काग्रेस मधेस मैत्री पार्टी नभएको राजपाको ठहर ।

0
265

२२ भदौ , काठमान्डौँ । राष्ट्रिय जनता पार्टीले तेस्रो चरणको स्थानीय तहको चुनावलाई लक्षित गरी चुनावी घोषणापत्र सार्वजनिक गरेको छ । काठमाडौंमा आज पत्रकार सम्मेलन गरेर राजपाले सार्वजनिक गरेको घोषणापत्रमा मधेसी नागरिकको हक अधिकारका लागि लड्ने पार्टीका रुपमा चित्रित गरेको छ ।
घोषणात्रमा बाढीको समस्या समाधान दीर्घकालीनमा रुपमा खोज्ने, तराई मधेसका खालाका दुवै किनारामा तटबन्ध गर्ने, चुरे संरक्षणका लागि पहल गर्ने, भारतीय बजारबाट ५० हजारसम्मको सामान खरिद गरेर ल्याउन भन्सार तिर्नु पर्ने व्यवास्थाका लागि पहल गर्ने उल्लेख गरिएको छ ।
त्यस्तै मधेस आन्दोलनका क्रममा निधन भएकाका परिवारलाई आफूले जितेका स्थानीय तहमा प्राथामिकता दिने, उनीहरुका बालबच्चाको निशुल्क शिक्षाको व्यवस्था गर्ने, घाइतेको जीवनवृत्तिका लागि उचित व्यवस्था गर्ने प्रतिबद्धता राजपाले जनाएको छ । तराईका कृषि योग्य जमिनमा सिंचारको व्यवस्था, विद्यालयमा पौष्टिक आहारको व्यवस्था गर्ने, प्रत्येक वडा लाइबे्ररी, इन्टरनेटको व्यवस्था गर्ने राजपाको घोषणापत्रमा उल्लेख छ ।
घोषणापत्रमा तीन ठूला पार्टीमध्ये माओवादी केन्द्रप्रति राजपा आक्रामा रुपमा प्रस्तुत भएको छ । माओवादीलाई अधिनायकवादी र सर्वसत्तावादमा विश्वास राख्ने सङ्घीयता विरोधी पार्टीका रुपमा चित्रित गरेको छ ।
एमालेलाई सङ्घीयता र समावेशीकरणका विरोधी पार्टीको आरोप लगाइएको छ भने कांग्रेस मधेस मैत्री पार्टी नभएको राजपाको ठहर छ ।