो । उहाँले भन्नुभयो, शैक्षिक परमर्श र ज्ञानको आदानप्रदानका लागी मेला ऐतिहासिक भएको छ, मेलाको सफलताले इक्यानलाई उत्साहित बनाएको छ,कन्सल्टेन्सीको माध्यमबाट विदेशमा गएका विद्यार्थीलाई फर्काउन र नीति नियमलाई व्यावस्थित र परिमार्जन गरी नेपाललाई शैक्षिक हबको रुपमा विकास गर्न राज्यलाई दावव दिन मेला सहयोगी भएको क्यानले निष्कर्ष निकालेको छ ।
यस्तै मेलाले विद्यार्थी,कल्सलटेन्सी सञ्चालक र युनिभर्सिटी तथा विदेशी विश्वविद्यालयबाट आएका विज्ञहरुसँग प्रत्यक्ष रुपका भेटघाट अनुभव आदान प्रदान तथा त्यहाँको बास्तविक अवस्था बुझ्न ठुलो मद्धत पुर्याएको छ । मेलामा नेपाल उद्योग वाणिज्य महासंघ, नेपाल च्याम्बर अफ कमर्श, शैक्षिक पत्रकार संजाल ईजोन तथा अभिभावक संघ नेपालको सहकार्य रहेको थियो । ४ दिने मेलामा दैनिक डेन्टल क्याम्प र रक्तदान कार्यक्रम पनि सञ्चालन गरिएको थियो । मेलाको नेपालका लागी श्रीलंकका राजदुत डब्लु एस पेरेराले उद्घाटन गर्नुभएको थियो ।