विश्व पर्यटन दिवसका अवसरमा पोखरामा पर्यटकको भब्य स्वागत । (फोटो फिचर सहित )

पोखरा, ११ असोज । ३८ औँ विश्व पर्यटन दिवसका अवसरमा हवाई मार्गबाट पोखरा विमानस्थलमा आउने विदेशी पर्यटकलाई भब्य स्वागत गरिएको छ ।

पोखरा पर्यटन परिषद्को संयोजकत्वमा विभिन्न १३ वटा पर्यटन व्यवसायी सङ्घसंस्थाका प्रतिनिधिले यती एअरलाइन्सको विमानबाट पोखरा विमानस्थलमा उत्रने विदेशी पर्यटकलाई बाजागाजासहित पूmलमाला लगाई स्वागत गरेका थिए ।

स्वागतपछि पर्यटकले नाचगानसमेत गरेका थिए । सोही उपलक्ष्यमा रेस्टुरेन्ट एण्ड बार एशोसिएशन नेपाल पोखराले आज साँझ पोखराको बाराहीचोकदेखि फिस्टेल गेटसम्म मिनी सडक महोत्सव गर्ने भएको छ ।

महोत्सवमा लाइभ ब्यान्ड, विभिन्न कलाकारको सांस्कृतिक कार्यक्रम र अन्तर्राष्ट्रियस्तका खानाका परिकारहरु मुख्य रुपमा रहने व्यवस्था मिलाइएको कार्यक्रम संयोजक भीमसेन भुजेलले जानकारी दिनुभयो । आन्तरिक तथा बाह्य पर्यटन प्रवद्र्धन गर्ने उद्देश्यले महोत्सव आयोजना गरिएको हो ।

त्यस्तै सोही उपलक्ष्यमा टान पोखराले पोखरा–लेखनाथ महानगरपालिकामा रहेका आठवटै तालको भ्रमण गराउने संस्थाका अध्यक्ष हरि भुजेलले बताएका छन् ।